Anjeer Benefits : మ‌నం ఆహారంగా తీసుకునే డ్రై ఫ్రూట్స్ అయిన‌టువంటి అంజీర్ ల‌ను కూడా తీసుకుంటూ ఉంటాం. ఆక‌ర్ష‌ణీయ‌మైన రంగు వీటికి లేన‌ప్ప‌టికి ఇవి మ‌న శ‌రీరానికి ఎంతో మేలు చేస్తాయి. అంజీర్ లు తియ్య‌టి రుచితో తిన్నా కొద్ది తినాల‌నిపించేంత రుచిగా ఉంటాయి. అంజీర్ పండ్లు దొరికిన‌ప్ప‌టికి చాలా మంది వీటిని డ్రై ఫ్రూట్స్ రూపంలోనే తీసుకుంటూ ఉంటారు. వీటిని ప్ర‌తి రోజూ ఆహారంగా తీసుకోవ‌డం వల్ల మ‌నం అనేక ఆరోగ్య‌క‌ర‌మైన ప్ర‌యోజ‌నాల‌ను పొంద‌వ‌చ్చు. ఏ వ్యాధితో బాధపడుతున్న వారైనా స‌రే అంజీర్ ను తీసుకుంటే త్వరగా కోలుకుంటారు. శ‌రీరంలో రోగ నిరోధ‌క శ‌క్తిని పెంచ‌డంలో ఇవి మనకు ఎంతో ఉప‌యోగ‌ప‌డ‌తాయి. అంజీర్ ల‌ను తీసుకోవ‌డం వల్ల శ‌రీరానికి శ‌క్తి త్వరగా ల‌భిస్తుంది.
శారీర‌క, మాన‌సిక స‌మ‌స్య‌ల‌తో బాధపడే వారు వీటిని తీసుకోవ‌డం మంచి ఫ‌లితం ఉంటుంది. వీటిలో అధికంగా ఉండే పొటాషియం బీపీని నియంత్రించ‌డంలో సహాయపడుతుంది. షుగ‌ర్ వ్యాధి గ్ర‌స్తులు కూడా ఈ పండ్ల‌ను ఆహారంగా తీసుకోవ‌చ్చు. అంజీర్ ను తిన‌డం వల్ల షుగ‌ర్ వ్యాధి నియంత్ర‌ణ‌లో ఉంటుంది. ఊపిరితిత్తుల స‌మ‌స్య‌ల‌కు ఇవి మంచి ఔష‌ధంగా ప‌ని చేస్తాయి. ద‌గ్గు, ఆస్థ‌మా వంటి స‌మ‌స్య‌ల‌ను తగ్గించడంలో కూడా అంజీర్లు మనకు దోహ‌ద‌ప‌డ‌తాయి. లైంగిక స‌మ‌స్య‌ల‌తో బాధపడే వారు ఈ అంజీర్ ను తీసుకోవ‌డం వల్ల లైంగిక సామ‌ర్థ్యం పెరుగుతుంది. దీర్ఘ‌కాలంగా జ‌బ్బుల బారిన ప‌డి బ‌ల‌హీనప‌డిన వారు అంజీర్ ను ఎక్కువగా తీసుకోవ‌డం త్వరగా బ‌రువు పెరుగుతారు. మ‌న శ‌రీరంలో అనేక స‌మ‌స్య‌ల‌కు మూల కార‌ణ‌మ‌య్యే మ‌ల‌బ‌ద్ద‌కాన్ని నివారించ‌డంలో కూడా అంజీర్ మనకు ఉప‌యోగ‌ప‌డుతుంది.
అంజీర్ ను తీసుకోవ‌డం వల్ల మ‌ల‌బ‌ద్ద‌కం స‌మ‌స్య త‌గ్గు ముఖం ప‌ట్టి సుఖ విరోచ‌నం అవుతుంది. వీటిలో ఉండే క్యాల్షియం ఎముక‌లను ధృడంగా, ఆరోగ్యంగా ఉంచ‌డంలో తోడ్ప‌డుతుంది. నిద్ర‌లేమి స‌మ‌స్య‌తో బాధపడే వారు రాత్రి పూట అంజీర్ ను తిని పాల‌ను తీసుకోవ‌డం వల్ల చ‌క్క‌గా నిద్ర ప‌డుతుంది. అంజీర్ లో ఉండే జిగురు వంటి ప‌దార్థం గొంతు నొప్పిని, పుండ్ల‌ను తగ్గించడంలో త‌గ్గిస్తుంది. వృద్ధాప్యంలో వ‌చ్చే దృష్టి లోపాల‌ను అంజీర్ గ‌ణ‌నీయంగా త‌గ్గిస్తుంది. క‌డుపు నొప్పి, జ్వ‌రం వంటి స‌మ‌స్య‌ల‌తో బాధపడుతున్న వారు అంజీర్ ను తీసుకోవ‌డం వల్ల ఆయా సమ‌స్య‌ల నుండి త్వరగా ఉప‌శ‌మ‌నం క‌లుగుతుంది. అలాగే దీనిలో అధికంగా ఉండే ఐర‌న్ ర‌క్త‌హీన‌త స‌మ‌స్య‌ను తగ్గించడంలో సహాయపడుతుంది. రోజుకు రెండు లేదా మూడు అంజీర్ ల‌ను నాన‌బెట్టి తీసుకోవ‌డం వల్ల మొల‌ల స‌మ‌స్య నుండి త్వరగా ఉప‌శ‌మ‌నం క‌లుగుతుంది.
వీటిని రోజుకు రెండు చొప్పున తీసుకోవ‌డం వల్ల చ‌ర్మ స‌మ‌స్య‌లు త‌గ్గి ముఖం ఆక‌ర్ష‌ణీయంగా త‌యార‌వుతుంది. ఈ అంజీర్ ల‌ను రోజూ తీసుకోవ‌డం వల్ల వృద్ధాప్య ఛాయ‌లు మ‌న ద‌రి చేర‌కుండా ఉంటాయి. పిల్ల‌ల‌కు వీటిని ఆహారంగా ఇవ్వ‌డం వల్ల వారిలో ఎదుగుద‌ల చ‌క్క‌గా ఉంటుంది. వారిలో తెలివి తేట‌లు కూడా పెరుగుతాయి. ఈ అంజీర్ ను రోజూ తీసుకోవ‌డం వల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చని, వీటిని తిన‌డం ప్ర‌తి ఒక్క‌రు అల‌వాటు చేసుకోవాల‌ని నిపుణులు చెబుతున్నారు.
