Divya Bharti : దివ్యభారతిది హత్యా లేక ఆత్మహత్యా..? అసలు ఆమె మరణించిన రోజు ఏం జరిగింది..?

Divya Bharti : 1990 దశాబ్దంలో బాగా క్రేజ్ ఉన్న హీరోయిన్ దివ్యభారతి. అతి చిన్న వయసులోనే తెలుగు, తమిళ, హిందీ భాషల్లో హీరోయిన్ గా నటించి మంచి గుర్తింపును సంపాదించుకుంది. వెంకటేష్ హీరోగా నటించిన బొబ్బిలి రాజా చిత్రంతో టాలీవుడ్ వెండితెరపైకి ఎంట్రీ ఇచ్చింది. టాలీవుడ్ పాటు బాలీవుడ్ లో కూడా ఎన్నో సూపర్ హిట్ సినిమాల్లో దివ్య భారతి నటించి అలరించింది.

బాలీవుడ్ లో దివానా, రంగ్ లాంటి సూపర్ హిట్ సినిమాల్లో నటించిన దివ్యభారతి టాలీవుడ్ లో అసెంబ్లీ రౌడీ, రౌడీ అల్లుడు, ధర్మ క్షేత్రం, చిట్టెమ్మ మొగుడు లాంటి సినిమాల్లో నటించి ఎంతోమంది అభిమానులను సంపాదించుకుంది. అప్పటి హీరోయిన్లలో దివ్యభారతి అంతా బ్యూటీ ఫుల్ హీరోయిన్ ఎవరు లేరు. చిన్న వయసులోనే ఎంతో స్టార్ డమ్ ని పొందిన దివ్యభారతి కేవలం 19 ఏళ్ల వయసులోనే ఏప్రిల్ 5 1993 లో ఈ లోకానికి దూరమయ్యింది. అయితే దివ్యభారతి ఎలా చనిపోయింది అన్న ప్రశ్నకు సమాధానం ఇప్పటివరకు ఒక సరైన క్లారిటీ రాలేదు. కోర్టు కూడా ఆమె కేసులో సరైన తీర్పు ఇవ్వకుండానే 1998 లో కేసును క్లోజ్ చేసేసింది. కానీ ఆమె అభిమానులకు ఇప్పటికి కూడా దివ్యభారతి మరణంపై ఎన్నో అనుమానాలు తలెత్తుతానే ఉన్నాయి.

అసలు దివ్యభారతి మరణం రోజు ఏం జరిగింది అనే విషయానికి వెళితే.. దివ్యభారతి తన భర్త సాజిత్ తో కలిసి ముంబైలోని ఒక అపార్ట్ మెంట్ లో నివాసం ఉండేది. చనిపోయిన రోజు దివ్యభారతి షూటింగ్ పూర్తి చేసుకుని ఇంటికి తిరిగి వచ్చింది. అదే రోజు తన పేరెంట్స్ కోసం ఒక ఇంటిని కూడా కొనుగోలు చేసింది. అన్ని పనులు ముగించుకుని ఇంటికి చేరుకున్న దివ్య భారతి తన మేకప్ ఆర్టిస్ట్ కు ఫోన్ చేసి ఇంటికి రమ్మని పిలిచింది. మేకప్ ఆర్టిస్ట్ తో పాటు ఆమె భర్త సాజిత్ కూడా వెంట వచ్చాడు. ఆ తరవాత అందరూ కలిసి మద్యం సేవించారు. అప్పటి వరకు వాళ్లతో మాట్లాడిన దివ్యభారతి ఉన్నట్టుండి బాల్కనీ నుండి క్రిందకు పడిపోయింది.

తలకు బలమైన గాయం అయ్యి రక్తపు మడుగులో ఉన్న ఆమెను ఆస్పత్రికి తరలించే లోపే తుది శ్వాస విడిచింది. అయితే ఆమె మరణం పై భర్త సాజిత్ కానీ, అక్కడే ఉన్న మేకప్ ఆర్టిస్ట్ గానీ నోరు విప్పలేదు. మరోవైపు దివ్యభారతి మరణం వెనక దావూద్ ఇబ్రహీం డీ గ్యాంగ్ హస్తం ఉంది అనే ఆరోపణలు కూడా అప్పటిలో గట్టిగా వినిపించాయి. అంతేకాకుండా ఆమె భర్త సాజిత్ ముంబై పేలుళ్ల కేసు నుండి బయట పడేందుకు గాను ఆమెను హత్య చేసి ఉంటాడు అనే ఆరోపణలు కూడా ఉన్నాయి. ఏది ఏమైనా సినిమాల్లో ఇంకా ఉన్నత స్థాయికి ఎదగవలసిన దివ్యభారతి అతి చిన్న వయసులోనే నింగి ఎగసి ఎంతోమంది అభిమానులకు బాధను మిగిల్చింది.