మనకు అందుబాటులో ఉన్న అత్యంత తక్కువ ధర కలిగిన కూరగాయల్లో టమాటాలు ఒకటి. వీటిని మనం రోజూ కూరల్లో వేస్తుంటాం. టమాటాలతో మనం అనేక వంటకాలను తయారు చేయవచ్చు. అయితే వంటకాలను చేయడం కన్నా వాటిని కాస్తంత ఉడికించి నేరుగా తింటేనే అనేక ప్రయోజనాలు కలుగుతాయి. మూడు టమాటాలను తీసుకుని నూనె లేకుండానే గిన్నెలో ఉడకబెట్టి వాటిని అలాగే ఉదయాన్నే బ్రేక్ ఫాస్ట్‌తో కలిపి తినాలి. దీంతో అనేక ప్రయోజనాలు పొందవచ్చు. ఇలా తినడం వల్ల ఎలాంటి లాభాలు కలుగుతాయో ఇప్పుడు తెలుసుకుందాం.
టమాటాల్లో విటమిన్లు అధికంగా ఉంటాయి. ముఖ్యంగా విటమిన్‌ ఎ, సి అధికంగా ఉంటాయి. వీటి వల్ల శరీర రోగ నిరోధక శక్తి పెరుగుతుంది. అందువల్ల టమాటాలను తింటే సీజనల్‌గా వచ్చే వ్యాధుల నుంచి ఉపశమనం లభిస్తుంది. రోగ నిరోధక శక్తి పెరుగుతుంది. అలాగే టమాటాల్లో ఉండే విటమిన్‌ ఎ కంటి చూపును మెరుగు పరుస్తుంది. దీంతో కంటి వ్యాధులు తగ్గుతాయి. కళ్లు ఆరోగ్యంగా ఉంటాయి.
టమాటాల్లో యాంటీ ఆక్సిడెంట్లు అధికంగా ఉంటాయి. ముఖ్యంగా వీటిలో లైకోపీన్‌ అనే యాంటీ ఆక్సిడెంట్‌ సమృద్ధిగా ఉంటుంది. ఇది గుండెను సంరక్షిస్తుంది. హార్ట్‌ ఎటాక్‌లు రాకుండా చూస్తుంది. దీంతో గుండె ఆరోగ్యంగా ఉంటుంది. కనుక టమాటాలను రోజూ తినాలి. అలాగే టమాటాల్లో ఫైబర్‌ అధికంగా ఉంటుంది. ఇది జీర్ణ సమస్యలను తగ్గిస్తుంది. ముఖ్యంగా గ్యాస్, మలబద్దకం, అసిడిటీ, అజీర్ణం తగ్గుతాయి. అలాగే అధిక బరువును తగ్గించడంలోనూ ఈ ఫైబర్‌ ఎంతగానో ఉపయోగపడుతుంది. రోజూ టమాటాలను తినడం వల్ల బరువును సులభంగా తగ్గించుకోవచ్చు. అధిక బరువు ఉన్నవారికి టమాటాలు మేలు చేస్తాయి.
టమాటాల్లో ఉండే యాంటీ ఆక్సిడెంట్లు కొలెస్ట్రాల్‌ను కరిగిస్తాయి. దీని వల్ల రక్త నాళాల్లో కొలెస్ట్రాల్‌ పేరుకుపోకుండా ఉంటుంది. దీంతో హార్ట్‌ ఎటాక్‌ల రావు. అలాగే షుగర్‌ వ్యాధి గ్రస్తులకు కూడా టమాటాలు ఎంతో మేలు చేస్తాయి. వీటిల్లో ఉండే యాంటీ ఆక్సిడెంట్లు షుగర్‌ లెవల్స్‌ను నియంత్రిస్తాయి. దీంతో డయాబెటిస్‌ అదుపులో ఉంటుంది.
టమాటాల్లో ఉండే విటమిన్‌ సి, యాంటీ ఆక్సిడెంట్లు చర్మాన్ని ఆరోగ్యంగా ఉంచుతాయి. చర్మం కాంతివంతంగా మృదువుగా మారుతుంది. చర్మ క్యాన్సర్లు రాకుండా ఉంటాయి. అలాగే శరీరంలో రక్తం బాగా తయారవుతుంది. రక్తహీనత నుంచి బయట పడవచ్చు. ఇలా టమాటాలను తినడం వల్ల అనేక ప్రయోజనాలను పొందవచ్చు.
