Ali Basha : తమిళ నటుడు విక్రమ్ గురించి ప్రత్యేక పరిచయాలు అక్కర్లేదు. ఎన్నో వైవిధ్యమైన పాత్రలు పోషించి ప్రేక్ష‌కుల‌ని ఎంత‌గానో అల‌రించాడు విక్రమ్. పా రంజిత్ ద‌ర్శ‌క‌త్వంలో తంగ‌లాన్‌ అనే సినిమా చేశాడు విక్రమ్. యాక్ష‌న్ థ్రిల్ల‌ర్ క‌థాంశంతో ప్ర‌యోగాత్మ‌కంగా ఈ సినిమా రూపొందింది. ఈ సినిమా ఫ్లాప్ గా నిలిచింది.
అయితే విక్రమ్ కి సంబంధించిన ఓ వార్త ఇప్పుడు నెట్టింట హ‌ల్‌చ‌ల్ చేస్తుంది. విక్రమ్ తన కెరీర్ మొదట్లో అక్కినేని నాగేశ్వరరావు తో కూడా కలిసి నటించాడు ఇక ఆ సినిమా ‘బంగారు కుటుంబం’.. ఈ సినిమా అప్పట్లో పెద్ద విజయం సాధించింది. అప్పట్లో శ్రీకాంత్ సతీమణి ఊహతో కూడా తెలుగులో పలు సినిమాల్లో నటించాడు విక్రమ్. వారిద్దరి కాంబినేషన్లో వచ్చిన సినిమా ‘ఊహ’.. ఈ సినిమా గురించి ప్రత్యేకంగా కొన్ని విషయాలు చెప్పుకోవాలి..ఈ సినిమాలో విక్రమ్ విలన్ పాత్రలో కనిపిస్తాడు.. ఈ సినిమాను శివాల ప్రభాకర్ అనే దర్శకుడు తెరకెక్కించాడు.
కమెడియన్ ఆలీ హీరోగా నటించిన ఊహా సినిమాలో విక్రమ్ విలన్గా తన న‌ట విశ్వరూపం చూపించాడనే చెప్పాలి. ఈ సినిమా తర్వాత విక్రమ్ పలు తెలుగు సినిమాల్లో నటించినా అవి అంతగా సక్సెస్ కాక‌పోవ‌డంతో త‌మిళంకి ప‌రిమితం అయ్యాడు. అయితే ఇప్పుడు ఆయ‌న నటించిన చిత్రాలు తెలుగులో డ‌బ్ అవుతుంటాయి. తమిళంలో కాశీ అనే సినిమాతో సూపర్ హిట్ కొట్టిన విక్రమ్ అక్కడ నుండి వరుస సినిమాల్లో నటిస్తూ సౌత్ ఇండియాలోనే స్టార్ హీరోగా గుర్తుకు తెచ్చుకున్నాడు. విక్రమ్ కూడా ఎటువంటి సినీ బ్యాగ్రౌండ్ లేకుండా చిత్ర పరిశ్రమలో అడుగుపెట్టి క్యారెక్టర్ ఆర్టిస్ట్ గా నటిస్తూ ప్రస్తుతం సౌత్ ఇండియాలోనే స్టార్ హీరోగా మారాడు. విక్రమ్ తన కెరీర్ ప్రారంభంలో తమిళ సినిమాలతో పాటుగా పలు తెలుగు సినిమాల్లో కూడా నటించాడు.
