Anjeer With Milk : మ‌నం ఆహారంగా తీసుకునే డ్రై ఫ్రూట్స్ లో అంజీరాలు కూడా ఒక‌టి. అంజీరాలు స‌హ‌జ సిద్ద‌మైన తీపిని క‌లిగి ఉంటాయి. ఇవి చాలా రుచిగా ఉంటాయి. చాలా మంది వీటిని ఇష్టంగా తింటారు. అంజీరాల‌ను పండ్ల రూపంలో తీసుకున్నా లేదాడ్రై ఫ్రూట్స్ రూపంలో తీసుకున్నా కూడా మ‌న‌కు మేలు క‌లుగుతుంది. మ‌న‌కు అంజీరాలు ఏడాది పొడ‌వునా చాలా సుల‌భంగా ల‌భ్య‌మ‌వుతాయి. వీటిని ఎంతో కాలంగా మ‌నం ఆహారంలో భాగంగా తీసుకుంటున్నాము. వివిధ ర‌కాల తీపి వంటకాల త‌యారీలో కూడా వీటిని వాడుతూ ఉంటారు. ఇత‌ర డ్రై ఫ్రూట్స్ వ‌లె అంజీరాల‌ను కూడా మ‌నం త‌ప్ప‌కుండా ఆహారంగా తీసుకోవాలని నిపుణులు చెబుతున్నారు. వీటిలో మ‌న శ‌రీరానికి అవ‌స‌ర‌మ‌య్యే ఎన్నో పోష‌కాలు ఉంటాయి.
అంజీరాల్లో విట‌మిన్ ఎ, బి6, సి, పొటాషియం, క్యాల్షియం, ఐర‌న్, మెగ్నీషియం, ఫైబ‌ర్, కార్బోహైడ్రేట్స్ వంటి ఎన్నో పోష‌కాలు ఉన్నాయి. అంజీరాల‌ను తీసుకోవ‌డం వ‌ల్ల మ‌న ఆరోగ్యానికి ఎంతో మేలు క‌లుగుతుంది. వీటిని తీసుకోవ‌డం వ‌ల్ల జీర్ణ‌శ‌క్తి మెరుగుప‌డుతుంది. మ‌ల‌బ‌ద్ద‌కం స‌మ‌స్య త‌గ్గుతుంది. పెద్ద ప్రేగు క్యాన్స‌ర్ వంటి అనారోగ్య స‌మ‌స్య‌లు మ‌న ద‌రి చేరుకుండా ఉంటాయి. ర‌క్త‌హీన‌తతో బాధ‌ప‌డే వారు అంజీరాల‌ను తీసుకోవ‌డం వ‌ల్ల మంచి ఫ‌లితం ఉంటుంది. వీటిలో ఉండే ఐర‌న్ ర‌క్త‌హీన‌త‌ను త‌గ్గించ‌డంలో దోహ‌ద‌ప‌డుతుంది. అంజీరాల‌ను తీసుకోవ‌డం వ‌ల్ల మ‌నం సుల‌భంగా బ‌రువు కూడా తగ్గ‌వ‌చ్చు. అయితే రుచిగా ఉన్నాయ‌ని వీటిని ఎక్కువ‌గా తింటే మ‌నం వేగంగా బ‌రువు పెరుగుతాము. గొంతు ఇన్పెక్ష‌న్ ల‌తో బాధ‌ప‌డే వారు అంజీరాల‌ను తీసుకోవ‌డం మంచి ఫ‌లితం ఉంటుంది.
అలాగే అంజీరాల‌ను పేస్ట్ గా చేసి ముఖానికి రాసుకోవ‌డం వ‌ల్ల ముఖం అందంగా, కాంతివంతంగా త‌యార‌వుతుంది. అలాగే ఈ పేస్ట్ ను వాపుల‌పై రాయ‌డం వ‌ల్ల వాపులు త‌గ్గుతాయి. అంజీరాల‌ను తీసుకోవ‌డం వ‌ల్ల బీపీ అదుపులో ఉంటుంది. ర‌క్తంలో చ‌క్కెర స్థాయిలు అదుపులో ఉంటాయి. వీటిని తీసుకోవ‌డం వ‌ల్ల ఎముక‌లు ధృడంగా, బ‌లంగా త‌యారవుతాయి. అంతేకాకుండా అంజీరాల‌ను తీసుకోవ‌డం వ‌ల్ల పురుషుల్లో లైంగిక సామ‌ర్థ్యం పెరుగుతుంది. రోజూ 2 లేదా 3 అంజీరాల‌ను పాల్ల‌లో వేసి రాత్రంతా నాన‌బెట్టాలి. ఉద‌యాన్నే ఈ అంజీరాల‌ను తిని పాల‌ను తాగాలి. ఇలా చేయ‌డం వ‌ల్ల పురుషుల్లో లైంగిక స‌మ‌స్య‌లు త‌గ్గి లైంగిక సామ‌ర్థ్యం పెరుగుతుంది. ఈ విధంగా అంజీరాలు మ‌న ఆరోగ్యానికి ఎంతో మేలు చేస్తాయ‌ని వీటిని త‌ప్ప‌కుండా అంద‌రూ ఆహారంగా భాగంగా తీసుకోవాలని నిపుణులు సూచిస్తున్నారు.
