Kasavinda Seeds : మ‌న చుట్టూ అనేక ర‌కాల ఔష‌ధ గుణాలు క‌లిగిన మొక్క‌లు ఉంటాయి. కానీ వాటిలో ఔష‌ధ గుణాలు ఉంటాయ‌ని అవి మ‌న ఆరోగ్యానికి ఎంతో మేలు చేస్తాయ‌ని మ‌న‌కు తెలియ‌నే తెలియ‌దు. అలాంటి కొన్ని ర‌కాల ఔష‌ధ మొక్క‌ల్లో కసవింద మొక్క కూడా ఒక‌టి. క‌నుమ‌రుగైపోతున్న ఔష‌ధ మొక్క‌ల్లో ఇది ఒక‌టి అని చెప్ప‌వ‌చ్చు. అస‌లు కసవింద మొక్క‌లో ఔష‌ధ గుణాలు ఉంటాయ‌న్న సంగ‌తి మ‌న‌లో చాలా మందికి తెలిసి ఉండ‌దు. దాదాపుగా అన్ని ప్రాంతాల్లో ఈ మొక్క పెరుగుతుంది. దీని శాస్త్రీయ నామం సెన్నా ఆక్సిడెంటాలీస్. దీనిని సంస్కృతంలో కాసారి, కాస‌మ‌ర్దా అని పిలుస్తారు. కొన్ని ప్రాంతాల్లో కసవింద చెట్టు చెన్నంగి చెట్టు అని కూడా పిలుస్తారు. ఈ మొక్క ఆకుల‌తో ప‌చ్చ‌డిని, కారం పొడిని త‌యారు చేసుకుని తింటూ ఉంటారు. దీనిని తీసుకోవ‌డం వ‌ల్ల పొట్ట‌లోని మ‌లినాలు తొల‌గిపోయి సుఖ విరేచ‌నం అవుతుంది.
కేవ‌లం ఆకుల్లోనే కాకుండా కసవింద చెట్టు ప్ర‌తి భాగంలో కూడా ఔష‌ధ గుణాలు ఉంటాయి. కసవింద చెట్టు మ‌న‌ప ఆరోగ్యానికి ఎలా మేలు చేస్తుందో ఇప్పుడు తెలుసుకుందాం. కసవింద చెట్టు ఆకులు చేదు రుచిని క‌లిగి ఉంటాయి. శ‌రీరంలో వాతాన్ని, విషాన్ని హ‌రించ‌డంలో ఈ ఆకులు మ‌న‌కు ఎంత‌గానో ఉప‌యోగ‌ప‌డ‌తాయి. గాయాల‌ను, గ‌డ్డ‌ల‌ను, చ‌ర్మ సంబంధిత సమస్యలను త‌గ్గించ‌డంలో కూడా ఈ మొక్క మ‌న‌కు ఉప‌యోగ‌ప‌డుతుంది. ఈ మొక్క‌ను స‌మూలంగా సేక‌రించి ఎండ‌బెట్టి పొడిలా చేసుకోవాలి. ఈ పొడికి తేనెను క‌లిపి లేప‌నంగా చేసుకోవాలి. ఈ మిశ్ర‌మాన్ని గాయాలు, పుండ్లు, చ‌ర్మ సమస్యలు ఉన్న చోట చ‌ర్మం పై రాయాలి. ఇలా చేయ‌డం వ‌ల్ల దుర‌ద, గ‌జ్జి, తామ‌ర వంటి అనేక ర‌కాల చ‌ర్మ వ్యాధులు త‌గ్గుతాయి. చెట్టు ఆకుల‌ను వెన్న‌తో క‌లిపి నూరి ప‌క్ష‌వాతం వ‌ల్ల ప‌డిపోయిన శ‌రీర భాగాల‌పై రాస్తూ మ‌ర్దనా చేయాలి.
