పైకి చాలా ఉపయోగకరంగా కనిపిస్తూ ఇంకోవైపు చాలా హానికారకమైన యాప్ లలో భారత దేశ వ్యాప్తంగా మొదటి పది స్థానాలలో ఒకటిగా ఉంటుంది అని నా అభిప్రాయం కానీ ఎవరు దీనిపై వ్యతిరేకంగా స్పందించ‌రు. నా వ్యక్తిగత అభిప్రాయం ప్రకారం చాలా వరకు సురక్షితం కాదు, కానీ అవసరమైనపుడు వాడటం ఉపయోగకరమైనదనే చెప్తాను. కానీ సురక్షితం కాదు అనటానికి నాకు కనిపించిన కొన్ని తార్కాణాలు. ట్రూ కాలర్ లో చూపించబడే ఇతరుల వ్యక్తిగత సమాచారం చాలా వరకు నిజం కాక పోయుండొచ్చు. ఉదాహరణకి మనం చాలా వారికి మొబైల్ నంబర్ తో వారి పేర్లు వెతుకడానికి వాడతాం. కానీ ఇక్కడ ట్రూ కాలర్ ఇతరులు వారు ఏ పేరు పెడితే ఆ పేరు మాత్రమే చూపిస్తుంది అంటే మీరు పొందే సమాచారం నిజం కాకపోయే అవకాశం లేకపోలేదు.
మోసగాళ్లు వారికి నచ్చిన పేరు పెట్టి ఉంటారు మనం ట్రూ కాలర్ లో వెతికితే అదే పేరు కనపడితే నిజమేమో అనుకుంటే అది మనకి సురక్షితం కాదనట్టేగా. మన ఫోన్లో ఉన్న వ్యక్తిగత సమాచారం తీసుకోవటం. మన కాంటాక్ట్స్ , వ్యక్తిగత సమాచారం , మనం ఎవరితో మాట్లాడుతున్నాం , మనకు ఎలాంటి సందేశాలు (ఎస్ ఎం ఎస్ ) లు వస్తున్నాయి , ఫోన్ ఇన్ఫర్మేషన్ , లొకేషన్ , ఫైల్స్ మెరుగైన సేవలకు అని చెప్పి మన వ్యక్తిగత సమాచారం మన నుండి సేకరిస్తున్నారు . వాటిని సరైన రక్షణ గల సర్వర్లలో స్టోర్ చేయలేకపోతే మనకు అది సురక్షితం కాదనట్టేగా. రీ రౌటింగ్ కాల్స్ ( మన కాల్స్ వేరే దగ్గరికి పంపటం ) , మోడిఫైయింగ్ కాంటాక్స్ (మన పర్మిషన్ లేకుండానే మన కాంటాక్ట్స్ పేర్లు మార్చటం ) , ఫైల్స్ రీడింగ్(వ్యక్తిగత ఫైల్స్ పర్మిషన్స్ ) , డిసేబుల్ స్క్రీన్ లాక్ (స్క్రీన్ లాక్ పనిచేయకుండా చేయటం) , మోడీఫై సిస్టం సెట్టింగ్స్ (మన పర్మిషన్ లేకుండానే మన ఫోన్ సెట్టింగ్స్ యాప్ కి అనుగుణంగా మార్చుకోవటం ) , ఇంకా కొన్ని పర్మిషన్స్ తీసుకోవటం జరిగింది. కానీ ఇవి మన అవసరాలకోసం వాడితే మంచిదే కానీ వారి అవసరాల కోసం వాడితే సురక్షితం కానట్లే.
ఇదివరకే రెండు మార్లు దాడులు జరిగాయి , వీటిని అధికారికంగా వెల్లడించారు . వాటి వివరాలు వికీపీడియా లో కూడా జతచేయబడ్డాయి . 2013 జూలై 17 న, ట్రూకాలర్ సర్వర్లను సిరియన్ ఎలక్ట్రానిక్ ఆర్మీ హ్యాక్ చేసిందని ఆరోపించింది. ఈ బృందం తన ట్విట్టర్ హ్యాండిల్‌లో 459 జిబిల డేటాబేస్‌ను ప్రధానంగా సర్వర్లలో బ్లాగ్ ఇన్‌స్టాలేషన్ పాత వెర్షన్ కారణంగా తిరిగి పొందిందని పేర్కొంది. 2013 జూలై 18 న, ట్రూకాలర్ తన బ్లాగులో ఒక ప్రకటనను విడుదల చేసింది, వారి వెబ్‌సైట్ వాస్తవానికి హ్యాక్ చేయబడిందని పేర్కొంది, అయితే ఈ దాడి పాస్‌వర్డ్‌లు లేదా క్రెడిట్ కార్డ్ సమాచారాన్ని వెల్లడించలేదని పేర్కొంది. 2019 నవంబర్ 23 న భారతీయ ఆధారిత భద్రతా పరిశోధకుడు ఎహ్రాజ్ అహ్మద్ వినియోగదారుల డేటాతో పాటు సిస్టమ్, స్థాన సమాచారాన్ని బహిర్గతం చేసే భద్రతా లోపాన్ని కనుగొన్నారు. ట్రూకాలర్ ఈ సమాచారాన్ని ధృవీకరించింది.
కంపెనీ ప్రైవసీ పాలసీలలో వారి అధికారికంగా పేర్కొన్నారు . మన సమాచారం ఇతరులకి చేరవేయటం . అడ్వ‌టైసింగ్ కోసం వాడుకోవటం , ఇతరులకి చేరవేయటం. ఇలా చాలా ఉన్నాయి ఒక్కసారి మీరు చుస్తే మీకే తెలుస్తుంది . టర్మ్స్ అండ్ కండిషన్స్ కూడా చాలా వారికి ఇబ్బంది కరంగానే ఉన్నాయి అని అనిపించింది. అవసరానికి ఉపయోగపడుతుంది అయినా సురక్షితం అని చెప్పలేం కాబట్టి అవసరం ఉన్నంత వరకు వాడి అన్ ఇన్‌స్టాల్ చేయండి అనేదే నా మాట . ఫ్రాడ్, స్పామ్ కోసం అయితే అడ్వాన్స్డ్ ఆర్టిఫిషల్ ఇంటెలిజెన్స్ తో గూగుల్ వారి కాలర్ ఆప్ లో కూడా సమాచారం దొరుకుంతుంది. మనకి ఎవరో కాల్ చేసారు వారు ఎవరు అని తెలుసుకోవాలి అనుకుంటే వాడి అన్ ఇన్‌స్టాల్ చేయండి. బిజినెస్ పరంగా వాడే వారికి , వ్యక్తిగతంగా వాడే వారికీ వారి డేటా మీద జాగ్రత్త పదండి అని మనవి . పైవన్నీ సాధారణమే కదా అని కొందరు అనుకోవచ్చు, కానీ వ్యక్తిగత సమాచారం , మన కంట్రోల్ వారి చేతిలో పెట్టి , వారి భద్రత లోపాలను ఉహించకుండా ఉంటే ఎలా నష్టపోతారో మీకే తేలికైపోవచ్చు, దాని పరిణామాలు కూడా ఎలా ఉంటాయో చెప్పలేము.
