Kanchi Kaul : ఒక‌ప్పుడు త‌మ అంద‌చందాల‌తో పాటు న‌ట‌న‌తో అల‌రించిన అందాల భామ‌లు చాలా మంది క‌నుమ‌రుగయ్యారు. మంచి టాలెంట్ ఉన్న‌ప్ప‌టికీ పెళ్లి వ‌ల్ల‌నో లేదంటే ఇత‌ర‌త్రా కార‌ణాల వ‌ల్ల‌నో సినిమాలు చేయ‌డం మానేశారు. ఈ జాబితాలో సంపంగి హీరోయిన్ కూడా నిలిచింది. 2001 లో వచ్చిన సంపంగిచిత్రం ఎంత మంచి విజయాన్ని అందుకుందో ప్ర‌త్యేకంగా చెప్ప‌న‌క్క‌ర్లేదు. ఒక హిందూ అబ్బాయి. ముస్లిం అమ్మాయి ప్రేమలో పడితే అనే కాన్సెప్ట్ ను ఫ్యామిలీ ఎమోషన్స్ కు జోడించి అద్భుతంగా తెరకెక్కించారు దర్శకుడు. ఈ సినిమా అప్పటి కుర్రకారును విపరీతంగా ఆకట్టుకుంది. ముఖ్యంగా ఈ సినిమాలోని పాటలు సూపర్ హిట్ అయ్యాయి.
సనా యాదిరెడ్డి దర్శకత్వం వహించిన ఈ సినిమాలో హీరోగా దీపక్ నటించాడు. క‌థ‌నాయికగా కంచి కౌల్ నటించింది. ఆమె అందానికి, న‌ట‌న‌కు ప్రేక్ష‌కులు మంత్ర ముగ్ధుల‌య్యారు.. ఈ అమ్మడి తొలి సినిమా సంపంగి. ఫ్యామిలీ సర్కస్, ఇది మా అశోక్ గాడి లవ్ స్టోరీ, శివరామరాజు సినిమాల్లో నటించింది. అలాగే హిందీలోనూ ఓ సినిమాలో కనిపించింది. ఈ అమ్మడు షబ్బీర్ అహ్లువాలియాను 2011లో వివాహం చేసుకుంది . వారికి ఇద్దరు కుమారులు ఉన్నారు. వివాహం తర్వాత ఈ అమ్మడు సినిమాలకు దూరం అయ్యింది. సోషల్ మీడియాలో చాలా యాక్టివ్‌గా ఉండే ఈ భామ..అడపాదడపా ఫోటోలు, వీడియోలు పోస్ట్ చేస్తూ అభిమానులను ఆకట్టుకుంటుంది ఈ భామ.
వెండితెరపై పెద్దగా ఆకట్టుకోలేకపోయినటువంటి కంచి కౌల్ బుల్లి తెరపై మాత్రం ప్రేక్షకులని బాగానే అలరించింది. దీంతో దాదాపుగా ఎనిమిది కి పైగా సీరియల్ లో నటించే అవకాశం దక్కించుకుంది. ఈ క్రమంలో కుంకుమ భాగ్య, సీరియల్ లో హీరోగా నటించిన “షబ్బీర్ అహ్లువాలియా” అనే సీరియల్ నటుడితో ప్రేమలో పడింది.దీంతో వీరిద్దరూ ఇరువురి కుటుంబ సభ్యులను ఒప్పించి పెళ్లి చేసుకున్నారు. ప్రస్తుతం కంచి కౌల్ తన కుటుంబ సభ్యులతో కలిసి దేశ ఆర్థిక రాజధాని అయినటువంటి ముంబై నగరంలో నివాసం ఉన్నట్లు సమాచారం. అయితే అప్పటికీ ఇప్ప‌టికీ ఈ భామ చాలా మారిపోయింది. కొంద‌రు అయితే గుర్తు ప‌ట్ట‌లేక‌పోతున్నారు కూడా.
