Multigrain Dosa : మ‌నం అల్పాహారంగా దోశ‌ల‌ను త‌యారు చేసుకుని తింటూ ఉంటాం. దోశ‌లు చాలా రుచిగా ఉంటాయి. వీటిని చాలా మంది ఎంతో ఇష్టంగా తింటారు. సాధార‌ణంగా దోశ‌ల‌ను మ‌నం మిన‌ప‌ప్పుతో త‌యారు చేస్తాము. మిన‌ప‌ప్పుతో పాటు ఇత‌ర ప‌ప్పుల‌ను వేసి దోశ‌ను మ‌రింత రుచిగా, ఆరోగ్యానికి మేలు చేసేలా త‌యారు చేసుకోవ‌చ్చు. ఇలా త‌యారు చేసిన దోశ‌ల‌ను ఎన్ని తిన్నారో కూడా తెలియ‌కుండా తినేస్తారు. ఎంతో రుచిగా, క‌ర‌క‌ర‌లాడుతూ ఉండేలా మ‌ల్టీగ్రెయిన్ దోశ‌ల‌ను ఎలా త‌యారు చేసుకోవాలో ఇప్పుడు తెలుసుకుందాం.
మ‌ల్టీగ్రెయిన్ దోశ త‌యారీకి కావ‌ల్సిన ప‌దార్థాలు..
మిన‌ప‌ప్పు – అర క‌ప్పు, పెస‌ర‌ప‌ప్పు – అర క‌ప్పు, బియ్యం – అర క‌ప్పు, శ‌న‌గ‌పప్పు – అర క‌ప్పు, కందిప‌ప్పు – అర క‌ప్పు, ఇంగువ – చిటికెడు, ఎండుమిర్చి – 4, ప‌చ్చి కొబ్బ‌రి ముక్క‌లు – అర క‌ప్పు, జీల‌క‌ర్ర – ఒక టీ స్పూన్, క‌రివేపాకు – ఒక రెమ్మ, వెల్లుల్లి రెబ్బ‌లు – 5, ఉప్పు – త‌గినంత, బెల్లం తురుము – అర క‌ప్పు.
మ‌ల్టీ గ్రెయిన్ దోశ త‌యారీ విధానం..
ముందుగా ఒక గిన్నెలో ప‌ప్పుల‌న్నింటిని తీసుకోవాలి. త‌రువాత ఇందులో బియ్యాన్ని కూడా వేసి శుభ్రంగా క‌డ‌గాలి. త‌రువాత ఇందులో తగినన్ని నీళ్లు పోసి రాత్రంతా నాన‌బెట్టాలి. అంత స‌మ‌యం లేని వారు క‌నీసం 4 గంట‌ల పాటు నాన‌బెట్టాలి. ప‌ప్పులు నానిన త‌రువాత వాటిని మ‌రోసారి క‌డిగి జార్ లోకి తీసుకోవాలి. త‌రువాత ఇందులో ఇంగువ, ఎండుమిర్చి, జీల‌క‌ర్ర, వెల్లుల్లి, కొబ్బ‌రి ముక్క‌లు, క‌రివేపాకు వేసి తగినన్ని నీళ్లు పోసుకుంటూ మెత్త‌గా మిక్సీ ప‌ట్టుకోవాలి. త‌రువాత పిండిని గిన్నెలోకి తీసుకుని ఉప్పు, తగినన్ని నీళ్లు పోసి దోశ పిండిలా క‌లుపుకోవాలి. త‌రువాత స్ట‌వ్ మీద పెన్నాన్ని ఉంచి వేడి చేయాలి.
పెనం వేడ‌య్యాక పిండిని తీసుకుని దోశ‌లా వేసుకోవాలి. త‌రువాత దీనిపై నెయ్యి వేసి ఎర్ర‌గా అయ్యే వ‌ర‌కు కాల్చుకోవాలి. త‌రువాత మ‌రోవేపుకు తిప్పి కాల్చుకోవాలి. ఇలా రెండు వైపులా కాల్చుకున్న త‌రువాత దోశ‌ను ప్లేట్ లోకి తీసుకోవాలి. ఇలా చేయ‌డం వ‌ల్ల మ‌ల్టీ గ్రెయిన్ దోశ త‌యార‌వుతుంది. దీనిని ఏ చ‌ట్నీతో తిన్నా కూడా చాలా రుచిగా ఉంటుంది. ఈ దోశ‌ను తిన‌డం వ‌ల్ల మ‌నం రుచితో పాటు ఆరోగ్యాన్ని కూడా పొంద‌వ‌చ్చు.
