Kobbari Pachadi : మ‌నం ప‌చ్చి కొబ్బ‌రిని కూడా ఆహారంగా తీసుకుంటూ ఉంటాము. ప‌చ్చికొబ్బ‌రి మ‌న ఆరోగ్యానికి ఎంతో మేలు చేస్తుంది. దీనిలో మ శ‌రీరానికి అవ‌స‌ర‌మ‌య్యే పోష‌కాల‌తో పాటు ఎన్నో ఆరోగ్య ప్ర‌యోజ‌నాలు దాగి ఉన్నాయి. ప‌చ్చికొబ్బ‌రిని తీసుకోవ‌డం వ‌ల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చు. ప‌చ్చి కొబ్బ‌రిని తీపి వంట‌కాల్లో వాడ‌డంతో పాటు దీనితో మ‌నం ఎంతో రుచిగా ఉండే పచ్చడిని కూడా త‌యారు చేస్తూ ఉంటాము. ప‌చ్చి కొబ్బ‌రి ప‌చ్చ‌డి చాలా రుచిగా ఉంటుంది. దీనిని త‌యారు చేయ‌డం కూడా చాలా సుల‌భం. అన్నంతో పాటు అల్పాహారాల‌తో కూడా దీనిని తిన‌వ‌చ్చు. ఎంతో క‌మ్మ‌గా, రుచిగా ఉండే కొబ్బ‌రి పచ్చడిని ఎలా త‌యారు చేసుకోవాలో ఇప్పుడు తెలుసుకుందాం.
కొబ్బ‌రి ప‌చ్చ‌డి త‌యారీకి కావ‌ల్సిన ప‌దార్థాలు..
నూనె – 2 టీ స్పూన్స్, ప‌చ్చిమిర్చి – 10 లేదా త‌గిన‌న్ని, ప‌చ్చి కొబ్బ‌రి ముక్క‌లు – ముప్పావు క‌ప్పు, త‌రిగిన ట‌మాటలు – 2, చింత‌పండు – నిమ్మ‌కాయంత, కొత్తిమీర – కొద్దిగా, ఉప్పు – త‌గినంత, వెల్లుల్లి రెబ్బ‌లు – 10.
కొబ్బ‌రి ప‌చ్చ‌డి త‌యారీ విధానం..
ముందుగా క‌ళాయిలో ప‌చ్చిమిర్చి వేసి వేయించాలి. ప‌చ్చిమిర్చి వేగిన త‌రువాత వీటిని ప్లేట్ లోకి తీసుకుని ప‌క్క‌కు ఉంచాలి. త‌రువాత అదే క‌ళాయిలో ప‌చ్చి కొబ్బ‌రి ముక్క‌లు వేసి 3 నిమిషాల పాటు వేయించి ప్లేట్ లోకి తీసుకోవాలి. త‌రువాత అదే క‌ళాయిలో ట‌మాటాలు, చింత‌పండు, కొత్తిమీర వేసి క‌లిపి మూత పెట్టాలి. ట‌మాట ముక్క‌లు మెత్త‌గా ఉడికిన త‌రువాత స్ట‌వ్ ఆఫ్ చేసి చ‌ల్లార‌నివ్వాలి. ఇప్పుడు జార్ లో ప‌చ్చిమిర్చి, ప‌చ్చి కొబ్బ‌రి వేసి మెత్త‌గా మిక్సీ ప‌ట్టుకోవాలి. త‌రువాత వేయించిన ట‌మాటాలు, ఉప్పు, వెల్లుల్లి రెబ్బ‌లు వేసి మెత్త‌గా మిక్సీ ప‌ట్టుకుని గిన్నెలోకి తీసుకోవాలి. త‌రువాత ఈ పచ్చడిని తాళింపు దినుసులు, ఎండుమిర్చి, క‌రివేపాకుతోతాళింపు చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే కొబ్బ‌రిప‌చ్చ‌డి త‌యార‌వుతుంది. కూర లేక‌పోయిన‌ప్ప‌టికి ఈ ప‌చ్చ‌డితో క‌డుపు నిండుగా భోజ‌నం చేయ‌వ‌చ్చు. ఈ పచ్చడిని అంద‌రూ ఎంతో ఇష్ట‌ప‌డ‌తార‌ని చెప్ప‌వ‌చ్చు.
