Chiranjeevi : స్వ‌యంకృషితో అంచెలంచెలుగా ఎదుగుతూ వ‌చ్చిన చిరంజీవి మెగాస్టార్‌గా ప్ర‌జ‌ల గుండెల్లో చెర‌గ‌ని ముద్ర వేసుకున్నారు. ఆయ‌న అప్ప‌టి త‌రానికే కాదు ఈ త‌రానికి కూడా ఫేవ‌రేట్ హీరోనే. చిరంజీవి సినిమా వ‌స్తుందంటే థియేట‌ర్స్ క‌ళ‌క‌ళ‌లాడుతుంటాయి. సౌత్ ఇండ‌స్ట్రీని ఓ ఊపు ఊపేసిన చిరంజీవి హిందీలో కూడా న‌టించారు. అయితే హాలీవుడ్ రేంజ్‌లో తెలుగు సినిమా చేయాల‌ని చిరంజీవికి ఓ కోరిక ఉండేద‌ట. అప్పట్లోనే అలాంటి సినిమా కోసం ప్రయత్నించారు. ఆ సినిమానే అబూ బగ్దాద్ గజదొంగ.
అమెరికాలో స్థిర‌ప‌డిన ముగ్గురు భారతీయులు చిరంజీవితో 40 కోట్లకు పైగా బడ్జెట్ పెట్టి ఈ సినిమాను నిర్మించాలని నిర్ణయించుకున్నారు. ఈ సినిమా కోసం హాలీవుడ్ మేకర్స్ ను కూడా రంగంలోకి దింపాలని అనుకున్నారు. ఇక సంగీత ద‌ర్శ‌కుడిగా ఏఆర్ రెహమాన్ ను అనుకున్నారు. అయితే ఈ సినిమా పట్టాలెక్కలేదు. ఈ సినిమాకి సంబంధించిన స్క్రిప్ట్‌లో ఒక మతంవారిని కించపరిచినట్టుగా బ‌య‌ట‌కు లీక్ అయ్యిందట. దాంతో ఆ మతానికి చెందినవారు సినిమాను ఆపేయాలని డిమాండ్ చేశారు. అలా మెగాస్టార్ కలలు కన్నా కూడా హాలీవుడ్ ఎంట్రీ కి చెక్ ప‌డింది.
అయితే చిరంజీవి సినిమాలు హాలీవుడ్ రేంజ్‌కి వెళ్ల‌క‌పోయిన కూడా సౌత్ సినిమాలు మాత్రం ఆ రేంజ్ ని అందుకున్నాయి. బాహుబ‌లి., కేజీఎఫ్‌, ఆర్ఆర్ఆర్ చిత్రాలు హాలీవుడ్ ప్ర‌ముఖుల దృష్టిని ఆకర్షించిన విష‌యం తెలిసిందే. ఇక చిరు మ‌ధ్య‌లో రాజ‌కీయాల‌లోకి వెళ్లిన విష‌యం తెలిసిందే. 9 ఏళ్ల పాటు రాజ‌కీయాల‌లో ఉండి మ‌ళ్లీ సినిమాల‌లోకి వ‌చ్చారు.
