Mix These With Ghee : నెయ్యి.. ఇది మ‌నంద‌రికి తెలిసిందే. పాల‌తో తయారు చేసే ప‌దార్థాల్లో ఇది కూడా ఒక‌టి. ఎంతో కాలంగా నెయ్యిని మ‌నం ఆహారంలో భాగంగా తీసుకుంటున్నాము. నెయ్యితో ర‌క‌ర‌కాల తీపి వంట‌కాల‌ను కూడా తయారు చేస్తూ ఉంటాము. నెయ్యితో చేసే వంట‌కాలు చాలా రుచిగా ఉంటాయి. అలాగే వంట‌ల్లో కూడా మ‌నం నెయ్యిని ఉప‌యోగిస్తూ ఉంటాము. నెయ్యి మ‌న ఆరోగ్యానికి ఎంతో మేలు చేస్తుంది. దీనిని తీసుకోవ‌డం వల్ల మ‌నం ఎన్నో ఆరోగ్య ప్ర‌యోజ‌నాల‌ను పొంద‌వ‌చ్చు. అయితే నెయ్యిని నేరుగా కాకుండా దానిలో ఇత‌ర ప‌దార్థాల‌ను కలిపి తీసుకోవ‌డం వల్ల మ‌నం మ‌రిన్ని ప్ర‌యోజ‌నాల‌ను పొంద‌వ‌చ్చ‌ని నిపుణులు చెబుతున్నారు. నెయ్యితో కలిపి తీసుకోద‌గిన ఇత‌ర ప‌దార్థాలు ఏమిటి.. నెయ్యితో వీటిని కలిపి తీసుకోవ‌డం వల్ల మ‌న‌కు క‌లిగే ప్ర‌యోజ‌నాలు ఏమిటి.. అన్న వివ‌రాల‌ను ఇప్పుడు తెలుసుకుందాం.
నెయ్యిలో ప‌సుపు కలిపి తీసుకోవ‌డం వల్ల మ‌న ఆరోగ్యానికి ఎంతో మేలు క‌లుగుతుంది. నెయ్యిలో ప‌సుపును కలిపి తీసుకోవ‌డం వల్ల శ‌రీరం చ‌ల్ల‌బ‌డుతుంది. శ‌రీరంలో మంట త‌గ్గుతుంది. రోగ‌నిరోధ‌క శ‌క్తి పెరుగుతుంది. వాతావ‌ర‌ణ మార్పుల కార‌ణంగా త‌లెత్తే స‌మ‌స్య‌లు రాకుండా ఉంటాయి. సుల‌భంగా బ‌రువు త‌గ్గ‌వ‌చ్చు. అలాగే నెయ్యిలో ప‌సుపు కలిపి తీసుకోవ‌డం వల్ల మూత్ర‌పిండాల ఆరోగ్యం మెరుగుప‌డుతుంది. శ‌రీరంలో నొప్పులు త‌గ్గుతాయి. ఒక క‌ప్పు నెయ్యిలో ఒక టీ స్పూన్ ప‌సుపు, అర టీ స్పూన్ మిరియాల పొడి కలిపి రోజూ తీసుకోవ‌డం వల్ల చ‌క్క‌టి ఆరోగ్యాన్ని సొంతం చేసుకోవ‌చ్చు. అలాగే నెయ్యిలో మెంతులు కలిపి తీసుకోవ‌డం వల్ల కూడా ఎంతో మేలు క‌లుగుతుంది. నెయ్యిలో మెంతులు కలిపి తీసుకోవ‌డం వల్ల షుగ‌ర్ అదుపులో ఉంటుంది. ర‌క్తంలో చ‌క్కెర స్థాయిలు అదుపులో ఉంటాయి. జీర్ణ‌శ‌క్తి మెరుగుప‌డుతుంది. జీర్ణ‌స‌మ‌స్య‌లు రాకుండా ఉంటాయి. అదే విధంగా తుల‌సి ఆకుల‌ను, నెయ్యిని కలిపి తీసుకోవ‌డం వల్ల కూడా ఎంతో మేలు క‌లుగుతుంది.
తుల‌సి ఆకుల‌ను పొడిగా చేసి నెయ్యితో కలిపి తీసుకోవ‌చ్చు. అలాగే తాజా ఆకుల‌ను కూడా నెయ్యితో కలిపి తీసుకోవ‌చ్చు. నెయ్యితో కలిపి తుల‌సి ఆకుల‌ను ఎలా తీసుకున్నా కూడా మ‌న‌కు మేలు క‌లుగుతుంది. నెయ్యి తయారు చేసేట‌ప్పుడు అందులో తుల‌సి ఆకులు వేసి తయారు నెయ్యిని తయారు చేయాలి. ఇలా తుల‌సి ఆకులు వేసి తయారు చేసిన నెయ్యిని తీసుకోవ‌డం వల్ల శ‌రీరంలో రోగ‌నిరోధ‌క శ‌క్తి పెరుగుతుంది. ఇన్పెక్ష‌న్ లు ద‌రి చేర‌కుండా ఉంటాయి. షుగ‌ర్ అదుపులో ఉంటుంది. శ‌రీరానికి మేలు క‌లుగుతుంది. ఇక యాల‌కుల‌ను, నెయ్యిని కలిపి తీసుకోవ‌డం వల్ల కూడా మ‌న‌కు మేలు క‌లుగుతుంది. యాల‌కులు, నెయ్యిని కలిపి తీసుకోవ‌డం వల్ల జీర్ణ‌శ‌క్తి మెరుగుప‌డుతుంది. తిన్న ఆహారం సరిగ్గా జీర్ణ‌మ‌వుతుంది. ఈ విధంగా నెయ్యిని ఇత‌ర ప‌దార్థాల‌తో కలిపి తీసుకోవ‌డం వల్ల మ‌న ఆరోగ్యానికి మ‌రింత మేలు క‌లుగుతుంద‌ని ఆరోగ్య నిపుణులు చెబుతున్నారు.
