వెల్లుల్లిని మ‌నం త‌ర‌చూ వంటల్లో ఉప‌యోగిస్తుంటాం. దీని వల్ల మ‌న‌కు అనేక ఆరోగ్య‌క‌ర‌మైన ప్ర‌యోజ‌నాలు క‌లుగుతాయి. అయితే 99 శాతం మందికి వెల్లుల్లిని ఎలా తినాలో తెలియ‌దు. వెల్లుల్లిని రోజుకు 2 లేదా 3 రెబ్బ‌ల‌ను తినాలి. ముందుగా వీటిని క‌ట్ చేసి దంచి ప‌క్క‌న ఉంచాలి. 15 నిమిషాల‌పాటు ప‌క్క‌న పెడితే వెల్లుల్లిలో అనేక స‌మ్మేళ‌నాలు త‌యార‌వుతాయి. ఇవి మ‌న‌కు మేలు చేస్తాయి. త‌రువాత వెల్లుల్లి మిశ్ర‌మంలో కాస్త తేనె క‌లిపి తినాలి. ఇలా రోజూ తింటుంటే అనేక లాభాల‌ను పొంద‌వ‌చ్చు.
వెల్లుల్లి మిశ్ర‌మాన్ని ఈ విధంగా తిన‌డం వల్ల ప‌లు ర‌కాల క్యాన్స‌ర్లు రాకుండా అడ్డుకోవ‌చ్చు. దీంతో కొలెస్ట్రాల్‌, బీపీ త‌గ్గుతాయి. గుండె ఆరోగ్యంగా ఉంటుంది. హార్ట్ ఎటాక్ రాకుండా చూసుకోవ‌చ్చు. వెల్లుల్లి మిశ్ర‌మాన్ని త‌ల‌కు ప‌ట్టించి త‌ల‌స్నానం చేస్తుండ‌డం వల్ల జుట్టు రాల‌డం త‌గ్గుతుంది. జుట్టు ఒత్తుగా, పొడ‌వుగా, దృఢంగా పెరిగి కాంతివంతంగా మారుతుంది. శిరోజాలు కాంతివంతంగా క‌నిపిస్తాయి.
జుట్టుకు వెల్లుల్లి మిశ్ర‌మాన్ని రాయ‌డం వల్ల త‌ల‌పై ఉండే పేలు, చుండ్రు త‌గ్గిపోతాయి. నొప్పి ఉన్న దంతాల ద‌గ్గ‌ర వెల్లుల్లి మిశ్ర‌మాన్ని పెట్టినా లేదంటే వెల్లుల్లిని న‌మిలి తింటున్నా దంతాలు, చిగుళ్ల నొప్పి నుంచి ఉప‌శ‌మ‌నం ల‌భిస్తుంది. ద‌గ్గు సమస్య ఉన్న‌వారు వెల్లుల్లి, తేనె మిశ్ర‌మాన్ని రోజుకు 2 పూట‌లా తింటుంటే సమస్య నుంచి త్వ‌ర‌గా ఉప‌శ‌మ‌నం ల‌భిస్తుంది. దీంతోపాటు గొంతు, ఛాతిలో ప‌ట్టేసిన క‌ఫం క‌రిగిపోతుంది. శ్వాస‌కోశ స‌మ‌స్య‌ల నుంచి ఉప‌శ‌మ‌నం ల‌భిస్తుంది. పాల‌లో వెల్లుల్లి రెబ్బ‌ల‌ను వేసి మ‌రిగించి తాగ‌డం వల్ల టీబీ త‌గ్గుతుంది. ఊపిరితిత్తులు క్లియ‌ర్ అవుతాయి. ఇలా వెల్లుల్లితో మ‌నం అనేక ప్ర‌యోజ‌నాల‌ను పొంద‌వ‌చ్చు. అయితే ఏవైనా మెడిసిన్ల‌ను వాడుతున్న వారు డాక్ట‌ర్ స‌ల‌హా మేర‌కు వెల్లుల్లిని తీసుకోవ‌డం మంచిది.
