జ‌న‌వ‌రి నెల ముగింపున‌కు వ‌చ్చిందో లేదో ఎండ‌లు అప్పుడే దంచి కొడుతున్నాయి. దీంతో అంద‌రూ ఇప్ప‌టి నుంచే చ‌ల్ల‌ని మార్గాల వైపు చూస్తున్నారు. చ‌ల్ల‌ద‌నం కావాలంటే మ‌న‌కు ముందుగా గుర్తుకు వ‌చ్చేది పుచ్చకాయ మాత్రమే. పుచ్చ‌కాయ‌ను తింటే శ‌రీరం చ‌ల్ల బ‌డ‌డం మాత్రమే కాదు అనేక పోష‌కాలు, శ‌క్తి కూడా ల‌భిస్తాయి. ఒక పుచ్చ‌కాయ‌ను తినడం వల్ల దాదాపుగా 16 క్యాల‌రీల శ‌క్తి ల‌భిస్తుంది. అలాగే ప్రోటీన్లు, కార్బొహైడ్రేట్లు, ఫైబ‌ర్‌, సోడియం, పొటాషియం వంటి పోష‌కాలు కూడా ల‌భిస్తాయి. డయాబెటిస్ ఉన్నవారు నిత్యం పుచ్చకాయ విత్తనాలు తింటుంటే.. షుగర్ లెవల్స్‌ అదుపులో ఉంటాయి. రక్తంలో ఉండే గ్లూకోజ్‌ స్థాయిలు నియంత్రణలో ఉంటాయి.
హైబీపీ ఉన్నవారు పుచ్చకాయ విత్తనాలు తింటే బీపీ తగ్గుతుంది. బీపీ త్వరగా అదుపులోకి వస్తుంది. పుచ్చకాయ విత్తనాలను రోజూ తినడం వల్ల కండరాలు దృఢంగా మారి ఏదైనా పని చేసేటప్పుడు అలసట తగ్గుతుంది. మెదడు పనితీరు మెరుగ్గా ఉండాలంటే పుచ్చకాయ విత్తనాలను రోజూ తినాలని శాస్త్రవేత్తలు చెబుతున్నారు. కంటిచూపును మెరుగుపరిచే అద్భుతమైన ఔషధ గుణాలు పుచ్చకాయ విత్తనాల్లో ఉంటాయని, విత్తనాలు నిత్యం తింటుంటే.. నేత్ర సమస్యలు పోతాయని సైంటిస్టులు చెబుతున్నారు. పుచ్చకాయ తినడం వల్ల అంగస్తంభన సమస్యలు రావని పరిశోధనలు చెబుతున్నాయి. పుచ్చకాయలోని సిట్రులైన్‌, ఆర్గినైన్‌ పదార్థాల వల్న ఇది సాధ్య పడుతుంది. ఇది నైట్రిక్‌ ఆక్సైడ్‌ ఉత్పత్తిని ప్రేరేపిస్తాయి. శరీరంలోని రక్తనాళాలు రిలాక్స్‌ అవడానికి ఈ చర్య తోడ్పతుంది.
వేసవిలో చర్మం ఎంతో పొడిబారిపోయినట్టుగా మారిపోతుంది. మందంగా తయరై చర్మం కాలిపోతున్నట్టుగా ఉంటుంది. వీటికి చెక్‌ పెట్టాలనుకుంటే పుచ్చకాయతో ఫేస్‌మాస్క్‌లు ఎంతగానో ఉపయోగపడుతాయి. ఇందులోని 90 శాతం నీరు చర్మాన్ని తేమగా ఉంచేందుకు తోడ్పడుతుంది. పుచ్చకాయ రసం, కీర గుజ్జును సమపాళ్లలో కలిపి ముఖానికి రాసుకోవాలి. అరగంట తర్వాత శుభ్రమైన నీటితో కడిగేయాలి. ఇక అంతే.. చర్మం నిగారించడమే కాకుండా చర్మాన్ని కాపాడుతుంది. పుచ్చకాయ, అరటిపండు మెత్తగా కలిపి మిశ్రమంలా తయారు చేయాలి. ముఖానికి రాసుకొని ఆరిన తర్వాత కడిగేయాలి. ఇక అంతే అందమైన చర్మం మీ సొంతం.
