ప్రతి రోజూ మనం పాలు లేదా పాల ఉత్పత్తులను తీసుకోవడం వల్ల మన శరీరానికి అవసరమైన పోషకాలన్నీ సమృద్ధిగా లభిస్తాయి. అయితే కొందరికి పాలు తాగడం ఇష్టం ఉండదు. కానీ వారు జీడిపప్పు పాలను తాగవచ్చు. జీడిపప్పు పాలు ఎంతో ఉత్తమమైనవని చెప్పవచ్చు. జీడిపప్పు పాలలో కూడా అధిక మొత్తంలో విటమిన్లు, పొటాషియం, జింక్, క్యాల్షియం, మోనో శాచురేటెడ్ కొవ్వులు అధిక మొత్తంలో లభిస్తాయి. జీడిపప్పు పాలను తరచూ తీసుకోవడం వల్ల మన శరీర రోగ నిరోధక శక్తి పెరుగుతుంది. కంటి చూపుకు, ఎముకల ఆరోగ్యానికి, రక్తంలో చక్కెర స్థాయిలను నియంత్రించడానికి జీడిపప్పు పాలు ఎంతగానో సహకరిస్తాయి. ఇన్ని పోషక పదార్థాలు కలిగిన జీడిపప్పు పాలను తరచు తాగడం వల్ల కలిగే ఆరోగ్య ప్రయోజనాలు ఏమిటో ఇప్పుడు తెలుసుకుందాం.
1. జీడిపప్పు పాలలో అధికమొత్తంలో జింక్, యాంటీ ఆక్సిడెంట్లు ఉంటాయి. ఇవి మన శరీరంలో రోగనిరోధక శక్తిని పెంపొందించడానికి దోహదపడతాయి. వీటిలో ఉన్నటువంటి యాంటీఆక్సిడెంట్లు మన శరీరానికి ఎటువంటి అంటువ్యాధులు వ్యాపించకుండా, వ్యాధికారక బ్యాక్టీరియాలతో పోరాటం కోసం రోగనిరోధక కణాలను తయారు చేస్తాయి.
2. జీడిపప్పు పాలలో అధిక మొత్తంలో ఫైబర్ ఉంటుంది. ఒక గ్లాస్ జీడిపప్పు పాలు తాగటం వల్ల మనకు కడుపు నిండిన భావన కలగడంతో ఎక్కువ ఆహారం తీసుకోవడానికి ఇష్టపడరు. కనుక ఎంతో సులభంగా శరీర బరువును తగ్గించుకోవచ్చు.
3. జీడిపప్పు పాలలో ఉండే మోనో శాచురేటెడ్ కొవ్వులు గుండెను వివిధ రకాల వ్యాధుల నుంచి కాపాడటంలో దోహదపడతాయి. అదేవిధంగా వీటిలో ఉన్నటువంటి పొటాషియం, మెగ్నిషియం వంటి మూలకాలు గుండె ఆరోగ్యాన్ని పెంపొందిస్తాయి.
4. మధుమేహంతో బాధపడేవారు జీడిపప్పు పాలను తాగడం వల్ల రక్తంలోని చక్కెర స్థాయిలు సాధారణ స్థితిలో ఉంటాయి. ఈ పాలలో అనాకార్డియాక్ ఆమ్లం ఉండటం వల్ల చక్కెర స్థాయిలు నియంత్రణలో ఉంటాయి.
5. క్రమం తప్పకుండా జీడిపప్పు పాలను తీసుకోవడం వల్ల మెదడు పనితీరు మెరుగ్గా ఉంటుంది. వీటిలో ఉండే ఐరన్, కాపర్, జింక్ వంటి పోషకాలు మెదడు పనితీరును మెరుగుపరుస్తాయి.
6. ప్రతి రోజూ ఒక గ్లాస్ జీడిపప్పు పాలు తాగటం వల్ల కాల్షియం, విటమిన్ కె, పొటాషియం, మెగ్నిషియం వంటి పోషకాలు మన శరీరంలో ఎముకలకు బలాన్ని చేకూర్చడానికి దోహదపడతాయి. కనుక క్రమం తప్పకుండా జీడిపప్పు పాలను తీసుకోవాలి. దీంతో పైన తెలిపిన ఆరోగ్యకర ప్రయోజనాలను పొందవచ్చు.
ఎప్ప‌టిక‌ప్పుడు అప్‌డేట్స్ కోసం టెలిగ్రామ్‌లో మ‌మ్మ‌ల్ని ఫాలో అవ్వండి: Ayurvedam365
