Sambar : మ‌నం వంటింట్లో కూర‌లు, ప‌చ్చ‌ళ్ల‌తోపాటు సాంబార్ ను కూడా త‌యారు చేస్తూ ఉంటాం. కొంద‌రికి ప్ర‌తిరోజూ భోజనంలో సాంబార్ ఉండాల్సిందే. అలాగే మ‌నం ఉద‌యం అల్పాహారంలో భాగంగా చేసే ఇడ్లీ వంటి వాటిని తిన‌డానికి కూడా సాంబార్ తో క‌లిపి తింటూ ఉంటాం. అంద‌రూ ఎంతో ఇష్టంగా తినే ఈ సాంబార్ ను రుచిగా, సుల‌భంగా ఎలా త‌యారు చేసుకోవాలి.. దీని త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
సాంబార్ త‌యారీకి కావ‌ల్సిన ప‌దార్థాలు..
కందిప‌ప్పు – ఒక క‌ప్పు, నీళ్లు – 3 క‌ప్పులు, నాన‌బెట్టిన చింత‌పండు – 30 గ్రాములు, నూనె – రెండున్న‌ర టేబుల్ స్పూన్స్, ఆవాలు – అర టీ స్పూన్, జీల‌క‌ర్ర – ఒక టీ స్పూన్, ఎండు మిర్చి – 2, క‌రివేపాకు – ఒక రెబ్బ, క‌చ్చా ప‌చ్చాగా దంచిన వెల్లుల్లి రెబ్బలు – 3, ఇంగువ – పావు టీ స్పూన్, త‌రిగిన మున‌క్కాయ – 1, పెద్దగా త‌రిగిన ట‌మాట – 1, త‌రిగిన వంకాయ‌లు – 2 , త‌రిగిన బెండ‌కాయ‌లు – 2, త‌రిగిన ప‌చ్చి మిర్చి – 2, త‌రిగిన ఉల్లిపాయ – 1, త‌రిగిన సొర‌కాయ ముక్క‌లు – ఒక క‌ప్పు, ప‌సుపు – ఒక‌టిన్న‌ర టీ స్పూన్, కారం – ఒక టీ స్పూన్, నీళ్లు – 400 ఎంఎల్, సాంబార్ పొడి – ఒక టేబుల్ స్పూన్, త‌రిగిన కొత్తిమీర – కొద్దిగా.
సాంబార్ త‌యారీ విధానం..
ముందుగా ఒక కుక్క‌ర్ లో కందిప‌ప్పును వేసి శుభ్రంగా క‌డిగి మూడు గ్లాసుల నీళ్లు పోసి అర గంట పాటు నాన‌బెట్టుకోవాలి. త‌రువాత దాంట్లోనే పావు టీ స్పూన్ ప‌సుపు, రుచికి త‌గినంత ఉప్పును, ఒక టీ స్పూన్ నూనెను వేసి క‌లిపి మూత పెట్టి 3 విజిల్స్ వ‌చ్చే వ‌ర‌కు ఉడికించాలి. త‌రువాత మూత తీసి గంటెతో ప‌ప్పును మెత్త‌గా చేసుకోవాలి. త‌రువాత సాంబార్ కు స‌రిపోయే మ‌రో గిన్నెను తీసుకుని దానిలో నూనె వేయాలి. నూనె వేడ‌య్యాక అవాల‌ను, జీల‌క‌ర్ర‌ను, ఎండు మిర్చిని, వెల్లుల్లి రెబ్బ‌ల‌ను, క‌రివేపాకును వేసి తాళింపు చేసుకోవాలి.
త‌రువాత కూర‌గాయ ముక్క‌ల‌తోపాటు ఉల్లిపాయ, ప‌చ్చి మిర్చి ముక్క‌ల‌ను కూడా వేసి క‌లిపి మూత పెట్టి కూర‌గాయ ముక్క‌లు మెత్త‌గా ఉడికే వ‌ర‌కు ఉంచాలి. వీటిని మాడిపోకుండా మ‌ధ్య మ‌ధ్య‌లో క‌లుపుతూ ఉండాలి. కూర‌గాయ ముక్క‌లు ఉడికిన త‌రువాత చింత‌పండు గుజ్జును వేసి క‌లిపి 5 నిమిషాల పాటు ఉడికించాలి. త‌రువాత ఉడికించిన ప‌ప్పును వేసి క‌ల‌పాలి. త‌రువాత నీటిని పోసి క‌లిపి సాంబార్ పొంగు వ‌చ్చే వ‌ర‌కు మ‌రిగించాలి. ఇలా మ‌రిగించిన త‌రువాత సాంబార్ పొడినివేసి క‌లిపి మ‌రో 5 నిమిషాల పాటు ఉడికించాలి. చివ‌ర‌గా కొత్తిమీర‌ను చ‌ల్లి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే సాంబార్ త‌యార‌వుతుంది. ఈ సాంబార్ ను అన్నం, ఇడ్లీ వంటి వాటితో క‌లిపి తింటే చాలా రుచిగా ఉంటుంది. దీన్ని అంద‌రూ ఎంతో ఇష్టంగా తింటారు.
