మ‌న శ‌రీరంలో అతి ముఖ్య‌మైన భాగం గుండె. ప్రత్యేకమైన కండరాలు గుండెలో నిరంతరం పనిచేస్తుంటాయి. గుండె అనేది ఛాతిలో ఎడమవైపున ఉంటుంది. గుండెకు సంబంధించి ఏదైనా సమస్య కలిగినప్పుడు గుర్తించటం చాలా మందికి తెలియదు. గుండె జబ్బులకు సంబంధించిన సంకేతాలు అంత సులభంగా బయటపడవు. హార్ట్ ఎటాక్ వచ్చినా.. హార్ట్ సంబంధించిన ఏదైనా పెయిన్ వచ్చిన గుర్తించ‌డం కాస్త క‌ష్ట‌మే.ప్రస్తుతం యువతలో హార్ట్ ఎటాక్ రేటు పెరుగుతోంది. హార్ట్ ఎటాక్ లక్షణాలు మనకు తెలియనంత నిశ్శబ్దంగా ఉంటాయి. మీకు ఈ లక్షణాలు కనిపిస్తే, ఇప్పుడు జాగ్రత్తగా ఉండాలి. 60 సంవత్సరాలు లేదా అంతకంటే ఎక్కువ వయసు ఉన్న వారు, అధిక బరువు లేదా షుగర్, హై బిపి, ఎక్కువ కొవ్వుతో బాధపడుతుంటే ఎప్పటికప్పుడు గమనిస్తూ ఉండటం మంచిది.
గుండె బలహీనంగా ఉన్న సమయంలో కనిపించే కొన్ని లక్షణాలు చూస్తే.. పెద్దగా గురక పెట్టడం, ఊపిరి ఆడటంలో సమస్యలు , ఊపిరి సరిగా ఆడకపోవడం అనేది స్లీప్ అప్నియాకు సంకేతం. ఇలా జరిగితే గుండెపై అదనపు ఒత్తిడి పడుతుంది. చాలా మందిలో ఎలాంటి ఉక్కపోత లేకపోయినప్పటికీ..శరీరం నుండి చెమట బయటకు వస్తుంది. కొంత మందిలో ఏసి వంటి చల్లని వాతావరణంలోనూ ఎలాంటి కారణం లేకుండా చెమటలు పడుతుంటాయి. ఇలా చెమటలు వస్తుంటే గుండె పోటు రావడానికి సంకేతం.గుండె సంబంధిత జబ్బులకు దగ్గు అనేది సంకేతం కాకపోయినప్పటికీ ఒక్కో సందర్భంలో దగ్గుతున్న సమయంలో శ్లేష్మం గులాబీ రంగులో ఉంటే మాత్రం మీ గుండె పనితీరులో తేడా ఉన్నట్లు గమనించాలి.
గుండె స్పందన అప్పుడప్పుడు పెరుగటం లేదా తగ్గటం వంటివి చోటు చేసుకుంటుంటాయి. గుండె కొంత వేగంగా కొట్టుకోవడం సహజం. అయితే మీ గుండె కొన్ని సెకన్ల కన్నా ఎక్కువగా కొట్టుకుందని మీకు అనిపిస్తే వెంటనే వైద్యుడిని సంప్రదించాలి.. మీ ఎడమ చేయి తరచుగా నొప్పి వేస్తుంటే.. ఈ చేతుల నొప్పి ఛాతీ నొప్పి వరకు వ్యాపించడం కూడా గుండె బలహీనంగా ఉందని సూచించే సంకేతాల్లో ఒకటి. గుండె రక్తాన్ని సరిగ్గా ప్రసరణ చేయకపోవటం వల్ల పాదాలు, కాళ్ళు వాపులు వచ్చే అవకాశం ఉంటుంది. మీ గుండెకు తగినంత వేగంగా రక్తం సరఫరా కాలేనప్పుడు, రక్తం సిరల్లోకి తిరిగొచ్చి వాపునకు గురవుతుంది. గుండె బలహీనంగా ఉండటం వల్ల మూత్రపిండాలు శరీరం నుండి అదనపు నీరు మరియు సోడియంను తొలగించడం కష్టతరం అవుతుంది. దీని వల్ల మీ పాదాలు మరియు కాళ్లు వాపుతో కనిపిస్తాయి. ఈ ల‌క్ష‌ణాల‌లో మీకు ఏది క‌నిపించిన కూడా ఏ మాత్రం అశ్ర‌ద్ద చేయ‌కుండా వైద్యుడిని సంప్రదించాలి.
