Charcoal Corn Side Effects : మ‌నం మొక్క‌జొన్న కంకుల‌ను కూడా ఆహారంగా తీసుకుంటూ ఉంటాము. మొక్క‌జొన్న కంకుల్లో ఎన్నో పోష‌కాలు, ఆరోగ్య ప్ర‌యోజనాలు దాగి ఉన్నాయి. వీటిని తీసుకోవ‌డం వల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చు. కంటిచూపును మెరుగుప‌ర‌చ‌డంలో, ర‌క్త‌హీన‌త‌ను త‌గ్గించ‌డంలో, జీర్ణ‌శ‌క్తిని పెంచ‌డంలో, మ‌ల‌బద్ద‌కాన్ని త‌గ్గించ‌డంలో, ర‌క్తంలో చ‌క్కెర స్థాయిల‌ను త‌గ్గించ‌డంలో, క్యాన్స‌ర్ వ్యాధి బారిన ప‌డ‌కుండా కాపాడ‌డంలో ఇలా అనేక ర‌కాలుగా మొక్క‌జొన్న కంకులు మ‌న‌కు స‌హాయ‌ప‌డ‌తాయి. ఈ మొక్క‌జొన్న కంకుల‌ను మ‌నం వివిధ రూపాల్లో తీసుకుంటూ ఉంటాము. కొంద‌రు ఉడికించి తీసుకుంటారు. కొంద‌రు నిప్పుల‌పై కాల్చి వాటికి ఉప్పు, నిమ్మ‌ర‌సం రాసి మ‌రీ తీసుకుంటారు.
ఇలాకాల్చి తీసుకున్న మొక్క‌జొన్న కంకులు చాలా రుచిగా ఉంటాయి. చాలా మంది కూడా కాల్చిన మొక్క‌జొన్న కంకుల‌ను తిన‌డానికే ఇష్ట‌ప‌డ‌తారు. ఉడికించడం వల్ల మొక్క‌జొన్న గింజ‌ల్లో ఉండే తీపి త‌గ్గిపోతుంది. క‌నుక వీటిని ఉడికించిన మొక్క‌జొన్న కంకుల‌ను తిన‌డానికి చాలా మంది ఇష్ట‌ప‌డ‌రు. అదే కాల్చిన మొక్క‌జొన్న కంకులు చూడ‌డానికి చ‌క్క‌గా ఉండ‌డంతో పాటు స్మోకి ప్లేవ‌ర్ తో చాలా రుచిగా ఉంటాయి. మ‌న‌కు రోడ్ల ప‌క్క‌న ఎక్కువ‌గా ఈ కాల్చిన కంకులు ల‌భిస్తాయి. అయితే కాల్చిన మొక్క‌జొన్న కంకులే రుచిగా ఉన్న‌ప్ప‌టికి వీటిని ఎక్కువ‌గా తీసుకోవ‌డం వల్ల మ‌న ఆరోగ్యానికి హాని క‌లుగుతుంద‌ని నిపుణులు చెబుతున్నారు. చైనా దేశ శాస్త్ర‌వేత్త‌లు 405 మంది పిల్ల‌ల‌పై జ‌రిపిన ప‌రిశోధ‌న‌ల్లో ఈ విష‌యాలు వెల్ల‌డ‌య్యాయి.
కాల్చిన మొక్క‌జొన్న కంకుల‌ను వ‌రుస‌గా 16 రోజుల పాటు పిల్ల‌లకు ఇచ్చి ప‌ప‌రిశోధ‌నలు జ‌రిపారు. ఇలా కాల్చిన మొక్క‌జొన్న కంకుల‌ను తీసుకోవ‌డం వల్ల దంతాల‌పై ఉండే ఎనామిల్ దెబ్బ‌తింటుంద‌ని నిపుణులు తెలియ‌జేసారు. కంకుల‌ను కాల్చ‌డం వల్ల వాటి నుండి ఫ్లోరిన్ ఎక్కువ‌గా విడుద‌ల అవుతుంద‌ని దీంతో అది దంతాల‌పై ఉండే ఎనామిల్ ను దెబ్బ‌తీస్తుంద‌ని నిపుణులు తెలియ‌జేసారు. అలాగే న‌ల్ల‌గా కాల్చిన కంకుల‌ను తిన‌డం వల్ల శ‌రీరంలోకి కార్బ‌న్ ఎక్కువ‌గా ప్ర‌వేశిస్తుంది. దీంతో శరీరంలో చెడు కొలెస్ట్రాల్ పెరిగి మంచి కొలెస్ట్రాల్ త‌గ్గుతుంది. అంతేకాకుండా శరీరంలో ఉండే క్యాన్స‌ర్ క‌ణాలుగా కూడా మారే అవకాశం ఉంది. అలాగే శరీరంలో ఫ్రీరాడికల్స్ స్థాయిలు ఎక్కువ‌య్యి క్యాన్స‌ర్ తో పాటు వివిధ ర‌కాల దీర్ఘ‌కాలిక అనారోగ్య స‌మ‌స్య‌లు కూడా త‌లెత్తే అవకాశం ఉంది.
అదే విధంగా కాల్చిన కంకుల‌ను తిన‌డం వల్ల వాటిపై ఉండే మాడు కార‌ణంగా జీర్ణ స‌మ‌స్య‌లు త‌లెత్తే అవకాశం కూడా ఉంది. క‌నుక కంకుల‌ను కాల్చి తీసుకోకూడదు. వీలైనంత వ‌ర‌కు ఉడికించి తీసుకోవాలి. ఉడికించిన కంకుల‌ను తీసుకోవ‌డం వల్ల మ‌న ఆరోగ్యానికి మేలు త‌ప్పే ఎటువంటి హాని క‌ల‌గ‌దు. కాల్చ‌డం వల్ల మ‌న ఆరోగ్యానికి మేలు చేసే కంకులే అనారోగ్యానికి దారి తీస్తాయి. క‌నుక త‌రుచూ కాకుండా ఎప్పుడోక‌ప్పుడు మాత్ర‌మే కంకుల‌ను కాల్చి తీసుకోవాలి. అది కూడా మ‌రీ న‌ల్ల‌గా కాల్చి తీసుకోకూడదు.అలాగే కంకుల‌ను కాల్చేట‌ప్పుడు నేరుగా బొగ్గుల‌పై కాల్చ‌కుండా వీటిపై ఉండే పొట్టును తీయ‌కుండా అలాగే కాల్చి తీసుకోవాలి. ఇలా పొట్టుతో కాల్చి తీసుకోవ‌డం వల్ల కంకుల‌ను కాల్చిన‌ప్ప‌టికి మ‌న‌కు హాని క‌ల‌గ‌కుండా ఉంటుందని నిపుణులు సూచిస్తున్నారు.
