కోట శ్రీనివాసరావు ఇప్పుడు వయో భారం కారణంగా సినిమాలు తగ్గించి ఇంట్లో విశ్రాంతి తీసుకుంటున్నారు. అవకాశం ఇస్తే తాను ఏ పాత్రలో అయిన చేస్తానని ఇప్పటికీ అంటుంటారు కోట. నటనలో శిఖరాలను అధిరోహించిన కోటాకు.. ఇంత స్టార్ డమ్ ఎలా వచ్చింది. ఆయను స్టార్ ను చేసిన సినిమా ఏది..? అనేది చాలా మందికి తెలియకపోవచ్చు. ఆ చిత్రం మరెదో కాదు ప్రతిఘటన. ఈ సినిమా చేస్తున్నప్పుడు టి.కృష్ణ ప్రతిఘటన కథ చెప్పగా, అందులో నా పాత్ర చిన్నదే. పార్టీ అధ్యక్షుడుగా ఒకే సన్నివేశం రాసారు. అయితే అప్పుడు నేను సోదరి సోదరిమణులారా అని చెప్పిన డైలాగ్‌కి, నేను వాడిన యాసకి కృష్ణ ఇంప్రెస్ అయ్యారు.
అప్పుడు వెంటనే రచయితని పిలిపించి నైట్ అంతా కూర్చోపెట్టి నాకోసం కొన్ని సీన్లు.. డైలాగ్స్ రాశారు. దాదాపు ఎనిమిది తొమ్మిది సీన్లు నాకోసం రచయిత రాశారు .ఇక షూటింగ్‌లో పాల్గొన్నాను. మూవీ రిలీజ్ అయింది. సినిమా మంచి హిట్ అయింది. అయితే ప్రతి ఘటన మంచి పేరు తేవడమే కాక నేను అంటే ఏంటో అందరికి తెలిసేలా చేసింది. ప్రతిఘటన సినిమా నన్ను స్టార్‌ను చేసింది. ఇక వెనక్కి తిరిగి చూసుకోనివ్వకుండా చేసింది అని అన్నారు కోటా శ్రీనివాసరావు.
ప్రతిఘటన సినిమా సినిమా ఇండస్ట్రీలో కోటా నిలబడటానికి ఎంతో సాయం చేసింది. ఈసినిమాతో కోటా నట విశ్వరూపం చూపించారు. ఈ సినిమాతో ఓవర్ నైట్ స్టార్ గా మారాడు కోటా శ్రీనివాస రావు. చిన్న చిన్న పాత్రలు చేస్తూ..తన టాలెంట్ చూపించిన కోటా.. తన నటనతో అందరి మనస్సులు కొల్లగొట్టి ఎన్నో సినిమాలలో మంచి అవకాశాలని అంది పుచ్చుకున్నాడు. సినిమా సినిమాకు తనను తాను మార్చుకుంటూ.. కోటానే కావాలి అనేలా చేసుకున్నారు.
