Kova Gulab Jamun : ఇన్ స్టాంట్ గా అప్ప‌టిక‌ప్పుడు త‌యారు చేసుకునే తీపి ప‌దార్థాలు అన‌గానే మ‌నకు ముందుగా గుర్తుక వ‌చ్చేది గులాబ్ జామున్. ఈ తీపి వంట‌కం గురించి ప్ర‌త్యేకంగా చెప్ప‌వ‌ల‌సిన ప‌ని లేదు. వీటిని మ‌నం త‌ర‌చూ చేస్తూనే ఉంటాం. ఎక్కువ‌గా వీటిని మ‌నం బ‌య‌ట మార్కెట్ లో దొరికే గులాబ్ జామున్ మిక్స్ తో త‌యారు చేస్తూ ఉంటాం. ఈ గులాబ్ జామున్ లను మ‌నం కోవాతో కూడా త‌యారు చేసుకోవ‌చ్చు. కోవాతో చేసే గులాబ్ జామున్ లు మ‌రింత రుచిగా ఉంటాయి. కోవాతో సుల‌భంగా, రుచిగా గులాబ్ జామున్ లను ఎలా త‌యారు చేసుకోవాలో ఇప్పుడు తెలుసుకుందాం.
కోవా గులాబ్ జామున్ త‌యారీకి కావ‌ల్సిన ప‌దార్థాలు..
కోవా – 100 గ్రా., పంచదార – 200 గ్రా., మైదా పిండి – 70 గ్రా., బేకింగ్ పౌడ‌ర్ – పావు టీ స్పూన్, బేకింగ్ సోడా – చిటికెడు, యాల‌కుల పొడి – అర టీ స్పూన్, నూనె – డీప్ ఫ్రైకు స‌రిప‌డా.
కోవా గులాబ్ జామున్ త‌యారీ విధానం..
ముందుగా ఒక ప్లేట్ లో కోవాను తీసుకుని మెత్త‌గా చేసుకోవాలి. త‌రువాత మైదా పిండి, బేకింగ్ సోడా, బేకింగ్ పౌడ‌ర్ వేసి క‌ల‌పాలి. త‌రువాత కొద్దిగా నీటిని పోసి మెత్త‌గా కలుపుకోవాలి. త‌రువాత దీనిపై మూత‌ను ఉంచి ప‌క్క‌కు ఉంచాలి. ఇప్పుడు క‌ళాయిలో పంచదార, మూడు క‌ప్పుల నీళ్లు పోసి వేడి చేయాలి. పంచదార క‌రిగే వ‌ర‌కు క‌లుపుతూ ఉండాలి. పంచదార క‌రిగిన త‌రువాత దానిలో యాల‌కుల పొడి వేసి మ‌రో 10 నిమిషాల పాటు ఉడికించి స్ట‌వ్ ఆఫ్ చేసుకోవాలి. త‌రువాత కోవాను మ‌రోసారి క‌లిపి చిన్న చిన్న ఉండలుగా చేసుకోవాలి. త‌రువాత క‌ళాయిలో నూనె పోసి వేడి చేయాలి. నూనె వేడ‌య్యాక కోవా ఉండ‌ల‌ను నూనెలో వేసి వేయించుకోవాలి. వీటిని మ‌ధ్య‌స్థ మంట‌పై ఎర్ర‌గా అయ్యే వ‌ర‌కు వేయించుకోవాలి.
త‌రువాత వీటిని తీసి పంచదార పాకంలో వేసుకోవాలి. పంచదార పాకంలో వీటిని ఒక గంట పాటు ఉంచి త‌రువాత వీటిని స‌ర్వ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే కోవా గులాబ్ జామున్ లు త‌యార‌వుతాయి. త‌ర‌చూ చేసే గులాబ్ జామున్ ల కంటే ఈ విధంగా చేసిన గులాబ్ జామున్ లు మ‌రింత రుచిగా ఉంటాయి. తీపి తినాల‌నిపించిన‌ప్పుడు, ప్ర‌త్యేక రోజుల్లో కోవాతో ఇలా గులాబ్ జామున్ లను కూడా త‌యారు చేసుకుని తిన‌వ‌చ్చు. ఈ గులాబ్ జామున్ లను అంద‌రూ ఎంతో ఇష్టంగా తింటారు.
