ర‌ణపాల మొక్క ఆకులు మందంగా వుండి అధిక నీటి శాతాన్ని కలిగివుంటాయి. అలంకరణ మొక్కగా చాలా మంది వీటిని పెంచుకొంటారు. ఈ మొక్క ఆకులు ఆయుర్వేదంలో కీలక పాత్రను పోషిస్తాయి. చాలా రుగ్మతలకు వీటి ఆకుల రసాన్ని ఔషధంగా వాడతారు. వంకీలు తిరిగిన ఈ ఆకు అంచులకు చిన్న చిన్న వేర్లు మొలుస్తుంటాయి. ఆ వేరు కలిగిన భాగాన్ని కత్తిరించి మరోచోట పాతితే కొత్త మొక్క పుట్టుకువస్తుంది. ఈ మొక్కను ఉత్తరాంధ్రలో చంద్రపొడి మొక్క అంటారు.
మనం ఈ మొక్క గురించి చాలా రోజుల ముందు నుంచి తెలుసుకుంటున్నాము. రణ పాల మొక్క గురించి చాలా మంది చాలా గొప్పగా చెప్పారు. పుండ్ల‌ను నయం చేస్తుంది, గడ్డలను పగిలేలా చేసి, మళ్లీ దాన్ని నయం చేస్తుంది. ఆకుపై ఆముదం రాసి గడ్డల మీద, పుండ్ల మీద పెడుతూ ఉంటే అవి చాలా సత్వరంగా నయం అవుతాయి.
మూత్రపిండాల్లో రాళ్ళను కరిగించడంలో, కీళ్ళ నొప్పుల నుంచి ఉపశమనం కలిగించడంలో, Urinary track infection తగ్గించడంలో, జీర్ణ వ్యవస్థ ను మెరుగు పరచడంలో దీని పాత్ర చాలా అద్భుతం అని వైద్యులు చెప్పారు. మ‌న‌ము కూడా ఈ మొక్కను మ‌న బాల్కనీ లో పెంచడం మొదలు పెట్ట‌వ‌చ్చు. చాలా గట్టిది, చిన్న కుండీలో కూడా బాగా ఎదుగుతుంది. చెప్పినట్టుగానే ఆకు మట్టిలో పడితే, లేదా ప్రత్యేకంగా నాటితే ఆకు చివర నుంచి మళ్లీ కొత్త మొక్కలు పుట్టుకువస్తాయి. దీని ఆకులను కషాయం గా కాచుకుని పరగడుపున తాగవచ్చు. కొంతమంది ఆకులను నేరుగా నమలవచ్చు అని చెబుతున్నారు.
