తెలుగు ఇండస్ట్రీలో అష్టా చమ్మా సినిమా ద్వారా ప్రేక్షకులకు పరిచయమైన హీరో నేచురల్ స్టార్ నాని. ఆయన సినిమా వస్తుందంటే పెద్దగా హంగు ఆర్భాటాలు లేకుండా నేచురల్ గా ప్రతి ఒక్క అభిమానిని ఆకర్షించే విధంగా ఆయన ఉండటమే కాకుండా సినిమాలు కూడా అలాగే ఉంటాయి. అయితే అష్టాచమ్మా ద్వారా ఇండస్ట్రీ లోకి అడుగు పెట్టిన నానిని ఈ సినిమాలో ముందుగా హీరోగా అనుకోలేదట ఇంద్రగంటి మోహన్ కృష్ణ గారు. అయితే ఈ సినిమాను ఒక పెద్ద ఫ్యామిలీ కి చెందిన స్టార్ హీరోతో చేయాలి అనుకున్నారట. కానీ చివరి సమయంలో మాత్రం అతనికి హ్యాండ్ ఇవ్వడంతో ఎవ్వరి ఊహలకు అందకుండా నాని ని ఫైనల్ చేశారని తెలుస్తోంది.
ఇంకో విషయం ఏంటంటే ఈ చిత్రానికి గాను నానికి పారితోషికం కూడా ఇవ్వలేదట. ఏమి ఆశించకుండా అవకాశం రావడమే గొప్ప అన్నట్టు నాని ఈ సినిమాను పూర్తి చేశారు. ఇక అప్పటి నుంచి నాని ప్రయాణం ఎలా సాగిందో మనందరికీ తెలిసిందే. భీమిలి కబడ్డీ జట్టు, రైడ్, అలా మొదలైంది వంటి డిఫరెంట్ సినిమాలతో రాజమౌళి కంట్లో పడ్డారు నాని. దీంతో ఈగ అనే డిఫరెంట్ సినిమాతో నాని ని కొత్తగా పరిచయం చేశారు జక్కన్న. అయితే ఈ సినిమా తర్వాత అనేక ఫ్లాపులు మూటగట్టుకున్న నాని, ఇక కెరియర్ అయిపోయింది అన్న సమయంలో మారుతి దర్శకత్వంలో వచ్చిన భలే భలే మగాడివోయ్ మూవీతో మళ్లీ సరికొత్త హిట్ అందుకున్నాడు.
ఇక అప్పటి నుంచి నాచురల్ స్టార్ హిట్లు, ఫ్లాపులను లెక్కచేయకుండా దూసుకుపోతున్నాడు. ఇటీవ‌లే స‌రిపోదా శ‌నివారం సినిమాతో సరికొత్త లుక్ లో మన ముందుకు వ‌చ్చాడు. అయితే నాని కెరీర్లో కూడా ఎన్నో సినిమాలు రిజెక్ట్ చేసి బాధ పడ్డారట. ఆయన రిజెక్టు చేసిన సినిమాలు బాక్సాఫీస్ వద్ద రికార్డులు క్రియేట్ చేశాయని తెలుస్తోంది. ఆ సినిమాలు ఏంటో చూద్దాం. సుకుమారుడు, తడాకా, గుండెజారి గల్లంతయ్యిందే, ఉయ్యాల జంపాల, సుప్రీమ్, ఊపిరి, మహానటి ( ఏ ఎన్ ఆర్ పాత్ర ), జాను, శ్రీకారం.. ఇలా చాలా సినిమాలను నాని వ‌దులుకోగా.. వీటిలో చాలా వ‌ర‌కు బ్లాక్ బ‌స్ట‌ర్ హిట్‌లుగా నిలిచాయి.
