Royyala Vepudu : మ‌నం ఆహారంగా తీసుకునే మాంసాహార ఉత్ప‌త్తుల్లో రొయ్య‌లు కూడా ఒక‌టి. రొయ్య‌లు మ‌న ఆరోగ్యానికి ఎంతో మేలు చేస్తాయి. వీటిని తిన‌డం వల్ల మ‌న ఆరోగ్యానికి ఎంతో మేలు క‌లుగుతుంది. రొయ్య‌ల‌తో మ‌నం ర‌క‌ర‌కాల వంట‌కాల‌ను త‌యారు చేసుకుని తింటూ ఉంటాం. రొయ్య‌ల‌తో చేసుకోద‌గిన రుచిక‌ర‌మైన వంట‌కాల్లో రొయ్య‌ల వేపుడు కూడా ఒక‌టి. రొయ్య‌ల వేపుడు చాలా రుచిగా ఉంటుంది. కింద చెప్పిన విధంగా చేసే రొయ్య‌ల వేపుడు రుచిగా ఉండ‌డంతో పాటు దీనిని త‌యారు చేయ‌డం కూడా చాలా సుల‌భం. రుచిగా, అంద‌రికి న‌చ్చేలా రొయ్య‌ల వేపుడును ఎలా త‌యారు చేసుకోవాలి.. త‌యారీకి కావల్సిన ప‌దార్థాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
రొయ్య‌ల వేపుడు త‌యారీకి కావల్సిన ప‌దార్థాలు..
రొయ్య‌లు – అర‌కిలో, నిమ్మ‌ర‌సం -అర చెక్క, ప‌సుపు – పావు టీ స్పూన్, ఉప్పు – త‌గినంత, నూనె – 2 టేబుల్ స్పూన్స్, చిన్న‌గా త‌రిగిన ఉల్లిపాయలు – అర క‌ప్పు, అల్లం వెల్లుల్లి పేస్ట్ – ఒక టేబుల్ స్పూన్, త‌రిగిన ప‌చ్చిమిర్చి- 3, కారం – 2 టీ స్పూన్స్, ధ‌నియాలు – 2 టీ స్పూన్స్, జీల‌క‌ర్ర – అర టీ స్పూన్, మిరియాలు – అర టీ స్పూన్, వెల్లుల్లి రెబ్బలు – 4, క‌రివేపాకు – ఒక రెమ్మ, త‌రిగిన కొత్తిమీర – కొద్దిగా.
రొయ్య‌ల వేపుడు త‌యారీ విధానం..
ముందుగా శుభ్రం చేసిన రొయ్య‌ల్లో నిమ్మ‌ర‌సం, ప‌సుపు, ఉప్పు వేసి క‌ల‌పాలి. దీనిపై మూత పెట్టి అర‌గంట పాటు ప‌క్క‌కు ఉంచాలి. త‌రువాత క‌ళాయిలో నూనె వేసి వేడి చేయాలి. నూనె వేడ‌య్యాక రొయ్య‌ల‌ను వేసి వేయించాలి. వీటిని నీరంతా పోయే వ‌ర‌కు వేయించిన త‌రువాత ప్లేట్ లోకి తీసుకుని ప‌క్క‌కు ఉంచాలి. త‌రువాత అదే క‌ళాయిలో మ‌రి కొద్దిగా నూనె వేసి వేడి చేయాలి. త‌రువాత ఉల్లిపాయ ముక్క‌లు వేసి వేయించాలి. త‌రువాత ప‌చ్చిమిర్చి, అల్లం పేస్ట్ వేసి వేయించాలి. త‌రువాత వేయించిన రొయ్య‌లు, కారం, ఉప్పు వేసి క‌ల‌పాలి. ఇప్పుడు వీటిపై మూత పెట్టి 3 నుండి 4 నిమిషాల పాటు బాగా వేయించాలి.
రొయ్య‌లు వేగుతుండ‌గానే జార్ లో ధ‌నియాలు, మిరియాలు, జీల‌క‌ర్ర వేసి మెత్త‌గా మిక్సీ ప‌ట్టుకోవాలి. త‌రువాత వెల్లుల్లి రెబ్బలు కూడా వేసి మిక్సీ ప‌ట్టుకోవాలి. త‌రువాత ఈ పొడిని రొయ్య‌ల‌ల్లో వేసి క‌ల‌పాలి. అలాగే క‌రివేపాకు వేసి క‌ల‌పాలి. దీనిని మ‌రో 3 నిమిషాల పాటు వేయించి కొత్తిమీర చ‌ల్లుకుని స్ట‌వ్ ఆఫ్ చేసుకోవాలి. ఇలా చేయ‌డం వల్ల ఎంతో రుచిగా ఉండే రొయ్య‌ల వేపుడు త‌యార‌వుతుంది. దీనిని సైడ్ డిష్ గా తింటే చాలా రుచిగా ఉంటాయి. అ్నంతో కూడా ఈ రొయ్య‌ల వేపుడును తిన‌వ‌చ్చు. ఈ విధంగా త‌యారు చేసిన రొయ్య‌ల వేపుడును అంద‌రూ ఎంతో ఇష్టంగా తింటారు.
