Nutrients In Food : మీకో విషయం తెలుసా..? వండిన ఆహార పదార్థాలను ఎంత టైమ్ లోపల తినాలి..? ఏయే పాత్రల్లో వండిన పదార్థాలు ఆరోగ్యానికి మంచివి..? షాప్ నుండి తెచ్చుకున్న వస్తువులు ఎన్ని రోజుల వరకు నిల్వ ఉంచుకోవాలి.. ఇటువంటి ఆరోగ్యానికి సంబంధించిన విషయాలు ఇప్పుడు తెలుసుకుందాం. వంట వండిన 48 నిమిషాలలోపే తినేయాలి. ఎందుకంటే 48 నిమిషాల తర్వాత పదార్థంలోని పోషక విలువలు క్రమంగా తగ్గుకుంటూ పోతాయి. టైమ్ గడిచిన కొద్దీ మనం తినే ఆహారంలో పోషక విలువలు 30 శాతానికి పడిపోతాయి. కాబట్టి ఆహారాన్ని వండిన 48 నిమిషాలలోపే తింటే శ‌రీరానికి పూర్తి పోషకాలు అందే అవకాశం ఉంటుంది.
48 నిమిషాల వరకు అయితే వండిన ఆహారంలో 100 శాతం పోషక విలువలు ఉంటాయి. (ఉడకగా పోయిన దాంట్లో). 2 గంటలు దాటితే 70 శాతం పోషకవిలువలుంటాయి. 5 గంటల తర్వాత 50 శాతం పోషక విలువలుంటాయి. ఇలా ఆహారాన్ని వండిన త‌రువాత నిర్దిష్ట‌మైన స‌మ‌యం వరకు ఆహారంలో పోషకాలు ఉంటాయి. క్రమంగా అవి త‌గ్గిపోతూ ఉంటాయి. క‌నుక వండిన ఆహారాన్ని త్వరగా తినేయ‌డం మంచిది.
షాప్ నుండి తెచ్చుకునేటప్పుడు కూడా సరిపడానే తెచ్చుకోండి. ఎందుకంటే గోధుమ పిండి 15 రోజులలో, జొన్న, రాగి, సజ్జ పిండి 7 రోజులలోపే పోషక విలువలను కలిగి ఉంటాయి. ఆ తర్వాత వాటిలో పోషక విలువలు క్రమంగా తగ్గుకుంటూ పోతాయి. కాబట్టి పిండిని ఆ నిర్ణీత గడువులోనే వాడితే మంచిది. ఎప్పటికప్పుడు తెచ్చుకుంటే ఇంకా మంచిది. ఏ పాత్రలలో వండితే భోజనంలోని పోషక విలువలు ఎలా ఉంటాయో చూద్దాం.
మట్టికుండలో వండితే 100 శాతం పోషక విలువలు అలాగే ఉంటాయి. కంచు పాత్రలో 97 శాతం, ఇత్తడి పాత్రలో వండితే ఆహారంలో 93 శాతం పోషక విలువలు ఉంటాయి. ఇక అల్యూమినియం, ప్రెషర్ కుక్కర్ లాంటి పాత్రలలో వండిన పదార్థాలలో 7-13 శాతం వరకు మాత్రమే పోషక విలువలు ఉంటాయి. పైగా అల్యూమినియం లాంటి పాత్రలల్లో వంటిన ఆహారాన్ని తినడం ద్వారా షుగర్, కీళ్ల వాతం, పొట్ట సంబధ వ్యాధులు, త్వరగా వృద్ధాప్యం రావడం లాంటి దుష్పరిణామాలుంటాయి. క‌నుక స‌హ‌జ‌సిద్ధ‌మైన పాత్ర‌ల్లోనే వీలైనంత వరకు వండుకోవ‌డం మంచిది. దీంతో ఎక్కువ పోష‌కాల‌ను కోల్పోకుండా ఉంటాము.
