అధిక బరువును తగ్గించుకునేందుకు చాలా మంది రక రకాల మార్గాలను అనుసరిస్తుంటారు. అయితే బరువు తగ్గలేకపోతుంటారు. ఏ తప్పు చేస్తున్నారో తెలియదు. దీంతో బరువు తగ్గడం లేదని దిగులు చెందుతుంటారు. అయితే కింద తెలిపిన పలు సూచనలు పాటిస్తే కేవలం 7 రోజుల్లోనే వేగంగా బరువును తగ్గించుకోవచ్చు. శరీరంలో వచ్చే మార్పును మీరే గమనిస్తారు. మరి అందుకు ఏం చేయాలంటే..
1. అధిక బరువును తగ్గించడంలో కీరదోస ఎంతగానో సహాయ పడుతుంది. మధ్యాహ్నం, రాత్రి భోజనానికి ముందు ఒక కప్పు కీరదోస ముక్కలను తీసుకోవాలి. ఇది శరీరంలో కొవ్వు చేరకుండా చూస్తుంది. దీంతోపాటు అధిక బరువును తగ్గిస్తుంది.
2. అధిక బరువు తగ్గాలంటే రోజూ తగినంత మోతాదులో నీటిని కూడా తాగాల్సి ఉంటుంది. రోజుకు కనీసం 8 గ్లాసుల నీటిని అయినా తాగాలి. దీనివల్ల శరీరంలో ద్రవాలు సమతుల్యంలో ఉంటాయి. మెటబాలిజం మెరుగుపడుతుంది. బరువు తగ్గేందుకు ఇది సహాయ పడుతుంది.
3. రోజూ కనీసం 30 నిమిషాల పాటు అయినా సరే వాకింగ్ చేయాలి. దీని వల్ల క్యాలరీలు ఖర్చవుతాయి. అధిక బరువును తగ్గించుకోవచ్చు.
4. చాలా మంది రాత్రిపూట ఆలస్యంగా నిద్రిస్తుంటారు. ఉదయం ఆలస్యంగా నిద్రలేస్తారు. ఇలాంటి జీవనశైలి వల్ల బరువు అధికంగా పెరుగుతారు. కనుక ఇలా చేయరాదు. రాత్రి త్వరగా నిద్రించాలి. ఉదయం త్వరగా నిద్రలేవాలి. రోజూ కనీసం 8 గంటల నిద్ర అయినా ఉండేలా చూసుకోవాలి. దీని వల్ల మెటబాలిజం మెరుగు పడుతుంది. అధిక బరువు తగ్గవచ్చు.
5. రోజూ ఉదయాన్నే పరగడుపునే 2 టీస్పూన్ల అల్లం రసం సేవించాలి. రాత్రి నిద్రకు ముందు గోరు వెచ్చని పాలలో కొద్దిగా పసుపు కలుపుకుని తాగాలి. అధిక బరువును తగ్గించడంలో అల్లం, పసుపు సహాయం చేస్తాయి.
6. చక్కెర ఉండే పదార్థాలను మానేయాలి. లేదా తక్కువగా తీసుకోవాలి. స్వీట్లు, జంక్ ఫుడ్, నూనె పదార్థాలను తినకూడదు.
7. రోజూ ఉదయం, సాయంత్రం ఒక కప్పు మోతాదులో గ్రీన్ టీని తాగాలి. దీని వల్ల మెటబాలిజం పెరుగుతుంది. కొవ్వు కరుగుతుంది. అధికంగా బరువు తగ్గుతారు.
8. కూరగాయలు, ఆకుకూరలను రోజూ తీసుకోవాలి. వాటిలో ఉండే పోషకాలు అధిక బరువును తగ్గిస్తాయి.
9. రోజూ ఉదయాన్నే 15 నిమిషాల పాటు స్కిప్పింగ్ చేయాలి. దీంతో కొవ్వు వేగంగా కరుగుతుంది. పొట్ట దగ్గరి కొవ్వు కరగడంతోపాటు అధిక బరువు తగ్గుతారు.
ఈ సూచనలను 7 రోజుల పాటు పాటిస్తే కచ్చితంగా బరువు తగ్గుతారు. చెప్పుకోదగిన మార్పు కనిపిస్తుంది.
ఎప్పటికప్పుడు అప్డేట్స్ కోసం టెలిగ్రామ్లో మమ్మల్ని ఫాలో అవ్వండి: Ayurvedam365