Bhindi Masala Curry : మ‌నం బెండ‌కాయ‌ల‌తో ర‌క‌ర‌కాల వంట‌కాల‌ను త‌యారు చేసుకుని తింటూ ఉంటాం. బెండ‌కాయ‌ల‌తో చేసే కూర‌లు సుల‌భంగా చాలా రుచిగా ఉంటాయి. చాలా మంది బెండ‌కాయ‌ల‌తో చేసిన కూర‌ల‌ను ఇష్టంగా తింటారు. బెండ‌కాయ‌లు మ‌న ఆరోగ్యానికి ఎంతో మేలు చేస్తాయి కూడా. ఈ బెండ‌కాయ‌ల‌తో మ‌నం చేసుకోద‌గిన రుచిక‌ర‌మైన వంట‌కాల్లో బెండకాయ మ‌సాలా కూర కూడా ఒక‌టి. ఈ కూర చాలా రుచిగా ఉంటుంది. దీనిని త‌యారు చేయ‌డం కూడా చాలా తేలిక. బెండకాయ మ‌సాలా క‌ర్రీ మ‌న‌కు ధాబాలల్లో ఎక్కువ‌గా ల‌భిస్తుంది. దీనిని అదే రుచితో మ‌నం ఇంట్లో కూడా త‌యారు చేసుకోవ‌చ్చు. ఎంతో రుచిగా ఉండే బెండకాయ మ‌సాలా కూర‌ను ధాబా స్టైల్ లో ఎలా త‌యారు చేసుకోవాలో ఇప్పుడు తెలుసుకుందాం.
బిండి మ‌సాలా క‌ర్రీ త‌యారీకి కావ‌ల్సిన ప‌దార్థాలు..
బెండ‌కాయ‌లు – పావు కిలో, త‌రిగిన ట‌మాటాలు – 2, త‌రిగిన ఉల్లిపాయ – 1, త‌రిగిన ప‌చ్చిమిర్చి – 2, అల్లం వెల్లుల్లి పేస్ట్ – ఒక టేబుల్ స్పూన్, ధ‌నియాల పొడి – ఒక టేబుల్ స్పూన్, గ‌రం మ‌సాలా – ఒక టీ స్పూన్, పెరుగు – 50 గ్రా., జీలకర్ర – ఒక టీ స్పూన్, ఉప్పు- త‌గినంత, కారం – ఒక టేబుల్ స్పూన్, పసుపు – పావు టీ స్పూన్, నూనె – 2 టేబుల్ స్పూన్స్, క‌రివేపాకు – ఒక రెమ్మ, త‌రిగిన కొత్తిమీర – కొద్దిగా.
బిండి మ‌సాలా క‌ర్రీ త‌యారీ విధానం..
ముందుగా క‌ళాయిలో నూనె వేసి వేడి చేయాలి. నూనె వేడ‌య్యాక బెండకాయ ముక్క‌ల‌ను వేసి వేయించాలి. వీటిని ఎర్ర‌గా అయ్యే వ‌ర‌కు వేయించుకుని ప్లేట్ లోకి తీసుకోవాలి. త‌రువాత అదే నూనెలో జీలకర్ర, ఉల్లిపాయ ముక్క‌లు, ప‌చ్చిమిర్చి, క‌రివేపాకు వేసి వేయించాలి. ఉల్లిపాయ ముక్క‌లు వేగిన త‌రువాత అల్లం వెల్లుల్లి పేస్ట్ వేసి ప‌చ్చి వాస‌న పోయే వ‌ర‌కు వేయించాలి. త‌రువాత ట‌మాట ముక్క‌లు వేసి క‌ల‌పాలి. ఈ ట‌మాట ముక్క‌ల‌ను మెత్త‌గా అయ్యే వ‌ర‌కు వేయించిన త‌రువాత ఉప్పు, కారం, పసుపు, ధ‌నియాల పొడి, గ‌రం మ‌సాలా, పెరుగు వేసి క‌ల‌పాలి. దీనిని నూనె పైకి తేలే వ‌ర‌కు వేయించిన త‌రువాత వేయించిన బెండకాయ ముక్క‌లు వేసి క‌ల‌పాలి.
త‌రువాత ఒక గ్లాస్ నీళ్లు పోసి క‌ల‌పాలి. ఇప్పుడు దీనిపై మూత‌పెట్టి 10 నిమిషాల పాటు ఉడికించాలి. ఇలా ఉడికించిన త‌రువాత కొత్తిమీర వేసి క‌లుపుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే బిండి మ‌సాలా క‌ర్రీ త‌యార‌వుతుంది. అన్నం, చ‌పాతీ వంటి వాటితో క‌లిపి తింటే ఈ మ‌సాలా క‌ర్రీ చాలా రుచిగా ఉంటుంది. బెండ‌కాయ‌ల‌తో త‌ర‌చూ చేసే వంట‌కాల‌తో పాటు అప్పుడ‌ప్పుడూ ఇలా మ‌సాలా క‌ర్రీని కూడా త‌యారు చేసుకుని తిన‌వ‌చ్చు. బెండ‌కాయ‌లు తిన‌ని వారు కూడా ఈ మ‌సాలా క‌ర్రీని ఎంతో ఇష్టంగా తింటారు.
