Nuts : రాత్రి నుంచి ఉద‌యం వ‌ర‌కు స‌హ‌జంగానే మ‌న క‌డుపు మొత్తం ఖాళీగా ఉంటుంది. అందుక‌నే ఉద‌యం నిద్ర లేవగానే చాలా మందికి ఆక‌లి వేస్తుంది. దీంతో నిద్ర లేచిన వెంట‌నే కాల‌కృత్యాలు తీర్చుకుని బ్ర‌ష్ చేసి వెంట‌నే టిఫిన్ లాగించేస్తుంటారు. అయితే వాస్త‌వానికి టిఫిన్ క‌న్నా ముందు మ‌నం కొన్ని ఆహారాల‌ను తీసుకోవాలి. వీటిని ఖాళీ క‌డుపుతో రోజూ తినాలి. ఇలా తింటే ఎలాంటి ప్ర‌యోజ‌నాలు క‌లుగుతాయో ఇప్పుడు తెలుసుకుందాం.
బాదంలో విటమిన్ ఇ తోపాటు మాంగనీస్, ఫైబర్ పుష్కలంగా ఉంటాయి. అయితే బాదం తినడానికి ఒక పద్ధ‌తుంది. బాదంని డైరెక్టుగా తినడం వల్ల ఈ విటమిన్లు శరీరానికి అందవు. రాత్రిపూట బాదంలని నానబెట్టి, తెల్లారి లేవగానే దాని పొట్టు ఊడదీసి తినాలి. ఇలా తింటేనే మ‌న‌కు లాభాలు క‌లుగుతాయి. పోష‌కాలు ల‌భిస్తాయి. అలాగే పొద్దున్న లేవగానే వేడినీళ్ళలో తేనె కలుపుకుని తాగితే జీవక్రియ పనితీరు మెరుగవుతుంది. అంతేకాదు శరీరంలోని విష పదార్థాలని బయటకు పంపించివేస్తుంది. క‌నుక ఉద‌యం ఖాళీ క‌డుపుతో తేనెను కూడా తీసుకోవాలి.
ఇక కిస్మిస్ లలో పొటాషియం, కాల్షియం, ఐరన్ అధికంగా ఉంటాయి. బాదంలలాగే వీటిని కూడా నానబెడితే శరీరానికి మంచిది. వీటిలో ఉండే సహజసిద్ధ‌మైన చక్కెర శరీరానికి మంచి ఎనర్జీ ఇస్తుంది. అందువ‌ల్ల కిస్మిస్‌ల‌ను రాత్రి పూట నానబెట్టి మ‌రుస‌టి రోజు ఉద‌యం తింటే మ‌న‌కు ఎంతో మేలు జ‌రుగుతుంది. అలాగే శరీరంలో ఉన్న విషపదార్థాలని బయటకు పంపించ‌డంలో బొప్పాయి ప్రముఖ పాత్ర వహిస్తుంది. శరీరంలో కొవ్వుని తగ్గించి గుండెకి సంబంధించిన రోగాలను రాకుండా చూసుకుంటుంది. క‌నుక ఉద‌యం ప‌ర‌గ‌డుపునే బొప్పాయి పండు ముక్క‌ల‌ను ఒక క‌ప్పు మోతాదులో తినాలి. త‌రువాత 45 నిమిషాల వ‌ర‌కు ఏమీ తిన‌రాదు. దీంతో ఈ ఆహారాల వల్ల మ‌నం అనేక లాభాల‌ను పొంద‌వ‌చ్చు.
