మనదేశ లో సినిమాల‌ ద్వారా కొన్ని వేల కోట్లు సంపాదించిన హీరో ఎవరు ?

వేల కోట్లు అనేది కాగితాలకే మాత్రమే పరిమతమండోయ్.. నిజంగా ఇచ్చే పారితోషకాలు ఎంతనేది నిర్మాత- ఆ సదరు హీరో ల మధ్య రహస్య ఒప్పందంగా ఉంటుంది.. ఇక్కడ చాలా మంది శోభన్ బాబు, మురళి మోహన్, నాగార్జున పేర్లు చెప్పేసి ఉంటారు కాబట్టి, వారి పేర్లు కాకుండా, ఈ 2025 లో ప్రచారంలో ఉన్న పారితోషకాల పుకార్ల గురించి కాసేపు చర్చిస్తే ఇలా ఉండొచ్చు.. సూపర్ స్టార్ రజినీకాంత్ తన పాన్ ఇండియా చిత్రం “జైలర్” కోసం రూ. 210 కోట్లు అందుకున్నట్లు వినికిడి.. భారత దేశంలో ఒక నటుడు అందుకున్న అత్యధిక పారితోషకం ఇదే అని చెప్తున్నారు.. ఆ లెక్కన చూసుకుంటే రజిని మరొక 5 చిత్రాలు చేసేస్తే అయన వెయ్యి కోట్లు సంపాదించేసినట్లే అనుకుందామా? కానీ కాదు.. అయన గత చిత్రాల ప్లాపులు చాలానే ఉన్నాయి (ముఖ్యంగా కుమార్తెల వల్ల వచ్చినవి), డిస్ట్రిబ్యూటర్లు, నిర్మాతలు, ఇలా చాలా మందికి అయన సమాధానం చెప్పాల్సి ఉంది.. అవి కాకుండా అయన స‌తీమ‌ణి లత చేసిన అప్పులు, కొన్ని వ్యక్తిగత సమస్యలు కూడా ఉన్నాయి..

ఒకప్పుడు బాలీవుడ్ బాదుషా అని పిలిపించుకున్న షారుఖ్ గత కొంతకాలంగా హిట్ అనే పదానికి దూరమయ్యారు.. అయితే జవాన్, పఠాన్ అంటూ మళ్ళీ హిట్ బాట పట్టారు.. ప్రస్తుతం నడుస్తున్న టాక్ ప్రకారమైతే అయన పారితోషకం రూ 150-200 కోట్ల మధ్యన.. ఇక షారుఖ్ తెలివిగా పెట్టుబడులు పెట్టారు, ముంబయి లో , దుబాయ్ లో ఇళ్ళు , కమర్షియల్ కంప్లెక్సులు, ఇంకా అనేక రకాల వ్యాపారాల లో పెట్టుబడులు పెట్టారు.. కాబట్టి ఖచ్చితంగా షారుఖ్ ఆస్తుల విలువ వేల కోట్లు ఉంటుంది.. దళపతి విజయ్ ఒక్కో సినిమా కి రూ. 130- 200 కోట్ల మధ్యలో పారితోషకం అందుకుంటున్నారని చెప్తున్నారు.. విజయ్ కూడా చెన్నై,ఇంకా విదేశాల్లో పెట్టుబడులు బాగానే పెట్టినట్లు చెప్తున్నారు .. ప్రస్తుతానికైతే వేల కోట్ల కి అధిపతే, కానీ తన సంపాదన మొత్తం రాజకీయాలలోకి ఎంట్రీ కోసం పార్టీ పెట్టడానికి వాడబోతున్నారని వినికిడి..

బాహుబలి తర్వాత ప్రభాస్ కి పాన్ ఇండియా స్థాయి లో క్రేజ్ ఏర్పడింది.. రూ. 100- 200 కోట్ల మధ్యలో పారితోషకం అందుకున్నట్లు చెప్తున్నారు.. అయితే బాహుబలి తర్వాత ఆ స్థాయిలో హిట్ ప్రభాస్ కి లేదు, పైగా యూవీ క్రియేషన్స్ పేరుతొ సొంతంగా చిత్రాలు తీస్తున్నారు, వాటి ఫలితాలు కూడా బాగాలేవు.. కల్కి, సలార్ ఆయనకి మళ్ళీ విజయాలు అందించాయి. వరుస పరాజయాలతో ప్రస్తుతం తాత్కాలికంగా రిటైర్మెంట్ తీసుకున్న ఆమిర్ ఖాన్ చివరగా తీసుకున్న పారితోషకం రూ. 100 -175 కోట్ల మధ్యలో అని చెప్తున్నారు..

ఇక సల్మాన్ ఖాన్,కమల్ హాసన్, అల్లు అర్జున్, అక్షయ్ కుమార్ , జూనియర్ ఎన్టీఆర్ , మహేష్ బాబు, రామ్ చరణ్ ఇలా అందరి పారితోషకాలు రూ . 100 కోట్ల పై మాటే.. మరి ప్రచారంలో ఉన్న వారి పారితోషకాలు నిజమే అయితే వారందరూ సినిమాల ద్వారా వేల కోట్లు ఆర్జించినట్లే అనుకోవాలి..