Mushroom Tomato Masala Curry : మ‌నం పుట్ట‌గొడుగుల‌తో ర‌క‌ర‌కాల వంట‌కాల‌ను త‌యారు చేస్తూ ఉంటాం. పుట‌ట్ గొడుగుల‌తో చేసే వంట‌కాలు తిన‌డం వ‌ల్ల ర‌చితో పాటు ఆరోగ్యానికి కూడా మేలు క‌లుగుతుంది. మ‌న‌కు రెస్టారెంట్ ల‌లో కూడా వివిధ ర‌కాల మ‌ష్రూమ్ కూర‌లు ల‌భిస్తూ ఉంటాయి. వాటిలో మ‌ష్రూమ్ ట‌మాట మ‌సాలా కర్రీ కూడా ఒక‌టి. ఈ కూర చాలా రుచిగా ఉంటుంది. అచ్చం అదే రుచితో ఈ కూర‌ను మ‌నం ఇంట్లో కూడా త‌యారు చేసుకోవ‌చ్చు. రెస్టారెంట్ స్టైల్ లో మ‌ష్రూమ్ ట‌మాట మ‌సాలా క‌ర్రీని ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
మ‌ష్రూమ్ ట‌మాట మ‌సాలా కర్రీ త‌యారీకి కావ‌ల్సిన ప‌దార్థాలు..
పుట్ట గొడుగులు – 200 గ్రా., త‌రిగిన ట‌మాటాలు – 4, త‌రిగిన ప‌చ్చిమిర్చి – 2, యాల‌కులు – 2, దాల్చిన చెక్క – ఒక ఇంచు ముక్క, ల‌వంగాలు – 5, చిన్న బిర్యానీ ఆకు – 1, జీడిపప్పు ప‌లుకులు – 15, బ‌ట‌ర్ – ఒక టేబుల్ స్పూన్, నూనె – 2 టేబుల్ స్పూన్స్, చిన్న‌గా త‌రిగిన పెద్ద ఉల్లిపాయ – 1, అల్లం వెల్లుల్లి పేస్ట్ – ఒక టేబుల్ స్పూన్, జీల‌క‌ర్ర పొడి – ఒక టీ స్పూన్, కాశ్మీరి చిల్లీ కారం – ఒక టీ స్పూన్, గ‌రం మ‌సాలా – అర టీ స్పూన్, కారం – ఒక టీ స్పూన్, ఉప్పు – త‌గినంత, ధ‌నియాల పొడి – ఒక టీ స్పూన్, త‌రిగిన కొత్తిమీర – 2 టేబుల్ స్పూన్స్, ఫ్రెష్ క్రీమ్ – ఒక టేబుల్ స్పూన్.
మ‌ష్రూమ్ ట‌మాట మ‌సాలా కర్రీ త‌యారీ విధానం..
ముందుగా గిన్నెలో పోసి బాగా మ‌రిగించాలి. నీళ్లు మ‌రిగిన త‌రువాత క‌ట్ చేసుకున్న పుట్ట గొడుగుల‌ను వేసి స‌గానికి పైగా ఉడికించాలి. వీటిని వెంట‌నే ఒక గిన్నెలోకి తీసుకుని చ‌ల్ల‌టి నీళ్లు పోసి ప‌క్కకు ఉంచాలి. త‌రువాత జార్ లో ట‌మాట ముక్క‌లు, ప‌చ్చిమిర్చి, జీడిపప్పు, మ‌సాలా దినుసులు వేసి మెత్త‌ని పేస్ట్ లాగా చేసుకోవాలి. త‌రువాత క‌ళాయిలో నూనె, బ‌ట‌ర్ వేసి వేడి చేయాలి. త‌రువాత ఉల్లిపాయ ముక్క‌లు వేసి బ్రౌన్ క‌ల‌ర్ వ‌చ్చే వ‌ర‌కు వేయించాలి. త‌రువాత అల్లం పేస్ట్ వేసి ప‌చ్చి వాస‌న పోయే వ‌ర‌కు వేయించాలి. త‌రువాత కొత్తిమీర, క్రీమ్ త‌ప్ప మిగిలిన ప‌దార్థాల‌న్నీ వేసి వేయించాలి.
త‌రువాత మిక్సీ ప‌ట్టుకున్న పేస్ట్ వేసి మ‌ధ్య‌స్థ మంట‌పై నూనె పైకి తేలే వ‌ర‌కు ఉడికించాలి. త‌రువాత పుట్ట గొడుగులు వేసి మ‌రో 4 నిమిషాల పాటు ఉడికించాలి. చివ‌ర‌గా కొత్తిమీర, క్రీమ్ వేసి కలిపి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే మ‌ష్రూమ్ ట‌మాట మ‌సాలా కర్రీ త‌యార‌వుతుంది. దీనిని రోటి, చ‌పాతీ. నాన్ వంటి వాటితో కలిపి తింటే చాలా రుచిగా ఉంటుంది. రెస్టారెంట్ వెళ్లే ప‌ని లేకుండా ఇంట్లోనే ఇలా మ‌ష్రూమ్ క‌ర్రీని త‌యారు చేసుకుని తిన‌వ‌చ్చు.
