సాధార‌ణంగా ఎక్కువ సేపు కూర్చుని ప‌నిచేసేవారు అధిక బ‌రువు స‌మ‌స్య‌తో బాధ‌ప‌డుతుంటారు. శారీర‌క శ్ర‌మ ఉండ‌దు క‌నుక వీరు అధికంగా బ‌రువు పెరిగేందుకు అవ‌కాశం ఉంటుంది. పురుషుల్లో అయితే పొట్ట బాగా పెరుగుతుంది. అదే స్త్రీల‌లో అయితే పొట్ట, తొడ‌లు, పిరుదుల వ‌ద్ద కొవ్వు బాగా పేరుకుపోతుంది. దీంతో అధిక బ‌రువు పెరుగుతారు. అయితే ఇలాంటి వారు వ‌క్రాస‌నాన్ని త‌ర‌చూ వేయ‌డం వల్ల అధిక బ‌రువు స‌మ‌స్య నుంచి బ‌య‌ట ప‌డ‌వ‌చ్చు. మ‌రి ఈ ఆసనం ఎలా వేయాలి, ఇంకా ఏమేం లాభాలు క‌లుగుతాయి.. అనే వివ‌రాల‌ను ఇప్పుడు తెలుసుకుందామా..!
వక్రాసనం వేసే విధానం
కాళ్ల‌ను ముందుకు చాపి వెన్ను నిటారుగా ఉండేలా కూర్చోవాలి. ఆ త‌రువాత కుడి కాలిని మ‌డిచి ఎడ‌మ మోకాలికి ఆనించాలి. ఎడ‌మ‌కాలిని నిటారుగానే ఉంచాలి. శ‌రీరాన్ని నెమ్మ‌దిగా కుడి వైపుకు తిప్పాలి. దీర్ఘంగా శ్వాస తీసుకుంటూ ఎడ‌మ చేత్తో కుడి మోకాలిని పొట్ట వైపు నెడుతూ ఎడ‌మ మోకాలిని ప‌ట్టుకోవాలి. చిత్రంలో చూపిన విధంగా కుడి చేతిని న‌డుము వెనుక వైపు నేల‌పై ఆనించాలి. మెడ‌ను వెన‌క్కి తిప్పి వీలైనంత‌గా శ‌రీరాన్ని నిటారుగా ఉంచాలి. ఇదే విధంగా రెండో వైపు కూడా చేయాలి. ఆ త‌రువాత విశ్రాంత స్థితిలోకి రావాలి. ఇలా క‌నీసం 10 సెక‌న్ల పాటు ఉండాలి. రోజూ ఈ ఆసనం వేస్తూ స‌మ‌యాన్ని నిమిషం వ‌ర‌కు పెంచ‌వ‌చ్చు. దీంతో ఫ‌లితం ఉంటుంది.
వక్రాసనం లాభాలు
* వ‌క్రాస‌నంను నిత్యం వేయ‌డం వల్ల పొట్ట ద‌గ్గ‌రి కొవ్వు కరుగుతుంది.
* అధిక బ‌రువు త‌గ్గుతారు.
* న‌డుము, పిరుదుల దగ్గ‌ర అన‌వ‌స‌రంగా ఉండే కొవ్వు కరుగుతుంది.
* వెన్ను దృఢంగా మారుతుంది.
* కండ‌రాలు ఆరోగ్యంగా ఉంటాయి.
* గ్యాస్ స‌మ‌స్య ఉండ‌వు. జీర్ణ‌శ‌క్తి పెరుగుతుంది.
* డ‌యాబెటిస్ అదుపులో ఉంటుంది.
* శ‌రీర ఆకృతి స‌రిగ్గా ఉంటుంది.
సూచ‌న
గ‌ర్భిణీలు, న‌డుముకు శ‌స్త్ర చికిత్సలు చేయించుకున్న వారు ఈ ఆస‌నాన్ని వేయ‌రాదు.
