Ullipaya Pulusu : ఉల్లిపాయ పులుసు.. ఉల్లిపాయ‌ల‌తో చేసే ఈ పులుసు చాలా రుచిగా ఉంటుంది. వంట చేయ‌డానికి స‌మ‌యం త‌క్కువ‌గా ఉన్న‌ప్పుడు, ఇంట్లో కూర‌గాయ‌లు లేన‌ప్పుడు ఇలా ఉల్లిపాయ‌ల‌తో పులుసును త‌యారు చేసి తీసుకోవ‌చ్చు. ఈ పులుసును త‌యారు చేయ‌డం చాలా సుల‌భం. చాలా త‌క్కువ స‌మ‌యంలో దీనిని త‌యారు చేసి తీసుకోవ‌చ్చు. పుల్ల పుల్ల‌గా రుచిగా ఉండే ఈ ఉల్లిపాయ పులుసును ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
ఉల్లిపాయ పులుసు త‌యారీకి కావ‌ల్సిన ప‌దార్థాలు..
నూనె – 2 టేబుల్ స్పూన్, తాళింపు దినుసులు – ఒక టేబుల్ స్పూన్, మెంతులు – చిటికెడు, దంచిన వెల్లుల్లి రెబ్బ‌లు – 3, స‌న్న‌గా త‌రిగిన ఉల్లిపాయ‌లు – 2, ప‌సుపు – పావు టీస్పూన్, ఉప్పు – త‌గినంత, క‌రివేపాకు – ఒక రెమ్మ, కారం – ఒక టీ స్పూన్, ధ‌నియాల పొడి – అర టీ స్పూన్, నాన‌బెట్టిన చింత‌పండు – నిమ్మ‌కాయంత, నీళ్లు – త‌గినంత.
ఉల్లిపాయ పులుసు త‌యారీ విధానం..
ముందుగా క‌ళాయిలో నూనె వేసి వేడి చేయాలి. త‌రువాత తాళింపు దినుసులు వేసి వేయించాలి. త‌రువాత మెంతులు, వెల్లుల్లి రెబ్బ‌లు, క‌రివేపాకు వేసి వేయించాలి. త‌రువాత ఉల్లిపాయ ముక్క‌లు వేసి క‌ల‌పాలి. త‌రువాత ప‌సుపు, ఉప్పు వేసి క‌లిపి మూత పెట్టాలి. వీటిని మ‌ధ్య మ‌ధ్య‌లో క‌లుపుతూ ముక్క‌ల‌ను బాగా మ‌గ్గించాలి. ఉల్లిపాయ ముక్క‌లు వేగిన త‌రువాత ఉప్పు, కారం, ధ‌నియాల పొడి వేసి క‌ల‌పాలి. దీనిని అంతా క‌లిసేలా క‌లుపుకున్న త‌రువాత చింత‌పండు పులుసు వేసి క‌ల‌పాలి. త‌రువాత త‌గిన‌న్నినీళ్లు పోసి క‌ల‌పాలి. ఇప్పుడు మూత పెట్టి నూనె పైకి తేలే వ‌ర‌కు పులుసును బాగా ఉడికించాలి. పులుసు కొద్దిగా చిక్క‌బ‌డి నూనె పైకి తేలిన త‌రువాత స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఉల్లిపాయ పులుసు త‌యారవుతుంది. వేడి వేడిగా ఈ పులుసును అన్నంతో తింటే చాలా రుచిగా ఉంటుంది. ఈ విధంగా త‌యారు చేసిన పులుసును అంద‌రూ ఎంతో ఇష్టంగా తింటారు.
