పవర్ స్టార్ పవన్ కళ్యాణ్ హీరోగా ఒక భారీ నిర్మాణ సంస్థ వారు నిర్మించిన చిత్రం పంజా. ఎన్నో అంచనాల మధ్య ఈ సినిమా రిలీజ్ అయ్యి అనుకున్నంత హిట్ మాత్రం కొట్టలేదు. ఈ సినిమాకి తమిళ దర్శకుడు విష్ణువర్ధన్ డైరెక్షన్ చేశారు. ఇందులో పవన్ సరసన అంజలి లావణ్య, సారా జేన్ డయాస్ కథానాయికలుగా చేశారు. ఈ సినిమాలో ప్రత్యేకంగా నెగిటివ్ షేడ్స్ ఉన్న పాత్రలో అడివి శేష్ నటించి అందరినీ ఆశ్చర్యానికి గురి చేశారని చెప్పవచ్చు. అయితే ఈ మూవీలో అడివి శేష్ పాత్ర డిఫరెంట్ గా ఉంటుందని దర్శకుడు చెప్పి ఒప్పించారట.
కానీ ఈ సినిమా విడుదల తర్వాత ఆ పాత్ర మరో వైపు టర్న్ అయిందని ఇటీవల ఒక ఇంటర్వ్యూలో చెప్పారు శేష్. పూర్తి వివరాల్లోకి వెళితే.. మొదట దర్శకుడు ఈ సినిమాకి పంజా కాకుండా మరొక టైటిల్ అనుకున్నారట.. అది ఏంటంటే “ది షాడో” ఈ మూవీ షూటింగ్ కోల్ కత్తా లో స్టార్ట్ అవ్వగా ముందుగా వర్కింగ్ టైటిల్ ది షాడో అని తీసుకున్నారు. ఇక సినిమా పూర్తయ్యి అన్నీ అయిన తర్వాత టైటిల్ మారే అవకాశాలు ఉన్నాయంటూ చెప్పుకొచ్చారు చిత్రయూనిట్. దానికి అనుగుణంగానే పటేల్, పవర్, కాళి తిలక్ అనే నాలుగు టైటిళ్లను పరిగణలోకి తీసుకున్నారు నిర్మాతలు.
కానీ అనూహ్యంగా ఇవన్నీ పక్కనపెట్టి చివరికి పంజా అనే టైటిల్ ను ఓకే చేశారు. ఆ తర్వాత సినిమా థియేటర్ లోకి వచ్చింది. ఎన్నో అంచనాలు పెట్టుకున్న అభిమానులకు సినిమాలో పవన్, ఇతర నటుల పాత్రలు అనుకున్న విధంగా కనెక్ట్ కాలేకపోయాయి. సినిమా అంతా చాలా డల్ గా సాగడంతో ప్రేక్షకులు చాలా నర్వస్ అయ్యారు. దీంతో సినిమా అంచనాలను తలకిందులు చేసి పవన్ కళ్యాణ్ కెరియర్ లో డిజాస్టర్ లిస్టులో చేరింది. ఇందులో మరో అనుకోని సంఘటన ఏమిటంటే ఈ మూవీలో నటించిన హీరోయిన్ మాత్రం అడ్రస్ లేకుండా పోయిందని చెప్పవచ్చు.
