సాధార‌ణంగా జామ పండు అంద‌రికి తెలిసిన‌వి, అందుబాటులో ఉండేవి. జామ కాయ‌ల‌ను తిన‌డం వల్ల మనకు ఎలాంటి ప్ర‌యోజ‌నాలు క‌లుగుతాయో అంద‌రికీ తెలిసిందే. వీటిల్లో విటమిన్ సి స‌మృద్ధిగా ఉండ‌డం వల్ల శ‌రీర రోగ నిరోధ‌క శ‌క్తి పెరుగుతుంది. ఒక ర‌కంగా చెప్పాలంటే ఇది మనం ఇంట్లో పెంచుకునే దివ్య ఔషదం. అయితే జామకాయ‌లు మాత్ర‌మే కాదు జామ ఆకుల‌లో కూడా మనకు తెలియని అనేక ఔషధ గుణాలున్నాయి. జామ ఆకులు మన శరీరంలో అనేక రకాల రుగ్మతల భారిన పడకుండా కాపాడతాయి. జామ ఆకులు, జామ బెరడు, జామ పువ్వులు కూడా మన ఆరోగ్యాన్ని మెరుగుపరుస్తాయ‌ని నిపుణులు చెబుతున్నారు. జామ ఆకుల వల్ల అద్భుత‌మైన లాభాలు ఉన్నాయ‌ని చెబుతున్నారు. అవేంటో తెలుసుకుందాం..
రక్తంలో చక్కెర శాతం అధికం కాకుండా జామ ఆకులు నియంత్రిస్తాయి. అంతే కాకుండా జామాకులతో చేసిన టీ తాగటం వల్ల శ్వాసకోశ సంబంధమైన సమస్యలు పోతాయి. యాంటీ ఇన్ల్ఫ‌మేటరీ, యంటీ ఆక్సిడెంట్ గుణాలను, యాంటీ బ్యాక్టీరియల్ గుణాలను కలిగి ఉన్న జామ ఆకులు చాలా రకాల సమస్యల నుండి ఉపశమనం కలిగిస్తాయి. జామ ఆకులు డయోరియా, క్యాన్సర్ వంటి సమస్యలను గ్రేట్ గా నివారిస్తాయి. జామకాయ జ్యూస్ కాలేయానికి ఒక మంచి టానిక్ వంటిది. ఈ జ్యూస్ తీసుకొన్నప్పుడు. ఎలాంటి దుష్ప్ర‌భావ‌లు లేకుండా ఇది బ్లడ్ కొలెస్ట్రాల్ ను తగ్గిస్తుంది.
నిద్రలేమి సమస్యతో బాధపడేవారు జామ ఆకుల కషాయాన్ని తాగడం వల్ల మంచి నిద్రపట్టేలా చేస్తుంది. అంతేకాకుండా జీర్ణవ్యవస్థ తీరుని మెరుగుపరుస్తుంది. మలబద్దక సమస్యను తగ్గిస్తుంది. డెంగ్యూతో బాధపడే వారికి ఈ జామ ఆకుల జ్యూస్ ఔషధంగా ప‌ని చేస్తుంది. శరీరంలో ఎలాంటి క్రిములనైనా నాశనం చేస్తుంది. జామ ఆకుల టీలో ఉండే విటమిన్ సి చర్మ ఆరోగ్యానికి స‌హాయ‌ప‌డుతుంది.
