Prabhas : పాన్ ఇండియా స్టార్ ప్రభాస్ ఎంతో బిడియంతో ఉంటాడ‌డ‌నే సంగ‌తి మ‌నంద‌రికి తెలిసిందే. అయితే చాలా కాలం తర్వాత ప్రేక్షకులను చాలా విభిన్నంగా ఆకట్టుకున్నాడు. నందమూరి బాలకృష్ణ హోస్ట్ గా ఉన్నటువంటి అన్ స్టాపబుల్ షోలో పాల్గొన్న ప్రభాస్ ఎంతో ఎనర్జీటిక్ గా కనిపిస్తూ మంచి ఎంటర్టైన్మెంట్ అందించే ప్రయత్నం చేశాడు. తనలోని మరో కోణాన్ని చూపించిన ప్రభాస్.. ఒకసారి కనెక్ట్ అయితే ఎంత క్లోజ్ గా ఉంటాడో క‌ళ్ల‌కు క‌ట్టిన‌ట్టు చూపించాడు. అయితే ఈ షోలో ప్రభాస్ అనేక ఆస‌క్తిక‌ర విషయాలు చెప్పుకొచ్చాడు.
ప్రభాస్ తన జీవితంలోని ఎన్నో విషయాలను కూడా ఈ షో ద్వారా బయటపెట్టాడు. అయితే ఒకానొక సమయంలో తన అప్పుల గురించి కూడా ప్రభాస్ ఇబ్బంది పడినట్లు అనిపించింది. అంతేకాకుండా అప్పుల కోసమే చక చకా సినిమాలు కూడా సెట్స్ పైకి తీసుకువచ్చినట్లు క్లారిటీ ఇచ్చాడు. ప్రభాస్ యూవి క్రియేషన్స్ ను తన మిర్చి సినిమా ద్వారా ఇండస్ట్రీకి పరిచయం చేయ‌గా, ఆ సినిమా అనుకోకుండా సెట్స్ పైకి వచ్చింది అని అయితే అప్పుడే రాజమౌళితో బాహుబలి సినిమా కూడా చేసేందుకు ఒప్పుకున్నాను అని ప్రభాస్ చెప్పాడు. చత్రపతి సినిమా తర్వాత మరో సినిమా చేయాలని రాజమౌళి ఎప్పుటి నుంచో అనుకుంటున్నాడు. అయితే మొత్తానికి బాహుబలి గురించి చెప్పగానే గ్రీన్ సిగ్నల్ ఇచ్చాను.
సినిమా కోసం చాలా టైం కేటాయించాలని ఏ సినిమా మధ్యలో చేయకూడదని ముందుగానే అనుకున్నాను. అందుకే రెబల్ తర్వాత మళ్లీ మరొక సినిమా చేసే అవకాశం రావడంతో మొదట రాజమౌళిని అడిగాను. కొన్ని అప్పులు ఉన్నాయి అని మిర్చి సినిమా చేయొచ్చు అంటారా అని అడిగాను. బాహుబలి ఇంకా అప్పుడు స్క్రిప్ట్ దశలోనే ఉన్న నేప‌థ్యంలో కొంత టైం పడుతుంది కాబట్టి మరో సినిమా పూర్తి చేసుకోవచ్చు అని చెప్పాడు. అంతకంటే ముందే వారి సతీమణి రామా రాజమౌళి గారిని అడిగినప్పుడు ఎలాగు ఆయన చాలా ఆలస్యం చేస్తారు కాబట్టి నువ్వు హ్యాపీగా ఒక సినిమా పూర్తి చేయవచ్చు అని భ‌రోసా ఇచ్చార‌ని ప్రభాస్ తన ప‌రిస్థితుల గురించి చెప్పాడు.
