నిమ్మకాయలను చాలా రకాలుగా ఉపయోగించుకుంటుంటారు. ఇందులో ఉండే విటమిన్ సి రోగ నిరోధక శక్తి పెరగటమే కాక అందాన్ని పెంచుతుంది. నిమ్మ వల్ల అనారోగ్య సమస్యలు దూరమవుతాయి ఇదంతా సైన్స్….. అలాగే నిమ్మకాయలకు దిష్టి దోషాలను, ప్రతీత శక్తులను తొలగించే అతీత శక్తులున్నాయని చాలా మంది నమ్మకం. నమ్మకాలన్నీ నిజాలా..? అంటే చెప్పలేం కానీ…నమ్మకమనేది ఓరకమైన బలమే అనేది మాత్రం వాస్తవం…. అయితే నిమ్మకాలయను మనం ఎక్కడ ఎక్కడ నమ్మతామంటే……
షాపుల ముందు ఇలా వేలాడుతూ…తమ వ్యాపారాలను నాశనం చేయాలనే దుష్ట శక్తులనుండి రక్షిస్తాయనే నమ్మకం.! మంత్రతంత్రాలలో ప్రధానమైన పాత్ర నిమ్మకాయది. భావిస్తారు.! ఆంజనేయస్వామి గుడికి వెళ్ళి నాలుగు నిమ్మకాయలు, లవంగాలు తీసుకెళ్ళి పూజ చేయటం ద్వారా మీ కష్టాలు తొలగిపోతాయని నమ్మకం! వ్యాపారం బాగా జరగకపోతే… ఒక నిమ్మకాయను తీసుకొని, షాప్ లోని నాలుగు గోడలకు ఒకసారి ఆ నిమ్మకాయను టచ్ చేసి, ఆ తర్వాత ఆ నిమ్మకాయను నాలుగు ముక్కలుగా కోసి ఆ నాలుగు దిక్కులలో ఆ నిమ్మకాయ ముక్కలను ఉంచటం ద్వారా శని బయటకు వెళ్తుందని నమ్మకం.!
మన ఇంటి ప్రాంగణంలో ఒక నిమ్మ చెట్టు ఉండటం ద్వారా ఎలాంటి ప్రతీక శక్తులు ఇంట్లోకి ప్రవేశించవని నమ్మకం.! అలాగే మన ఇంటి వాస్తు విషయంలో ఎలాంటి సమస్యలున్నా నిమ్మ చెట్టు ఉండటం వలన వాస్తు సెట్ అవుతుందంట! ఇంట్లో ఎవరికైనా దిష్టి దోషం తగిలితే ఓ నిమ్మకాయను తీసుకొని కింద నుండి పై వరకూ వారిని చూస్తూ దిష్టి తీసి, దానిని నాలుగు సమాన భాగాలుగా కోసి, ఎవరూ లేని ఖాళీ స్థలంలో పడేయాలి. వాటిని అక్కడే పడేసి వెనక్కి తిరిగి చూడకుండా వచ్చేయాలి. ఇలా చేయటం ద్వారా ఆ దిష్టి పోతుందంట!
ఇవేం నమ్మకాలు బాబూ… నాలుగు నిమ్మకాయలు ఉంటే ఇవ్వండి… కాసింత ఉప్పు కలుపుకొని షర్బత్ చేసుకొని తాగుతా.. ఇంకా ఎక్కువ నిమ్మకాయలుంటే ఇవ్వంటి, ఎలాగూ ఎండాకాలం కాసింత పచ్చటి పెట్టుకొని కమ్మగా తింటా అనే వాళ్లకు ఈ నియమాలు వర్తించవ్. ఎందకంటే ఎవరి నమ్మకం వాళ్లది. ఏ పుట్టలో ఏ పాముందో టైపు అన్నమాట!
