గుండె జబ్బులున్నవారికి హాయిగా నవ్వేయడం ఒక మంచి ఆహారం, చక్కటి వ్యాయామం తీసుకున్నట్లే నని పరిశోధకులు చెపుతున్నారు. పొట్ట అంతా కదిలేలా నవ్వేయడం రక్త ప్రసరణ సాఫీ చేస్తుందని పరిశోధన తెలిపింది. ఒక ఫిలింలో వున్న హాస్య సన్నివేశాలు చూసినపుడు గుండె జబ్బు రోగుల రక్తనాళాలు వ్యాకోచించాయట.
అయితే విచారకర సన్నివేశాలు చూపినపుడు రక్తనాళాలు ముడుకుకుపోయి గుండెకు రక్తం సరిగా అందలేదట. ఈ రీసెర్చిలోగల రక్తనాళాలు ఉబ్బటమనేది ఒక ఏరోబిక్ ఎక్సర్సైజ్ కు సమానమని యూనివర్శిటీ ఆఫ్ మేరీలాండ్ స్కూల్ ఆఫ్ మెడిసిన్ ప్రొ. మైకేల్ మిల్లర్ చెప్పినట్లు ది డైలీ ఎక్స్ ప్రెస్ పేర్కొంది.
ప్రతి రోజు హాయిగా నవ్వేయడమనేది హార్టు జబ్బులను నిరోధించటానికి అవలంబించే ఆరోగ్య జీవనశైలిలో ఒక భాగంగా పెట్టంచ్చంటున్నారు పరిశోధకులు. మరో రకంగా చెప్పాలంటే చక్కటి కూరగాయలు తినండి, వ్యాయామం చేయండి దానితోపాటు పొట్ట పగిలేలా ప్రతి రోజూ నవ్వండి అంటారు ఈ పరిశోధకులు.
