Restaurant Style Butter Chicken : మ‌న‌కు రెస్టారెంట్ ల‌లో ల‌భించే చికెన్ వెరైటీల‌ల్లో బ‌ట‌ర్ చికెన్ కూడా ఒక‌టి. బ‌ట‌ర్ చికెన్ చాలా రుచిగా ఉంటుంది. రోటీ, నాన్ వంటి వాటితో తింటే ఈ చికెన్ చాలా రుచిగా ఉంటుంది. చాలా మంది ఈ చికెన్ క‌ర్రీని ఇష్టంగా తింటారు. ఈ బ‌ట‌ర్ చికెన్ ను అదే స్టైల్ లో మ‌నం ఇంట్లో కూడా త‌యారు చేసుకోవ‌చ్చు. దీనిని త‌యారు చేయ‌డం చాలా సుల‌భం. వంట‌రాని వారు, మొద‌టిసారి చేసే వారు, బ్యాచిల‌ర్స్ ఇలా ఎవ‌రైనా ఈ చికెన్ ను సుల‌భంగా త‌యారు చేసుకోవ‌చ్చు. తిన్నా కొద్ది తినాల‌నిపించేంత రుచిగా ఉండే ఈ బ‌ట‌ర్ చికెన్ ను రెస్టారెంట్ స్టైల్ లో ఇంట్లోనే ఎలా త‌యారు చేసుకోవాలో ఇప్పుడు తెలుసుకుందాం.
బ‌ట‌ర్ చికెన్ త‌యారీకి కావ‌ల్సిన ప‌దార్థాలు..
బోన్ లెస్ చికెన్ – పావుకిలో, కారం – ఒక టీ స్పూన్, ప‌సుపు – పావు టీ స్పూన్, ఉప్పు – ఒక టీ స్పూన్, అల్లం వెల్లుల్లి పేస్ట్ – ఒక టీస్పూన్, నిమ్మ‌ర‌సం – ఒక టీ స్పూన్, పెరుగు – ఒక టేబుల్ స్పూన్, నూనె – ఒక టేబుల్ స్పూన్, బ‌ట‌ర్ – 2 టేబుల్ స్పూన్స్, త‌రిగిన ప‌చ్చిమిర్చి – 2, సాజీరా – ఒక టీ స్పూన్, ధ‌నియాల పొడి – ఒక టీ స్పూన్, నీళ్లు – అర లీట‌ర్, క్రీమ్ – 4 టేబుల్ స్పూన్స్, క‌సూరి మెంతి -ఒక టీ స్పూన్.
మ‌సాలా పేస్ట్ త‌యారీకి కావ‌ల్సిన ప‌దార్థాలు..
బ‌ట‌ర్ – 2 టేబుల్ స్పూన్స్, దాల్చిన చెక్క – ఒక ఇంచు ముక్క, ల‌వంగాలు – 4, యాల‌కులు – 2, బిర్యానీ ఆకు – 1, స‌న్న‌గా త‌రిగిన ఉల్లిపాయ – 1, వెల్లుల్లి రెబ్బ‌లు – 4, స‌న్న‌గా పొడవుగా త‌రిగిన ట‌మాటాలు – 2, జీడిప‌ప్పు – 2 టేబుల్ స్పూన్స్.
బ‌ట‌ర్ చికెన్ త‌యారీ విధానం..
ముందుగా చికెన్ ను ముక్క‌లుగా క‌ట్ చేసుకుని గిన్నెలోకి తీసుకోవాలి. త‌రువాత ఇందులో కారం, ఉప్పు, ప‌సుపు, అల్లం వెల్లుల్లి పేస్ట్, నిమ్మ‌ర‌సం, పెరుగు వేసి క‌ల‌పాలి. దీనిపై మూత పెట్టి అర‌గంట పాటు ప‌క్క‌కు ఉంచాలి. ఇలా మ్యారినేట్ చేసుకున్న త‌రువాత క‌ళాయిలో నూనె వేసి వేడి చేయాలి. త‌రువాత చికెన్ ను వేసి వేయించాలి. దీనిని మ‌ధ్య మ‌ధ్య‌లో క‌లుపుతూ చికెన్ ను పూర్తిగా వేయించాలి. చికెన్ మెత్త‌గా, ఎర్ర‌గా వేగిన త‌రువాత ప్లేట్ లోకి తీసుకుని ప‌క్క‌కు ఉంచాలి. త‌రువాత అదే క‌ళాయిలో బ‌ట‌ర్ వేసి వేడి చేయాలి. బ‌ట‌ర్ క‌రిగిన త‌రువాత మ‌సాలా దినుసులు వేసి వేయించాలి. ఇవి వేగిన త‌రువాత ఉల్లిపాయ ముక్క‌లు, వెల్లుల్లి రెబ్బ‌లువేసి వేయించాలి.
ఉల్లిపాయ ముక్క‌లు మెత్త‌బ‌డిన త‌రువాత ట‌మాట ముక్క‌లు వేసి క‌ల‌పాలి. ట‌మాట ముక్క‌లు కొద్దిగా వేగిన త‌రువాత జీడిప‌ప్పు వేసి క‌ల‌పాలి. త‌రువాత వీటిపై మూత పెట్టి ట‌మాట ముక్క‌లు మెత్త‌గా అయ్యే వ‌ర‌కు ఉడికించి స్ట‌వ్ ఆఫ్ చేసుకోవాలి. ఇవి పూర్తిగాచ‌ల్లారిన త‌రువాత ఒక జార్ లోకి తీసుకుని మెత్త‌ని పేస్ట్ లాగా చేసుకోవాలి. త‌రువాత క‌ళాయిలో 2 టేబుల్ స్పూన్స్ బ‌ట‌ర్ వేసి వేడి చేయాలి. బ‌ట‌ర్ క‌రిగిన త‌రువాత ప‌చ్చిమిర్చి, ఒక టీ స్పూన్ కారం, ధ‌నియాల పొడి, సాజీరా వేసి వేయించాలి. వీటిని ఒక నిమిషం పాటు వేయించిన త‌రువాత మ‌సాలా పేస్ట్ వేసి క‌ల‌పాలి.
దీనిని 2 నిమిషాల పాటు వేయించిన త‌రువాత వేయించిన చికెన్ వేసి క‌ల‌పాలి. త‌రువాత నీళ్లు పోసి క‌లిపిమూత పెట్టి నూనె పైకి తేలే వ‌ర‌కు వేయించాలి. త‌రువాత క్రీమ్ , మ‌రికొద్దిగా బ‌ట‌ర్, క‌సూరి మెంతి వేసి క‌లిపి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే బ‌ట‌ర్ చికెన్ త‌యార‌వుతుంది. రోటీ, చ‌పాతీ, నాన్, బ‌ట‌ర్ నాన్, రైస్ వంటి వాటితో ఈ క‌ర్రీని తింటే చాలా రుచిగా ఉంటుంది. వీకెండ్స్ లో, స్పెష‌ల్ డేస్ లో ఇలా బ‌ట‌ర్ చికెన్ ను త‌యారు చేసుకుని తింటూ వీకెండ్ ను ఎంజాయ్ చేయ‌వ‌చ్చు.
