ప్రస్తుత టెక్నాలజీ కాలంలో ఎంతోమంది జీవితాలు ప్లాపులతో కొనసాగుతున్నాయి.. డబ్బే ప్రధాన ధ్యేయంగా పరిగెడుతూ, కుటుంబానికి కనీసం టైం కేటాయించక పోవడం వల్ల భార్యభర్తల మధ్య అనేక మనస్పర్థలు వచ్చి చివరికి ఆ బంధాలు మధ్యలోనే ముగిసిపోతాయి.. ఈ తరుణంలో మీరు ఒక విషయాన్ని గమనించాలి..
విశ్వసనీయంగా,మద్దతుగా ఉండటం, మీ భాగస్వామికి సమయం ఇవ్వడం మరియు మంచి స్నేహితులుగా ఉండటం, సంతోషకరమైన, ఆనందకరమైన జీవితం లో ముఖ్యం. మీ లైఫ్ అనేది ఎల్లప్పుడూ సాఫీగా సాగాలి అంటే రిలేషన్ షిప్ లో మనం 8 పనులు చేయకూడదని తెలుసుకోవాలి.
పెళ్లికి ముందు ఎవరితోనైనా రిలేషన్ లో ఉంటే గతం గురించి ఎప్పుడూ మాట్లాడకండి. వారికి అసౌకర్యంగా అనిపించేలా ఎప్పుడూ మాట్లాడకండి. వారిని పరిమితం చేసి మాట్లాడవద్దు. భాగస్వామిని ఎప్పుడూ అనుమానించకండి. వారికి నిజంగా మీపై ప్రేమ ఉంటే మిమ్మల్ని ఎప్పటికీ మోసం చేయరు. జీవిత భాగస్వామిని ఒక బానిస లా చూడకుండా స్నేహితురాలిగా భావించి ప్రతి విషయాన్ని పంచుకోండి.
వారిని మీ మాజీ లేదా మరొకరితో ఎప్పుడూ పోల్చవద్దు. ప్రతి ఒక్కరూ ప్రత్యేకమైనవారు. వారిపై ఎప్పుడూ కోపం తెచ్చుకోకండి. వారితో ఎప్పుడు కూడా దుర్భాష గా మాట్లాడి, మనసును బాధ పెట్టవద్దు.. దీని వల్ల మీ రిలేషన్ షిప్ దెబ్బతినే అవకాశం ఎక్కువగా ఉంటుంది.
