Godhuma Ravva Idli : మ‌నం గోధుమ‌ర‌వ్వ‌తో ఉప్మాతో పాటు వివిధ ర‌కాల తీపి వంట‌కాల‌ను కూడా త‌యారు చేస్తూ ఉంటాము. వీటితో పాటు గోధుమ‌ర‌వ్వ‌తో మ‌నం ఇడ్లీల‌ను కూడా త‌యారు చేసుకోవ‌చ్చు. గోధుమ‌ర‌వ్వ‌తో చేసే ఈ ఇడ్లీలు చాలా రుచిగా, మెత్త‌గా ఉంటాయి. వీటిని అప్ప‌టిక‌ప్పుడు ఇన్ స్టాంట్ గా త‌యారు చేసుకోవ‌చ్చు. ఉద‌యం పూట స‌మ‌యం త‌క్కువ‌గా ఉన్న‌వారు, వెరైటీగా తినాల‌నుకునే వారు ఇలా ఇడ్లీల‌ను త‌యారు చేసి తీసుకోవ‌చ్చు. ఈ ఇడ్లీల‌ను చ‌ట్నీ, సాంబార్ తో తింటే చాలా రుచిగా ఉంటాయి. రుచిగా, మెత్త‌గా గోధుమ‌ర‌వ్వ‌తో ఇడ్లీల‌ను ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
గోధుమ‌ర‌వ్వ ఇడ్లీ త‌యారీకి కావ‌ల్సిన ప‌దార్థాలు..
నూనె – 2 టేబుల్ స్పూన్స్, ఆవాలు – అర టీ స్పూన్, శ‌న‌గ‌ప‌ప్పు – ఒక టేబుల్ స్పూన్, మిన‌ప‌ప్పు – ఒక టేబుల్ స్పూన్, జీల‌క‌ర్ర – అర టీ స్పూన్, చిన్న‌గా త‌రిగిన ప‌చ్చిమిర్చి – 2, జీడిప‌ప్పు ప‌లుకులు – కొద్దిగా, గోధుమ‌ర‌వ్వ – ఒక క‌ప్పు, పుల్ల‌టి పెరుగు – అర క‌ప్పు, క్యారెట్ తురుము – 2 టేబుల్ స్పూన్స్, త‌రిగిన కొత్తిమీర – కొద్దిగా, ఉప్పు- త‌గినంత, వంట‌సోడా – పావు టీ స్పూన్.
గోధుమ‌ర‌వ్వ ఇడ్లీ త‌యారీ విధానం..
ముందుగా క‌ళాయిలో నూనె వేసి వేడి చేయాలి. నూనె వేడ‌య్యాక ఆవాలు, శ‌న‌గ‌ప‌ప్పు, మిన‌ప‌ప్పు వేసి వేయించాలి. త‌రువాత జీల‌క‌ర్ర, ప‌చ్చిమిర్చి, జీడిప‌ప్పు ప‌లుకులు వేసి వేయించాలి. త‌రువాత గోధుమ‌ర‌వ్వ వేసి ఒక నిమిషం పాటు వేయించి స్ట‌వ్ ఆఫ్ చేసుకోవాలి. ఈ ర‌వ్వ చల్లారిన త‌రువాత పెరుగు, క్యారెట్ తురుము, కొత్తిమీర, వంట‌సోడా, ఉప్పు వేసి క‌ల‌పాలి. త‌రువాత త‌గిన‌న్ని నీళ్లు పోసి క‌ల‌పాలి. దీనిపై మూత పెట్టి 10 నిమిషాల పాటు నాన‌బెట్టిన త‌రువాత మ‌రికొద్దిగా నీళ్లు పోసి ఇడ్లీ పిండిలా క‌లుపుకోవాలి.
త‌రువాత ఇడ్లీ ప్లేట్ ల‌ను తీసుకుని పిండి వేసుకోవాలి. వీటిని ఇడ్లీ కుక్క‌ర్ లో ఉంచి ఉడికించి స్ట‌వ్ ఆఫ్ చేసుకోవాలి. ఇవి కొద్దిగా చల్లారిన త‌రువాత ప్లేట్ లో వేసుకుని స‌ర్వ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే గోధుమ‌ర‌వ్వ ఇడ్లీలు త‌యార‌వుతాయి. ఈ విధంగా గోధుమ‌ర‌వ్వ‌తో ఇడ్లీలు త‌యారు చేసి తీసుకోవ‌డం వ‌ల్ల మ‌నం రుచితో పాటు ఆరోగ్యాన్ని కూడా పొంద‌వ‌చ్చు. ఈ ఇడ్లీల‌ను అంద‌రూ ఎంతో ఇష్టంగా తింటారు.
