అతడు సినిమాలో నంద గోపాల్ అని చెక్ మీద సంతకం చేసినట్లు చూపించి అకౌంట్ పేరు పార్థు అని చూపించారు. కానీ చెక్ డిపాజిట్ చేసింది హీరో తాత మూర్తి. ఇందులో అకౌంట్ పేరు పార్థు అనేది ఎక్కడ నుంచి వచ్చింది ? (నాకు ఇప్పటికీ అర్థం కాదు.) మనం ఇక్కడ ఒకటి గమనించాలి. ఇది క్రాస్ బ్యాంకు ట్రాన్సక్షన్. హైదరాబాద్ లో ఒక బ్యాంకు, తణుకులోని మంజీరా బ్యాంకు – రెండు వేర్వేరు బ్యాంకుల మధ్య జరిగింది. ఈ సినిమా 2003 timelineకి చెందినది. లోకల్ చెక్కులు ప్రాసెసింగ్ కావడానికే సాధారణంగా ఆ టైములో కనీసం రెండు-మూడు రోజులు పట్టేది. ఇక వేర్వేరు చోట్ల వుండే బ్యాంకుల చెక్కుల సంగతి అయితే సరే సరి. క్యాష్ కూడా సినిమాలో చూపించినట్లు, సాధారణంగా, వెంటనే ఇవ్వరు. మొత్తం వెరిఫికేషన్ అయ్యాకనే ఇస్తారు.
అయితే, అతడు సినిమాలో తెలిసిన వ్యక్తే కదాని ఆఫీసర్ చెక్కుమీద పేరును చూడకుండా, కేవలం చెక్కు మీది అకౌంట్ నెంబర్ ను చూసి, మెయిన్ బ్రాంచిలో ఎంక్వయిరీ చేసి, పెద్దాయన చెప్పిన పార్థ సారథి అనే పేరుతో కాష్ ప్రాసెసింగ్ చేసాడు. పైగా అది crossed చెక్కు కాదు అని నా నమ్మకం. అలా కాకపొతేనే చెక్కు తెచ్చిన వారి అకౌంట్ నెంబర్ కావాల్సి వుంటుంది. ఆ సీన్లో సత్యనారాయణ మూర్తి అంటారు కదా నా మనవడు.. పార్థు ఒక చెక్కిచ్చాడు అని. మరి బ్యాంకు ఆఫీసర్ పెద్దాయన ఎకౌంట్ అని ఎందుకు అనుకుంటాడు? వాళ్ళ మనవడి అకౌంట్ కి చెందిన అకౌంట్ అనే అనుకుంటాడు కదా! పైగా, ఇక్కడ పెద్దాయన చెప్పిన పేరు తప్పు గానీ, చెక్ మీద సంతకం కాదు. అందుకే, specimen చెకింగ్ దగ్గర ఇబ్బంది తలెత్తలేదు. అలాగే, బ్యాంకులో మొత్తం పని మొత్తం ఒక్కరే చెయ్యరు కదా. ఒక్కొక్కరు ఒక్కో విధిని నిర్వహిస్తారు. బహుశా చెక్కు వెరిఫికేషన్ వేరే ఉద్యోగి చేసి ఉండవచ్చు!
ఈ ఆఫీసర్ తన లాగ్ బుక్ లో రాశారు, అదేమి అకౌంట్ రికార్డు కాదు. కనుక, అది వెరిఫికేషన్ చేసిన ఉద్యోగి గమనించలేదేమో.! ఇక్కడ మేటర్ ఏమిటంటే ఎంతటి తెలివైన వాడైనా, ఎక్కడో ఒక చోట తప్పు చేస్తాడు అనే సిద్ధాంతం ప్రకారం నందు అలా చెక్కు ఇచ్చి, పొరపాటు చేసి, సిబిఐకి దొరికి పోతాడు. ఇదండీ సంగతి.
