Mutton Korma : మ‌ట‌న్ తో చేసుకోద‌గిన రుచిక‌ర‌మైన వంట‌కాల్లో మ‌ట‌న్ కుర్మా కూడా ఒక‌టి. మ‌ట‌న్ కుర్మా చాలా రుచిగా ఉంటుంది. చ‌పాతీ, రోటీ, దోశ వంటి వాటితో తిన‌డానికి ఇది చాలా చ‌క్క‌గా ఉంటుంది. మ‌ట‌న్ కుర్మాను తయారు చేయ‌డం చాలా సుల‌భం. వంట‌రాని వారు, బ్యాచిల‌ర్స్, మొద‌టిసారి చేసే వారు ఎవ‌రైనా మ‌ట‌న్ కుర్మాను సుల‌భంగా తయారు చేసుకోవ‌చ్చు. రుచిగా, సుల‌భంగా, అంద‌రికి న‌చ్చేలా మ‌ట‌న్ కుర్మాను ఎలా తయారు చేసుకోవాలి… త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
మ‌ట‌న్ కుర్మా త‌యారీకి కావ‌ల్సిన ప‌దార్థాలు..
మ‌ట‌న్ – అర‌కిలో, న‌ల్ల‌యాల‌క్కాయ – 1, ల‌వంగాలు – 4, యాల‌కులు – 4, దాల్చిన చెక్క – ఒక ఇంచు ముక్క, జాప‌త్రి – కొద్దిగా, మిరియాలు – 10, నాన‌బెట్టిన జీడిప‌ప్పు – 10, అల్లం వెల్లుల్లి పేస్ట్ – ఒక టేబుల్ స్పూన్, ఫ్రైడ్ ఆనియ‌న్స్ – అర క‌ప్పు, ఎండుకొబ్బ‌రి ముక్క – 2 ఇంచుల ముక్క, నూనె – 5 టేబుల్ స్పూన్స్, ప‌సుపు – పావు టీ స్పూన్, ధ‌నియాల పొడి – ఒక టీ స్పూన్, జీల‌క‌ర్ర పొడి – అర టీ స్పూన్, కారం – ఒక టేబుల్ స్పూన్, ఉప్పు – త‌గినంత, చిలిక‌న పెరుగు – పావు లీట‌ర్ , నీళ్లు – 2 క‌ప్పులు, గ‌రం మ‌సాలా – ఒక టీ స్పూన్, త‌రిగిన కొత్తిమీర – కొద్దిగా.
మ‌ట‌న్ కుర్మా త‌యారీ విధానం..
ముందుగా జార్ లో బ్రౌన్ ఆనియ‌న్స్ వేసి మెత్త‌గా మిక్సీ ప‌ట్టుకుని గిన్నెలోకి తీసుకోవాలి. త‌రువాత అదే జార్ లో జీడిప‌ప్పు, ఎండుకొబ్బ‌రి ముక్క‌లు వేసి మెత్త‌ని పేస్ట్ లాగా చేసుకుని ప‌క్క‌కు ఉంచాలి. త‌రువాత కుక్క‌ర్ లో నూనె వేసి వేడి చేయాలి. నూనె వేడ‌య్యాక మ‌సాలా దినుసులు వేసి వేయించాలి. త‌రువాత మ‌ట‌న్ వేసి కలపాలి. దీనిని 10 నిమిషాల పాటు వేయించిన త‌రువాత అల్లం వెల్లుల్లి పేస్ట్ వేసి కలపాలి. దీనినిప‌చ్చివాస‌న పోయే వరకు వేయించిన త‌రువాత ప‌సుపు, కారం, ధ‌నియాల పొడి, జీల‌క‌ర్ర పొడి వేసి కలపాలి. త‌రువాత పెరుగు వేసి కలపాలి.ఇందులోనే ఉప్పు వేసి కలపాలి. దీనిని నూనె పైకి తేలే వరకు వేయించిన త‌రువాత నీళ్లు పోసి కలపాలి.
త‌రువాత మూత పెట్టి మ‌ట‌న్ మెత్త‌గా అయ్యే వరకు ఉడికించి స్ట‌వ్ ఆఫ్ చేసుకోవాలి. ఆవిరి పోయిన త‌రువాత మూత తీసి మ‌ర‌లాస్ట‌వ్ ఆన్ చేసుకోవాలి. త‌రువాత ఇందులో మిక్సీ ప‌ట్టుకున్న బ్రౌన్ ఆనియ‌న్స్, జీడిప‌ప్పు పేస్ట్ వేసి కలపాలి. త‌రువాత మూత పెట్టి నూనె పైకి తేలే వరకు ఉడికించాలి. త‌రువాత గ‌రం మ‌సాలా వేసి మ‌రో నిమిషం పాటు ఉడికించి కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే మ‌ట‌న్ కుర్మా త‌యార‌వుతుంది. దీనిని అన్నంతో కూడా తిన‌వ‌చ్చు. ఈ విధంగా తయారు చేసిన మ‌ట‌న్ కుర్మాను అంద‌రూ ఎంతో ఇష్టంగా తింటారు.
