రాత్రి భోజ‌నం చేసిన త‌రువాత మ‌ళ్లీ ఉద‌యం బ్రేక్‌ఫాస్ట్ చేసే వ‌ర‌కు శ‌రీరానికి ఎలాంటి శ‌క్తి ల‌భించ‌దు. అందువ‌ల్ల స‌హ‌జంగానే బ‌ద్ద‌కంగా ఉంటుంది. చురుగ్గా ప‌నిచేయ‌రు. కానీ ఉద‌యం తీసుకునే ఆహారాల్లో శ‌క్తిని, పోష‌కాల‌ను అందించే ఆహారాల‌ను తీసుకోవాలి. దీంతో చురుగ్గా మారుతారు. పోష‌కాలు ల‌భించ‌డంతోపాటు శ‌క్తి కూడా అందుతుంది. దీంతో రోజంగా యాక్టివ్‌గా ప‌నిచేస్తారు. ఎంత ప‌నిచేసినా అల‌సి పోరు. మ‌రి ఉద‌యం బ్రేక్ ఫాస్ట్‌లో తీసుకోవాల్సిన ఆ ఆహారాలు ఏమిటంటే..
1. బాదంప‌ప్పులో అనేక పోష‌కాలు ఉంటాయి. వీటిని గుప్పెడు మోతాదులో ముందు రోజు రాత్రి నీటిలో నాన‌బెట్టాలి. మ‌రుస‌టి రోజు ఉద‌యం బ్రేక్‌ఫాస్ట్‌లో వీటిని తినాలి. దీంతో అద్బుత‌మైన పోష‌కాల‌తోపాటు శ‌క్తి కూడా ల‌భిస్తుంది. రోగ నిరోధ‌క శ‌క్తి పెరుగుతుంది. ఉద‌యం నుంచి యాక్టివ్‌గా ఉండ‌వ‌చ్చు.
2. వాల్‌న‌ట్స్‌ను కూడా ఉద‌యం బ్రేక్‌ఫాస్ట్‌లో గుప్పెడు మోతాదులో తీసుకోవ‌చ్చు. దీంతో మెదడు యాక్టివ్‌గా ఉంటుంది. చురుగ్గా ప‌నిచేస్తారు. నిద్ర మ‌బ్బు, బ‌ద్ద‌కం త‌గ్గుతాయి. నాడీ మండ‌ల వ్య‌వ‌స్థ మెరుగ్గా ప‌నిచేస్తుంది.
3. కిస్మిస్‌ల‌ను కూడా ఉద‌యం బ్రేక్ ఫాస్ట్‌లో గుప్పెడు మోతాదులో తినాలి. వీటితో అమోఘ‌మైన శ‌క్తి, పోష‌కాలు ల‌భిస్తాయి. కిస్మిస్‌ల‌ను తింటే ర‌క్తం బాగా త‌యార‌వుతుంది. కాల్షియం ల‌భిస్తుంది క‌నుక ఎముక‌లు దృఢంగా, ఆరోగ్యంగా ఉంటాయి.
4. ఉద‌యం బ్రేక్‌ఫాస్ట్‌లో బెల్లం కూడా తినాలి. ఇది శ‌క్తిని అందిస్తుంది. ర‌క్తాన్ని శుద్ధి చేస్తుంది. గుండెను ఆరోగ్యంగా ఉంచుతుంది. బ‌రువు త‌గ్గేందుకు స‌హాయ ప‌డుతుంది.
5. బ్రేక్ ఫాస్ట్‌లో తీసుకోవాల్సిన ఆహారాల్లో వెల్లుల్లి ఒక‌టి. ఇందులో యాంటీ బాక్టీరియ‌ల్‌, యాంటీ వైర‌ల్ గుణాలు ఉంటాయి. అందువ‌ల్ల బాక్టీరియా, వైర‌స్ ఇన్‌ఫెక్ష‌న్లు రాకుండా చూసుకోవ‌చ్చు. బీపీ త‌గ్గుతుంది. ర‌క్త స‌ర‌ఫ‌రా మెరుగు ప‌డుతుంది. గుండె ఆరోగ్యంగా ఉంటుంది. కొలెస్ట్రాల్ లెవ‌ల్స్ త‌గ్గుతాయి. ఉద‌యం బ్రేక్ ఫాస్ట్ చేసే ముందు రెండు వెల్లుల్లి రెబ్బ‌ల‌ను తింటుంటే మేలు జ‌రుగుతుంది.
