Chicken Angara : మ‌న‌లో చాలా మంది చికెన్ ను ఇష్టంగా తింటూ ఉంటారు. చికెన్ ను తిన‌డం వ‌ల్ల మ‌నం రుచితో పాటు శ‌రీరానికి కావ‌ల్సిన పోష‌కాల‌ను కూడా పొంద‌వ‌చ్చు. చికెన్ తో మ‌నం ర‌క‌ర‌కాల వంట‌కాల‌ను త‌యారు చేస్తూ ఉంటాం. చికెన్ తో చేసే వంట‌కాలు చాలా రుచిగా ఉంటాయి. చికెన్ తో చేసుకోద‌గిన వంట‌కాల్లో చికెన్ అంగారా కూడా ఒక‌టి. ఈ చికెన్ కర్రీ స్మోకీ ప్లేవ‌ర్ తో చాలా రుచిగా ఉంటుంది. దీనిని ఎవ‌రైనా చాలా సుల‌భంగా ఇంట్లోనే త‌యారు చేసుకోవ‌చ్చు. ఎంతో రుచిగా ఉండే చికెన్ అంగారాను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
చికెన్ అంగారా త‌యారీకి కావ‌ల్సిన ప‌దార్థాలు..
నూనె – అర క‌ప్పు. చిన్న‌గా త‌రిగిన పెద్ద ఉల్లిపాయ – 1, అల్లం వెల్లుల్లి పేస్ట్ – ఒక టీ స్పూన్, పెద్ద టమాటాలు – 2, బాదం ప‌ప్పు పేస్ట్ – 2 టేబుల్ స్పూన్స్, వేడి నీళ్లు – 30 ఎమ్ ఎల్, నెయ్యి – ఒక టీ స్పూన్.
మ్యారినేష‌న్ కు కావ‌ల్సిన ప‌దార్థాలు..
చికెన్ – అరకిలో, అల్లం వెల్లుల్లి పేస్ట్ – ఒక టేబుల్ స్పూన్, పెరుగు – 200 గ్రా., ఉప్పు – త‌గినంత, గ‌రం మ‌సాలా – ఒక టీ స్పూన్, కాశ్మీరి చిల్లీ పౌడ‌ర్ – ఒక టేబుల్ స్పూన్.
మ‌సాలా పొడి త‌యారీకి కావ‌ల్సిన ప‌దార్థాలు..
కారం గ‌ల ఎండుమిర్చి – 3, ల‌వంగాలు – 6, దాల్చిన చెక్క – ఒక ఇంచు ముక్క, బిర్యానీ ఆకు – 1, యాల‌కులు – 2, ధ‌నియాలు – 2 టీ స్పూన్స్, జీల‌క‌ర్ర – ఒక టీ స్పూన్.
చికెన్ అంగారా త‌యారీ విధానం..
ముందుగా ఒక క‌ళాయిలో మ‌సాలా పొడికి కావ‌ల్సిన ప‌దార్థాలు వేసి దోర‌గా వేయించాలి. త‌రువాత వీటిని జార్ లోకి తీసుకుని మెత్త‌ని పొడిలా చేసుకోవాలి. త‌రువాత ఈ పొడిలో ఒక టీ స్పూన్ పొడిని ప‌క్కకు ఉంచి మిగిలిన పొడిని చికెన్ లో వేసి క‌ల‌పాలి. ఇందులోనే మ్యారినేష‌న‌న్ కు కావ‌ల్సిన ప‌దార్థాల‌న్నీ వేసి క‌ల‌పాలి. త‌రువాత ఈ చికెన్ ను ఒక గంట పాటు ఫ్రిజ్ లో ఉంచి మ్యారినేట్ చేసుకోవాలి. త‌రువాత క‌ళాయిలో నూనె పోసి వేడి చేయాలి. నూనె వేడ‌య్యాక ఉల్లిపాయ ముక్క‌లు వేసి వేయించాలి. వీటిని గోల్డెన్ బ్రౌన్ క‌ల‌ర్ వ‌చ్చే వ‌ర‌కు వేయించిన త‌రువాత అల్లం వెల్లుల్లి పేస్ట్ వేసి క‌ల‌పాలి.
దీనిని ప‌చ్చి వాస‌న పోయే వ‌ర‌కు వేయించిన త‌రువాత ట‌మాటాల‌ను ఫ్యూరీ లాగా చేసుకుని వేసుకోవాలి. త‌రువాత దీనిని క‌లుపుతూ నూనె పైకి తేలే వ‌ర‌కు వేయించాలి. త‌రువాత మ్యారినేట్ చేసుకున్న చికెన్ ను వేసి క‌ల‌పాలి. దీనిని మూడు నిమిషాల పాటు పెద్ద మంట‌పై ఉడికించిన త‌రువాత బాదం పేస్ట్ వేసి క‌ల‌పాలి. దీనిని మ‌రో 5 నిమిషాల పాటు ఉడికించిన త‌రువాత వేడి నీళ్లు పోసి క‌ల‌పాలి. త‌రువాత దీనిపై మూత పెట్టి చికెన్ ను మ‌ధ్య‌స్థ మంట‌పై 18 నుండి 20 నిమిషాల పాటు ఉడికించాలి. త‌రువాత స్ట‌వ్ ఆఫ్ చేసి చికెన్ మ‌ధ్య‌లో చిన్న గిన్నెను ఉంచాలి. అందులో ఎర్ర‌గా కాల్చిన బొగ్గును ఉంచాలి. దీనిపై ముందుగా ప‌క్కు ఉంచిన మ‌సాలా పొడిని రెండు చిటికెల మోతాదులో వేయాలి.
అలాగే నెయ్యిని కూడా వేసి గాలి బ‌య‌ట‌కు పోకుండా గ‌ట్టిగా మూత‌ను ఉంచాలి. దీనిని 20 నిమిషాల పాటు అలాగే ఉంచి ఆ త‌రువాత గిన్నెను తీసేసి స‌ర్వ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే చికెన్ అంగారా త‌యార‌వుతుంది. దీనిని అన్నం, రోటి, నాన్ వంటి వాటితో క‌లిపి తింటే చాలా రుచిగా ఉంటుంది. చికెన్ తో త‌ర‌చూ చేసే వంట‌కాల‌తో పాటు అప్పుడ‌ప్పుడూ ఇలా కూడా వండుకుని తిన‌వ‌చ్చు. ఈ విధంగా వండిన చికెన్ అంగారాను అంద‌రూ ఎంతో ఇష్టంగా తింటారు.
