శంకర్ శకం ముగిసింది. ఆయన ఇక రెస్ట్ తీసుకోవడం ఉత్తమం. అలా చేస్తేనే ఇప్పుడు ఉన్న పేరును కాపాడుకోగలుగుతారు. ఆయన ఇంకా రెండు దశాబ్దాల నాటి పద్ధతిలోనే సినిమాలు తీస్తున్నారు. శంకర్ సినిమాల్లో ఇంతకన్నా పైత్యపు సినిమా ఇంకోటి లేదు. ఈ సినిమా చూసినందుకు నా చెప్పుతో నేను కొట్టుకోవాలి. RRR తో వచ్చిన పేరును రాం చరణ్ గోదాట్లో కలిపేశాడు. రామ్ చరణ్ కు కథల సెలక్షన్ రాదు అని అర్థం అవుతోంది. అల్లు అర్జున్ ను చూసి చరణ్ ఈ విషయంలో చాలా నేర్చుకోవాలి. ఈ సినిమా లో కొన్ని సీన్లు మాత్రమే చెప్పుకోదగ్గవి ఉన్నాయి. కలెక్టర్ గొప్పదనం వివరించే సీన్, డబ్బు లేకుండా రాజకీయం చేయాలనే ఆశయంతో రాం చరణ్ తండ్రి పార్టీ పెట్టిన విధానం, పదవీ కాంక్ష లేకుండా ఒక సామాన్య కార్యకర్తను ముఖ్యమంత్రి అభ్యర్థిగా ప్రకటించడం, శ్రీకాంత్ ముఖ్యమంత్రిగా ఉన్న వేదిక పై గొడవ జరిగినపుడు కలక్టర్ కు మంత్రి చేత క్షమాపణ చెప్పించడం ఇలా ఇంకో 3, 4 ఉన్నాయి.
మిగతా సినిమా అంతా తలా తోకా లేకుండా, తర్క రహితంగా సాగుతుంది. నిజ జీవితంలో జరగడానికి అస్సలు అవకాశం లేని ఎన్నో సంఘటనలు ఇందులో అవలీలగా జరుగుతాయి. ఒక కలెక్టర్ రాష్ట్ర ముఖ్య ఎన్నికల అధికారి అయి ఏకంగా, రాష్ట్ర చీఫ్ సెక్రటరీ ని ట్రాన్ఫర్ చేస్తాడు. EVM లను డ్రోన్ల సహాయంతో కౌంటింగ్ సెంటర్ నుండి తరలిస్తారు. కౌంటింగ్ కేంద్రం పై విలన్ దాడి చేస్తే అక్కడ హీరో ఒక్కడే ఫైట్ చేస్తాడు. పోలీసులను వెళ్లి పోవాలని చెప్పగానే వాళ్ళు తమ డ్యూటీ వదిలేసి వెళ్ళి పోతారు.సినిమా మొత్తంలో ఒక్క ప్రతిపక్ష నాయకుడు కూడా రాష్ట్రంలో కనిపించడు.
ఇలా ఎన్నో కనీసం జనరల్ నాలెడ్జ్ లేకుండా సిల్లీగా శంకర్ ఈ సినిమా తీశాడు. ఈ సినిమాకు మ్యూజిక్ పెద్ద మైనస్. ఇక హీరోయిన్ అయితే అందాల ఆరబోతకు తప్ప ఇంకెందుకూ పనికి రాలేదు. ఇక కామెడీ అయితే వెగటుగా ఉంది. సునీల్ సైడ్ కి నడవడం, చరణ్ తల్లి మెడ తిప్పకుండా పక్కకు చూడటం ( దీనికి ఒక సిల్లీ రీజన్) ఇవి శంకర్ సినిమా ఆణిముత్యాలు. శంకర్ ప్రేక్షకులను వెర్రి వెంగలప్ప లను చేసి తీసిన సినిమా ఇది. ఇంకా ఈ సినిమా నచ్చిన వాళ్ళు ఉన్నారు అంటే వాళ్ళు తమ మానసిక ఆరోగ్యం పై శ్రద్ధ చూపాల్సిన సమయం వచ్చింది అని అర్థం.
