Veg Noodles : మ‌న‌కు సాయంత్రం స‌మ‌యంలో ఫాస్ట్ ఫుడ్ సెంట‌ర్ల‌ల్లో ఎక్కువ‌గా ల‌భించే ప‌దార్థాల్లో వెజ్ నూడుల్స్ ఒక‌టి. వెజ్ నూడుల్స్ చాలా రుచిగా ఉంటాయి. వీటిని మ‌న‌లో చాలా మంది రుచి చూసే ఉంటారు. ఈ వెజ్ నూడుల్స్ ను అదే రుచితో మ‌నం ఇంట్లో కూడా తయారు చేసుకోవ‌చ్చు. వీటిని తయారు చేయ‌డం చాలా తేలిక. ఎవ‌రైనా వీటిని స‌లుభంగా తయారు చేసుకోవ‌చ్చు. రుచిగా, తేలిక‌గా వెజ్ నూడుల్స్ ను ఎలా తయారు చేసుకోవాలో ఇప్పుడు తెలుసుకుందాం.
వెజ్ నూడుల్స్ త‌యారీకి కావ‌ల్సిన ప‌దార్థాలు..
నూడుల్స్ రోల్ – 1, నూనె – రెండు టేబుల్ స్పూన్స్, పొడుగ్గా త‌రిగిన క్యారెట్ – 1, క్యాబేజ్ తురుము – అర క‌ప్పు, పొడుగ్గా త‌రిగిన ఉల్లిపాయ – 1, పొడుగ్గా త‌రిగిన క్యాప్సికం – 1, ఉప్పు – త‌గినంత, కారం – పావు టీ స్పూన్, మిరియాల పొడి – అర టీ స్పూన్, సోయా సాస్ – ఒక టీస్పూన్, వెనిగ‌ర్ – ఒక టీ స్పూన్, వైట్ పెప్ప‌ర్ పౌడ‌ర్ – అర టీ స్పూన్, పంచ‌దార – చిటికెడు.
వెజ్ నూడుల్స్ త‌యారీ విధానం..
ముందుగా ఒక గిన్నెలో నీటిని పోసి వేడి చేయాలి. నీళ్లు మ‌రిగిన త‌రువాత ఇందులో రెండు టీ స్పూన్ల నూనె వేయాలి. త‌రువాత నూడుల్స్ ను వేసి మెత్త‌గా ఉడికించాలి. త‌రువాత వీటిని జ‌ల్లి గిన్నెలోకి తీసుకుని వ‌డ‌క‌ట్టుకోవాలి. త‌రువాత వీటిపై చ‌ల్ల‌టి నీటిని పోసి ప‌క్క‌కు ఉంచాలి. ఇప్పుడు కళాయిలో నూనె వేసి వేడి చేయాలి. నూనె వేడ‌య్యాక క్యారెట్ ముక్క‌లు, క్యాబేజ్ తురుము, ఉల్లిపాయ, క్యాప్సికం వేసి వేయించాలి. వీటిని ప‌చ్చి వాస‌న పోయే వ‌ర‌కు వేయించిన త‌రువాత నూడుల్స్ ను వేసుకోవాలి. త‌రువాత మిగిలిన ప‌దార్థాల‌న్నీ వేసి బాగా క‌లుపుకోవాలి. వీటిని పెద్ద మంట‌పై అన్నీ క‌లిసేలా బాగా క‌లుపుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే వెజ్ నూడుల్స్ త‌యార‌వుతాయి. సాయంత్రం స‌మ‌యాల్లో బ‌య‌ట కొనుగోలు చేసే ప‌ని లేకుండా ఇంట్లోనే ఇలా వెజ్ నూడుల్స్ ను తయారు చేసుకుని తిన‌వ‌చ్చు. ఈ నూడుల్స్ ను అంద‌రూ ఎంతో ఇష్టంగా తింటారు.
