దర్శక ధీరుడు రాజమౌళి, యంగ్ రెబల్ స్టార్ ప్రభాస్ కాంబినేషన్ లో సెన్సేషనల్ హిట్ అందుకున్న చిత్రం ఛత్రపతి. ఈ చిత్రంతో ప్రభాస్ మాస్ హీరోగా మంచి గుర్తింపు సంపాదించుకున్నాడు. ఒక్క అడుగు ఒక్క అడుగు అంటూ ప్రభాస్ చెప్పిన డైలాగ్ ఇప్పటికీ ప్రేక్షకుల మదిలో గుర్తుండిపోయింది. ఈ చిత్రంలో దర్శకుడు రాజమౌళి పండించిన మదర్ సెంటిమెంట్ ఎంతో హైలెట్ గా నిలిచింది. ఛత్రపతి చిత్రం ద్వారా అందులో నటించిన ఆర్టిస్టుల‌కు కూడా మంచి గుర్తింపు వచ్చింది.
ఫైనల్ గా బాక్సాఫీస్ వద్ద ఈ చిత్రం సూపర్ హిట్ ని అందుకుంది. ప్రభాస్ సరసన హీరోయిన్ గా ఈ చిత్రంలో శ్రియ శరన్ నటించింది. ప్రదీప్ రావత్, భానుప్రియ, షఫీ, కోట శ్రీనివాసరావు, వేణుమాధవ్, సుప్రీత్ రెడ్డి వంటి యాక్ట‌ర్లు ప్రధాన పాత్రలు పోషించారు. ప్రతి ఒక్కరు కూడా తమ నటనతో అదరహో అనిపించారు.
ఇక ఈ చిత్రంలో సూరీడు అనే ఒక చైల్డ్ ఆర్టిస్ట్ అందరికీ గుర్తుండే ఉంటాడు. ఛత్రపతి చిత్రంలో కథ మలుపు తిరగడానికి కారణం సూరీడు. సూరీడు కాట్ రాజ్ అనే ఒక రౌడీ దగ్గర కాళ్లు నొక్కకే పని చేస్తాడు. సూరీడు మేన మామ ఆచూకీ తెలియడంతో తల్లితో స‌హా ఊరికి వెళ్లడానికి ఎంతో ఆనందంగా సిద్ధమవుతాడు. అదే టైంలో కాట్ రాజ్ అక్కడకు వచ్చి ఎక్కడికి రా బయలుదేరుతున్నావ్, వచ్చి బండెక్కు అంటాడు. అమ్మని మామ దగ్గర వదిలి వస్తాను అన్న అంటూ కాట్ రాజ్ మాట పట్టించుకోకుండా తల్లిని తీసుకువెళ్లడానికి బయలుదేరితే, కాట్ రాజ్ కోపంతో ఇనుప రాడ్డుతో సూరీడు తలపై కొడతాడు. అక్కడి నుంచి చిత్ర కథ మలుపు తిరుగుతుంది.
ఇక సూరీడుగా నటించిన ఈ చైల్డ్ ఆర్టిస్ట్ ఇప్పటికీ ప్రేక్షకులకు గుర్తుండే ఉంటాడు. ఈ చైల్డ్ ఆర్టిస్ట్ అసలు పేరు భాస్వంత్. ఇప్పుడు ఈ చైల్డ్ ఆర్టిస్ట్ ఎవరూ గుర్తు పట్టలేని విధంగా మారిపోయాడు. ఛ‌త్రపతిలో సూరీడుకి అనితా చౌదరి తల్లిగా నటించింది. ఈ కుర్రవాడు ఇప్పుడు అనితా చౌదరితో సెల్ఫీ దిగి సోషల్ మీడియాలో పోస్ట్ చేశాడు. ఈ పోస్టు సోషల్ మీడియాలో వైరల్ గా మారింది.
అతను చూస్తే హీరో మాదిరిగా ఉన్నాడు అంటూ నెటిజన్లు కామెంట్స్ చేస్తున్నారు. ఇతడు తిరిగి చిత్రాల్లో క్యారెక్టర్ ఆర్టిస్ట్ గా కొనసాగుతారా లేదా హీరోగా కెరియర్ మొదలు పెడతాడా అనే విషయం తెలియాల్సి ఉంది.
