Egg Fry : మ‌న శ‌రీరానికి కావ‌ల్సిన పోష‌కాల‌న్నింటిని అందించే ఆహారాల్లో కోడిగుడ్లు ఒక‌టి. వీటిని తీసుకోవ‌డం వ‌ల్ల త‌క్కువ ధ‌ర‌లోనే మ‌న శ‌రీరానికి అవ‌స‌ర‌మ‌య్యే పోష‌కాలన్నీ ల‌భిస్తాయి. ఈ కోడిగుడ్ల‌తో మనం ర‌క‌ర‌కాల వంట‌కాల‌ను కూడా త‌యారు చేస్తూ ఉంటాం. కోడిగుడ్ల‌తో చేసే వంట‌కాలు రుచిగా ఉంటాయి. ఈ కోడిగుడ్ల‌తో ఎక్కువ‌గా ఫ్రై చేస్తూ ఉంటాం. కింద చెప్పిన విధంగా చేసే ఈ కోడిగుడ్డు ఫ్రై చూడ‌డానికి చికెన్ ఫ్రై లా ఉంటుంది. అలాగే రుచిగా కూడా ఉంటుంది. దీనిని కేవ‌లం నిమిషాల వ్య‌వ‌ధిలోనే త‌యారు చేసుకోవ‌చ్చు. చూడ‌డానికి చికెన్ ఫ్రై లా ఉండే కోడిగుడ్డు ఫ్రైను ఎలా త‌యారు చేసుకోవాలి.. త‌యారీకి కావ‌ల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
ఎగ్ ఫ్రై త‌యారీకి కావ‌ల్సిన ప‌దార్థాలు..
కోడిగుడ్లు – 4, నూనె – 2 టేబుల్ స్పూన్స్, వెల్లుల్లి రెబ్బ‌లు – 10, కారం – 2 టీ స్పూన్స్, ఉప్పు – త‌గినంత, ప‌సుపు – పావు టీ స్పూన్, ధ‌నియాల పొడి – పావు టీ స్పూన్, త‌రిగిన కొత్తిమీర – కొద్దిగా.
ఎగ్ ఫ్రై త‌యారీ విధానం..
ముందుగా ఒక రోట్లో వెల్లుల్లి రెబ్బ‌లు, కారం వేసి క‌చ్చా ప‌చ్చాగా దంచుకోవాలి. త‌రువాత గిన్నెలో కోడిగుడ్ల‌ను వేసి అంతా క‌లిసేలా బాగా క‌లుపుకోవాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక కోడిగుడ్డు మిశ్ర‌మాన్ని వేసి వేడి చేయాలి. దీనిని క‌దిలించ‌కుండా కొద్దిగా వేగే వ‌ర‌కు అలాగే ఉంచాలి. కోడిగుడ్డు ఒక‌వైపు వేగిన త‌రువాత మ‌రో వైపుకు తిప్పి వేయించాలి. కోడిగుడ్డు రెండు వైపులా చ‌క్క‌గా వేగిన త‌రువాత దానిని పెద్ద పెద్ద ముక్క‌లుగా క‌ట్ చేసుకుని మ‌రికొద్ది సేపు వేయించాలి. త‌రువాత ఉప్పు, ప‌సుపు, ముందుగా దంచుకున్న వెల్లుల్లి కారం వేసి క‌ల‌పాలి.
త‌రువాత ధ‌నియాల పొడి వేసి క‌ల‌పాలి. దీనిని రెండు నిమిషాల పాటు వేయించి చివ‌ర‌గా కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే ఎగ్ ఫ్రై త‌యార‌వుతుంది. ఈ ఎగ్ ఫ్రై చికెన్ ఫ్రై కంటే కూడా చాలా రుచిగా ఉంటుంది. ఇంట్లో కూర‌గాయ‌లు లేన‌ప్పుడు, వంట చేయ‌డానికి స‌మ‌యం లేన‌ప్పుడు ఇలా కోడిగుడ్ల‌తో ప‌ది నిమిషాల్లోనే ఫ్రైను త‌యారు చేసుకుని తిన‌వ‌చ్చు. అన్నంతో క‌లిపి తింటే ఈ ఫ్రై చాలా రుచిగా ఉంటుంది.
