మ‌నలో చాలా మంది ఉద‌యం లేవ‌గానే ఖాళీ క‌డుపుతో టీ, కాఫీల‌ను తాగుతూ ఉంటారు. కొంద‌రు జ్యూస్ ల‌ను తీసుకుంటే మ‌రికొంద‌రు వారికి న‌చ్చిన అల్పాహారాల‌ను తీసుకుంటూ ఉంటారు. అయితే ఉద‌యం పూట ఖాళీ క‌డుపుతో తీసుకునే ఆహార విష‌యంలో మ‌నం చాలా జాగ్ర‌త్త‌గా ఉండాల‌ని నిపుణులు చెబుతున్నారు. లేదంటే మ‌నం తీసుకునే ఈ ఆహారం వివిధ ర‌కాల అనారోగ్య స‌మ‌స్య‌ల‌కు దారి తీయ‌డంతో పాటు రోజంతా ఉత్సాహాంగా పని చేసుకోలేక‌పోతాము. ఉద‌యం పూట ఖాళీ క‌డుపున స‌రైన ఆహారాన్ని తీసుకోక‌పోవ‌డం వ‌ల్ల మ‌న‌కు క‌లిగే దుష్ప్ర‌భావాలు ఏమిటి.. స‌రైన ఆహారాన్ని ఎందుకు ఎంచుకుని తీసుకోవాలి.. అన్న వివ‌రాల‌ను ఇప్పుడు తెలుసుకుందాం.
సాధార‌ణంగా మ‌నం నిద్రించిన త‌రువాత మ‌న జీర్ణ‌క్రియ నెమ్మ‌దిస్తుంది. అలాగే ఖాళీ క‌డుపులో హైడ్రో క్లోరిక్ ఆమ్లం ఎక్కువగా ఉంటుంది. స‌రైన ఆహారాన్ని తీసుకోక‌పోవ‌డం వ‌ల్ల ఈ హైడ్రోక్లోరిక్ ఆమ్లం మరింత ఎక్కువగా త‌యార‌వుతుంది. దీంతో గ్యాస్, కడుపు ఉబ్బ‌రం, అల్స‌ర్, అసిడిటీ వంటి స‌మ‌స్య‌లు త‌లెత్త‌డంతో పాటు ఉన్న స‌మ‌స్య‌లు మరింత ఎక్కువ అవుతాయి. ఇది శ‌రీరానికి తీవ్ర న‌ష్టాన్ని క‌లిగిస్తుంది. అలాగే చాలా మంది గ్యాస్, కడుపు ఉబ్బ‌రం వంటి స‌మ‌స్య‌ల‌తో బాధ‌ప‌డే వారు ఈ సమస్య నుండి బ‌య‌ట‌ప‌డ‌డానికి ఉద‌యం లేవ‌గానే సోడా వంటి వివిధ ర‌కాల శీత‌ల పానీయాల‌ను తాగుతారు. కానీ ఇలా శీత‌ల పానీయాల‌ను తీసుకోవ‌డం వ‌ల్ల గ్యాస్, అసిడిటీ వంటి పొట్ట సంబంధిత స‌మ‌స్య‌లు మరింత ఎక్కువ అవుతాయి. అలాగే చాలా మంది ఉద‌యం లేవ‌గానే ఖాళీ క‌డుపుతో కాఫీని తాగుతూ ఉంటారు. ఇది కూడా అస్స‌లు మంచిది కాదు.
కాఫీ క‌డుపులో హైడ్రోక్లోరిక్ ఆమ్లం మరింత ఎక్కువగా త‌యార‌య్యేలా చేస్తుంది. దీంతో పొట్ట స‌మ‌స్య‌లు పెర‌గ‌డంతో పాటు లేని వారికి కూడా స‌మ‌స్య‌లు వ‌చ్చే అవ‌కాశం ఉంది. అదే విధంగా ఖాళీ క‌డుపున పుల్ల‌టి జ్యూస్ ల‌ను కూడా తాగకూడ‌దు. నారింజ, బ‌త్తాయి, ఫైనాఫిల్ వంటి జ్యూస్ ల‌ను తాగ‌డం వ‌ల్ల పొట్ట స‌మ‌స్య‌లు మరింత ఎక్కువ అవుతాయి. ఈ జ్యూస్ లు హైడ్రోక్లోరిక్ ఆమ్లం ఉత్ప‌త్తిని పెంచుతాయి. దీంతో గ్యాస్, కడుపు ఉబ్బ‌రం వంటి స‌మ‌స్య‌లు మరింత ఎక్కువగా అవుతాయి. అలాగే ఖాళీ క‌డుపున కారం, మసాలాలు ఉండే ఆహారాన్ని కూడా తీసుకోకూడ‌దు. ఇవి కడుపు స‌మ‌స్య‌ల‌న పెంచ‌డంతో పాటు ప్రేగుల ఆరోగ్యాన్ని కూడా దెబ్బ‌తిస్తాయి. క‌నుక మ‌నం ఉద‌యం పూట తీసుకునే ఆహార విష‌యంలో చాలా జాగ్ర‌త్త‌లు తీసుకోవ‌డం అవ‌స‌రం. మ‌నం ఉద‌యం పూట తీసుకునే అల్పాహారం పైన‌నే మ‌న రోజంతా ఆధార‌ప‌డి ఉంటుంది. క‌నుక ఈ అల్పాహారం విష‌యంలో చాలా జాగ్ర‌త్త‌లు తీసుకోవ‌డం అవ‌స‌ర‌మ‌ని నిపుణులు చెబుతున్నారు.
