Egg Karam Rice : కోడిగుడ్ల‌తో చేసే వివిధ ర‌కాల రుచిక‌ర‌మైన వంట‌కాల్లో ఎగ్ ఫ్రైడ్ రైస్ కూడా ఒక‌టి. ఎగ్ ఫ్రైడ్ రైస్ చాలా రుచిగా ఉంటుంది. చాలా మంది దీనిని ఇష్టంగా తింటారు. అలాగే ఇంట్లో కూడా త‌యారు చేస్తూ ఉంటారు. ఈ ఎగ్ ఫ్రైడ్ రైస్ ను ఒక్కో విధంగా త‌యారు చేస్తూ ఉంటారు. అందులో భాగంగా కింద చెప్పిన విధంగా చేసే ఎగ్ ఫ్రైడ్ రైస్ కూడా చాలా రుచిగా ఉంటుంది. అన్నం మిగిలిన‌ప్పుడు, వంట చేయ‌డానికి స‌మ‌యం త‌క్కువ‌గా ఉన్న‌ప్పుడు, లంచ్ బాక్స్ లోకి ఈ ఫ్రైడ్ రైస్ ను త‌యారు చేసి తీసుకోవ‌చ్చు. ఈ ఎగ్ ప్రైడ్ రైస్ ను త‌యారు చేయ‌డం చాలా సుల‌భం. మ‌రింత రుచిగా, సుల‌భంగా ఎగ్ ఫ్రైడ్ రైస్ ను ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
ఎగ్ ఫ్రైడ్ రైస్ త‌యారీకి కావ‌ల్సిన ప‌దార్థాలు..
అన్నం – ఒక గ్లాస్ బియ్యంతో వండినంత, కారం – ఒకటిన్న‌ర టీ స్పూన్, ధ‌నియాల పొడి – ఒక టీ స్పూన్, ఉప్పు – త‌గినంత, గ‌రం మ‌సాలా – అర టీ స్పూన్, నూనె – 2 టేబుల్ స్పూన్స్, త‌రిగిన ఉల్లిపాయ – 1, చిన్న‌గా త‌రిగిన ప‌చ్చిమిర్చి – 2, అల్లం వెల్లుల్లి పేస్ట్ – ఒక టీ స్పూన్, క‌రివేపాకు – ఒక రెమ్మ, ట‌మాట ముక్క‌లు – అర క‌ప్పు, ప‌సుపు – పావు టీ స్పూన్, కోడిగుడ్లు – 3, మిరియాల పొడి – పావు టీ స్పూన్, త‌రిగిన కొత్తిమీర – కొద్దిగా, నిమ్మ‌ర‌సం – అర చెక్క.
ఎగ్ ఫ్రైడ్ రైస్ త‌యారీ విధానం..
ముందుగా గిన్నెలో అన్నాన్ని తీసుకోవాలి.త‌రువాత ఇందులో ఉప్పు, కారం, ధ‌నియాల పొడి వేసి బాగా క‌ల‌పాలి. త‌రువాత క‌ళాయిలో నూనె వేసి వేడి చేయాలి. త‌రువాత ఉల్లిపాయ ముక్క‌లు, ప‌చ్చిమిర్చి వేసి వేయించాలి. త‌రువాత అల్లం వెల్లుల్లి పేస్ట్, క‌రివేపాకు వేసి వేయించాలి. త‌రువాత ట‌మాట ముక్క‌లు వేసి మెత్త‌గా అయ్యే వ‌ర‌కు వేయించాలి. ట‌మాట ముక్క‌లు వేగిన త‌రువాత వీటిని క‌ళాయిలోనే ఒక్క ప‌క్కకు అనాలి. త‌రువాత మిగిలిన క‌ళాయిలో మ‌రో టీ స్పూన్ నూనె వేసుకోవాలి. త‌రువాత కోడిగుడ్లు వేసుకోవాలి. వీటిపై కొద్దిగా ఉప్పు, మిరియాల పొడి చ‌ల్లుకోవాలి.
గుడ్లు వేగిన త‌రువాత వీటిని పెద్ద ముక్క‌లుగా చేసుకోవాలి. త‌రువాత గుడ్డు, ట‌మాట ముక్క‌లు అంతా క‌లిసేలా క‌లుపుకోవాలి. త‌రువాత అన్నం వేసి క‌ల‌పాలి. దీనిని పెద్ద మంట‌పై అంతా క‌లిసేలా క‌లుపుకోవాలి. త‌రువాత నిమ్మ‌ర‌సం, కొత్తిమీర వేసి క‌లిపి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఎగ్ ఫ్రైడ్ రైస్ త‌యార‌వుతుంది. దీనిని అంద‌రూ ఎంతో ఇష్టంగా తింటారు. ఈ విధంగా చాలా సుల‌భంగా చాలా రుచిగా ఎగ్ ఫ్రైడ్ రైస్ ను త‌యారు చేసి తీసుకోవ‌చ్చు.