ఇలా చేస్తూ ఉండ‌డం వ‌ల్ల కొన్ని రోజుల్లోనే ఆ భాగాలు మ‌ర‌లా చ‌క్క‌గా ప‌ని చేస్తాయి. కసవింద గింజ‌ల‌ను దోర‌గా వేయించి పొడిగా చేసుకోవాలి. ఈ పొడిని నీటిలో వేసి క‌షాయంలా చేసుకోవాలి. త‌రువాత దీనిలో త‌గిన‌న్ని పాలు, కండెచ‌క్కెర వేసి టీ లా త‌యారు చేసుకుని తాగాలి. ఇలా తీసుకోవ‌డం వ‌ల్ల స‌మ‌స్త మూత్ర రోగాలు హ‌రించుకుపోతాయి. రక్తం కూడా శుద్ధి అవుతుంది. అలాగే ఈ గింజ‌ల పొడిని పావు టీ స్పూన్ మోతాదులో తేనెతో క‌లిపి రెండు పూట‌లా తీసుకోవ‌డం వ‌ల్ల అతి మూత్ర స‌మ‌స్య త‌గ్గుతుంది. తెల్ల‌బట్ట‌తో బాధ‌ప‌డే స్త్రీలు కసవింద చెట్టు బెర‌డుతో క‌షాయాన్ని త‌యారు చేసుకోవాలి. ఈ క‌షాయంతో మూత్రానికి వెళ్లిన ప్రతిసారి యోనిని శుభ్రం చేసుకుంటూ ఉండాలి. ఇలా చేయ‌డం వ‌ల్ల స్త్రీలల్లో వ‌చ్చే తెల్ల‌బ‌ట్ట, కుసుమ సమస్యలు త‌గ్గుతాయి. బోధ‌కాలు స‌మ‌స్య‌తో బాధ‌ప‌డే వారు కసవింద చెట్టు వేరు బెర‌డును తీసుకుని ఎండ‌బెట్టి పొడిలా చేయాలి.
ఈ పొడిని రెండు పూట‌లా పూట‌కు రెండు నుండి ఐదు గ్రాముల మోతాదులో నాటు ఆవు నెయ్యితో క‌లిపి భోజ‌నానికి గంట ముందు తీసుకోవాలి. ఇలా చేయ‌డం వ‌ల్ల బోధ‌కాలు వాపులు త‌గ్గుతాయి. అయితే ఈ పొడిని తీసుకున్న మొద‌ట్లో విరోచ‌నాలు కావ‌చ్చు. కాబ‌ట్టి కొద్ది మోతాదులో మొద‌లు పెట్టి కొద్ది కొద్దిగా మొతాదును పెంచుతూ ఉండాలి. అలాగే ఈ పొడిని రెండు నుండి మూడు గ్రాముల మోతాదులో తేనెతో క‌లిపి రెండు పూట‌లా ఆహారానికి గంట ముందు తీసుకోవాలి. ఇలా తీసుకోవ‌డం వ‌ల్ల శ‌రీరంలోని చెడు నీరంతా పోయి ఉబ్బు రోగాల‌న్నీ త‌గ్గు ముఖం ప‌డ‌తాయి. గాయాలు తగిలి రక్తం ఆగ‌కుండా కారుతున్న‌ప్పుడు ఈ మొక్క ఆకుల‌ను మెత్త‌గా నూరి ఆ ర‌సాన్ని గాయాల‌పై పిండాలి.
త‌రువాత ఆ పిప్పిని గాయాల‌పై ఉంచి క‌ట్టు క‌ట్టాలి. ఇలా చేయ‌డం వ‌ల్ల రక్తం కార‌డం ఆగ‌డంతో పాటు గాయాలు కూడా త్వ‌ర‌గా మానుతాయి. కసవింద పూల‌ను మెత్త‌గా దంచి ర‌సాన్ని తీయాలి. ఈ ర‌సాన్ని ఒక‌టి లేదా రెండు చుక్క‌ల మోతాదులో కంటిలో వేసుకోవ‌డం వ‌ల్ల రేచీక‌టి స‌మ‌స్య త‌గ్గుతుంది. కసవింద వేరును 10 గ్రాముల మోతాదులో తీసుకుని ఒక గ్లాస్ నీటిలో వేసి క‌షాయంలా చేసుకోవాలి. ఈ క‌షాయాన్ని వ‌డ‌క‌ట్టుకుని తాగుతూ ఉండ‌డం వ‌ల్ల చ‌లిజ్వ‌రం త‌గ్గుతుంది. ఈ విధంగా కసవింద చెట్టు మ‌న‌కు ఎంత‌గానో ఉప‌యోగ‌ప‌డుతుంద‌ని దీనిని వాడ‌డం వ‌ల్ల మ‌నం అనేక ర‌కాల అనారోగ్య సమస్యలను న‌యం చేసుకోవ‌చ్చ‌ని ఆయుర్వేద నిపుణులు చెబుతున్నారు.
