అవకాడోలను చూస్తే సహజంగానే చాలా మంది వాటిని తినేందుకు ఆసక్తిని చూపించరు. కానీ వాటిల్లో మన శరీరానికి ఉపయోగపడే ముఖ్యమైన విటమిన్లు, మినరల్స్, ఇతర సూక్ష్మ పోషకాలు ఉంటాయి. వీటిని ఉప్పు, మిరియాలు, నిమ్మరసంతో కలిపి పచ్చిగానే తినవచ్చు. ఈ పండ్లతో ఊరగాయలు పెట్టుకోవచ్చు. అలాగే మిల్క్ షేక్లలోనూ వీటిని తీసుకోవచ్చు. అవకాడోలు చూసేందుకు ఆసక్తికరంగా లేకపోయినా అవి మనకు ఎన్నో ఆరోగ్యకరమైన ప్రయోజనాలను అందిస్తాయి.
అవకాడోలలో విటమిన్లు ఎ (రెటినోల్), సి (ఆస్కార్బిక్ ఆమ్లం), ఇ (డి-ఆల్ఫా-టోకోఫెరోల్), కె1 (ఫైటోనాడియోన్), బి6 (పిరిడాక్సిన్), బి 9 (ఫోలేట్) ఉంటాయి. ఇవి అనేక ఆరోగ్య ప్రయోజనాలను అందిస్తాయి. కొల్లాజెన్ ఉత్పత్తి అయ్యేందుకు సహాయ పడతాయి. దీంతో చర్మం సురక్షితంగా ఉంటుంది. చర్మం ఎప్పుడూ తేమగా ఉంటుంది. ద్రవాలు సమతుల్యంలో ఉంటాయి. శరీర కణజాలం మరమ్మత్తు అవుతుంది. ఎముకలు ఆరోగ్యంగా ఉంటాయి. రోగ నిరోధక శక్తి పెరుగుతుంది. మెదడు, కళ్లు, గుండె, రక్తనాళాలు సంరక్షించబడతాయి. డయాబెటిస్ ఉన్నవారిలో శరరీం ఇన్సులిన్ను మరింత మెరుగ్గా గ్రహిస్తుంది. దీంతో షుగర్ లెవల్స్ తగ్గుతాయి. డీఎన్ఏ సురక్షితంగా ఉంటుంది. పలు క్యాన్సర్లు రాకుండా ఉంటాయి.
అధికంగా క్యాలరీలు ఉండే ఆహారాలను తింటే ఎవరైనా సరే బరువు పెరుగుతారు. అయితే అవకాడోల్లో అధికంగా ఉండే డైటరీ ఫైబర్ జీర్ణ క్రియను నెమ్మదింపజేస్తుంది. దీంతో ఎక్కువ సేపు ఉన్నా ఆకలి వేయదు. ఫలితంగా ఆకలి నియంత్రణలో ఉంటుంది. తక్కువ ఆహారం తీసుకుంటారు. దీంతో అధిక బరువు తగ్గవచ్చు. అవకాడోల్లో మోనో అన్శాచురేటెడ్ ఫ్యాటీ యాసిడ్స్ ఉంటాయి. ఇవి అధికంగా బరువు పెరగకుండా చూస్తాయి. అధిక బరువును తగ్గిస్తాయి.
అవకాడాల్లో అధిక మోతాదులో ఓలియిక్ యాసిడ్ ఉంటుంది. ఇది బీపీని తగ్గిస్తుందని సైంటిస్టులు చేపట్టిన అధ్యయనాల్లో వెల్లడైంది. అలాగే హార్ట్ ఎటాక్ లు రాకుండా ఉంటాయి.
అవకాడోలు డయాబెటిస్ ఉన్నవారికి చక్కని ఆహారం అని చెప్పవచ్చు. వీటిని తినడం వల్ల రక్తంలో షుగర్ స్థాయిలు పెరగవు. అందువల్ల వీటిని మధుమేహం ఉన్నవారు నిత్యం తినవచ్చు. అలాగే శరీరంలోని కొలెస్ట్రాల్ కూడా తగ్గుతుంది.
అవకాడోల్లో ఫైటో కెమికల్స్ అధికంగా ఉంటాయి. అందువల్ల వీటిని తరచూ తింటే క్యాన్సర్లు రాకుండా ఉంటాయని సైంటిస్టులు చేపట్టిన అధ్యయనాల్లో వెల్లడైంది.